settings icon
share icon
Icipusho

Nabiike cisumino candi muli Yesu…nomba shani??

Ukwasuka


Mwabombeni! Wa pango kusala kwa kwalulo mweo obe! Lelo nalimo uleipusha, “cinshi nomba? Nala tampa shani ulwendo lwandi na Lesa?” Intampulo shisano ishatantikwa panshi shilekupele cilangililo kufuma mu cipingo. Ilyo wa kwate fipusho mu lwendo lobe, tandalila ku: www.GotQuestions.org/Bambara.

1. Shininkisho kuti waishibo mwalole pusukilo.

1 Yohane 5:13 itwebe fyo, “Nembele ifi fintu kuli imwe, nati mwishibe ukuti muli no mweo wa muyayaya, mwe batetekele shina lya Mwana wa kwa Lesa.” Lesa alefwaya tukwato kupama mu kwishibo kwabulo kutwishiko kuti twalipusuka. Mu kusupawila, natumone ifikomo fikalamba pa lwe pusukilo:

(a) Bonse twalibembuka. Bonse twacite fishi sekesha Lesa. (Roma 3:23).

(b) Pa mulandu walubembu lwesu, twalingo kukandwa mu ku patululwa kuli Lesa mumuyayaya (Roma 6:23).

(c) Yesu afwile pa lupando kuti alipile umutengo walubembu lwesu (Roma 5:8; 2 Korinti 5:21). Yesu afwilile mwipunda lyesu, asendo kukandwo kwalingilwe ifwe. Ukubuka kwakwe kwalangile fyo imfwa yakwa Yesu yali iyafikapo kulipilo mutengo walubembu lwesu.

(d) Lesa apēlo kwelēla ne pusukilo kuli abo bonse ababike cisumino cabo muli Yesu – ukusubila mu mfwa yakwe nga malipilo ya lubembu lwesu. (Yohane 3:16; Roma 5:1; Roma 8:1).

Uku e kubila kwa mbila nsuma! Nga wabīke cisumino cobe muli Yesu Christu ngo mupusushi obe, uli uwa pusuka! Imembu shobe shonse shili ishaelelwa, na Lesa alaye fyo takakushe nangulo kukuposa nakalya (Roma 8:38-39; Mateo 28:20). Ibukishe fyo, ipusukilo lyobe lyasungilwa muli Yesu Christu (Yohane 10: 28-29). Ngo le subila muli Yesu fye eka ngo mupusushi obe, kuti wakwato kupama mukuti ukekalo muyayaya na Lesa mu mūlu!

2. Sange cilonganino cisambilishe cebo ca kwa Lesa.

Witontonkanye cilonganino kuba nge cikūlwa. Lelo icilonganino bantu. Cinkankala sana ukuti abasumina muli Yesu Christu bwakwate senge capamo. Ici cimo pa fishintililo fya cilonganino. Nomba pa kuti wabiike cisumino cobe muli Yesu Christu, twakonkomesha sana ukuti usange cilonganino ca iminina pa cebo muncende waikalila elo nokulanda na ba shimapepo. Ubeshibishe ulwa cisumino cobe cipya muli Yesu Christu.

Ishintililo lya bubili lya cilonganino kasambilishe cebo ca kwa Lesa. Kuti wasambilile fya kukonke fyebo fya kwa Lesa pa mweo obe. Ukumfwikishe cebo cikankala ku bwikashi bwa mweo wabwina Christu ubwafikapo kabili ubwa maka. 2 Timo 3:16-17 isosefyo, “Amalembo yonse yantu yapūtwamo kuli Lesa, kabili yamulimo ku kasambilisha, ku kwebaula, ku kulungika, ku kufunda kwa mubulungami; ukuti umuntu wa kwa Lesa abe uwapwililila, uwaiteyanya ku kubombo mulilo onse usuma.”

Ishintililo lya butatu lya cilonganino kupepa. Ukupepa ku totela Lesa pali fyonse fyo aacita! Lesa alitupususha. Lesa alitutemwa. Lesa alatupēla ifyo tukabila. Lesa alatu tungulula no ku tulangilila. Cinshi tatwinga mu totelela? Lesa wamushilo, mulungami, wa kutemwa, wa luse, elo afule cikūku. Ukusokolola 4:11 kwa sosefyo, “Mwaliwamina, mwe Shikulwifwe Lesa wesu, ukupokelelo bukata no mucinshi na ‘maka; pantu ni ‘mwe mwalengele ifintu fyonse, kabili mulandu wa kufwaya kwenu fyabeleleko no kulengwa.”

3. Patululako akashita cila bushiku ukulolekesha pali Lesa.

Cikankala sano kupose nshita cila bushiku ukulolekesha pali Lesa. Bambi bēte yi nshita nge “nshita yakwikala shilili” pantu ninshita tuipatulwilako kuli Lesa. Bambi basalo kupatulako akashito lucelo, elo bambi basale cungulo. Tacikweto mulandu ifyo mwingēte nshite yi nangule mwingasalo kucite ci. Icikankala cakuti mwa posako akashita na Lesa. Fyakucita nshi finga sende nshita yesu na Lesa?

(a) Amapepo. Ukupepa kulanda na Lesa. Landa na Lesa pa masakamiko yobe na mafya. Lomba Lesa akupēle amāno no kutungulula. Lomba Lesa akupēle fyo ulekabila. Mwebe Lesa ifyo wamutemwa ne fyo watotela pali fyonse fyo akucitila. Ici efyo kupepa kwaba.

(b) Ukubelenge cipingo. Ukulunda pa kusambilile cipingo mu kulongana, ku masambilisho ya baice, nangula ku kebelenga capamo – uliingilo kula belenge cipingo wemwine. Icipingo cakwatamo fyonse fyo tukabilo kwishibo kuti twikalo bwikashi bwa mweo wa bwina Christu bwafikapo. Cakwatamo kutungulula kwa kwa Lesa mu kusala kwesu ukwamano, ukwishibo bufwayo bwa kwa Lesa, umwa kushimikila bambi, elo no mwakukula ku mupashi. Icipingo e cebo ca kwa Lesa kuli ifwe. Icipingo e lembo lya ku tutungulo mwa kwikalile myeo yesu mu musango wa kusekesha Lesa elyo no kuipakisha kwesu.

4. Mono kuti wakwate fibusa finga kwafwa ku mupashi.

1 Korinti 15:33 itwebe fyo, “Mwilufiwa: ‘ukubishanya kubi konaule mibele isuma.’” Icipingo caisulamo ne fya kucenjesha pa misango iletwa na bantu “babi” kuli ifwe. Ukopose nshita nābo abaibimba mu mu ficitwa fya lubembu kuti fya tulenga twa tompolwa ku ficitwe fyo. Umubēlo wa bantu tusangwa nabo kuti “wa tukumya”. Eco cabēle cikankalo kushingulukwa na bantu bambi abatemwa Lesa kabili a aba itūla kuli wena.

Esha ukusange cibusa cimo nangula babili, nalimo ku cilonganino cobe, abenga kwafwa no kukukoselesha (Hebere 3:13; 10:24). Lombe fibusa fyobo kuba ba kukufwilikisha pa nshita yobe ilyo uli weka, pa fyo ulecita, no kwenda kobe na Lesa. Ipusha nga kuti wacita cimo cine na kuli bena. Ici tacilepilibulo kuti walked fibusa fyobe fishaishiba Yesu Christu ngo mupusushi wabo. Konkanyapo kube cibusa cabo no kubatemwa. Lelo bashimikile fyo Yesu ayalulo mweo obe no kuti teti nomba ucite fintu walecita. Lomba Lesa akupēle akashita ka kushimikila Yesu ku fibusa fyobe.

5. Mono kuti wabatishiwa

Abantu abengi tabaumfwikisho mwalolo ku batishiwa. Ishiwi lya kubatisha lipilbula “ukwingisha mu menshi.” Ukubatisha ninshila ya mucipingo Iya kulangililamo ku cintu bwingi ulwa cisumino cobe cipya muli Yesu Christu no kulaya kobe ku kumukonka. Ukucita kwa kwingisha mu menshi kulangililo kushikwa na Yesu mu mfwa. Ukucita kwa kufuma mu menshi kulangilile cikope ca kubushiwa ku bafwa kwa kwa Christu. Ukubatishiwa ku ikuminisha ku mfwa ya kwa Yesu, ukushikwa kwakwe no kubūka kwakwe (Roma 6:3-4).

Ukubatishiwa te cile kupususha iyo. Ukubatishiwa takusambe membu shobe iyo. Ukubatishiwa lutampulo fye lwa kumfwila Christu, ukubila ku cintu bwingi ulwa cisumino cobe muli Christu eka mu kupusushiwa. Ukubatishiwa kukankala pantu lutampulo lwa kumfwila Christu – ukubila ku cintu bwingi ulwa cisumino muli Christu no kulaya kwobe kuli wena. Nga nauipelesho kubatishiwa, lombo kulanda na ba shimapepo.

English



Bweleleni pe bula lya mu ciBemba

Nabiike cisumino candi muli Yesu…nomba shani??
© Copyright Got Questions Ministries