کلیسیا کیا ہے ؟




سوال: کلیسیا کیا ہے ؟

جواب:
بہت سارے لو گ کلیسیا کو ایک عمارت کے طور پر سمجھتے ہیں یہ کلیسیا کی بائبل کے مطابق سمجھ بوجھ نہیں ہے ۔ لفظ " کلیسیا " یونانی لفظ اوکلیسیا سے ماخوذ ہے جس کی تعریف " ایک اجتماع" کے طور پر ہوتی ہے یا " ہر کسی کو بُلانا " ہوتی ہے ۔ " کلیسیا " کا بنیادی مطلب ایک عمارت نہیں ہے ، لیکن لوگوں کے حوالے سے ہے ۔ یہ مضحکہ خیز بات ہے کہ جب آپ لوگوں سے پوچھتے ہیں کہ اُنہوں نے کونسی کلیسیا میں عبادت کی تو وہ عام طور پر ایک عمارت کی نشاندہی کرتے ہیں ۔ رومیوں 16 باب اُس کی 5 آیت کہتی ہے " اور اُس کلیسیا سے بھی سلام کہو جو اُن کے گھرمیں ہے ۔ " پولس اِن کے گھر میں کلیسیا کا حوالہ دیتا ہے نہ کہ کلیسیا کی عمارت کا بلکہ ایمانداروں کے ایک جسم کا حوالہ دیتا ہے ۔

کلیسیا مسیح کا بدن ہے جس کا وہ سردار ہے افسیوں 1 باب اسکی 22 ۔ 23 آیات کہتی ہیں " اور خدا نے سب کچھ اُس کے پاوں تلے کر دیا اور اُس کو سب چیزوں کو سردار بنا کر کلیسیا کو دے دیا یہ اُس کا بدن ہے اور اُس کی معموری جو ہر طرح سے سب کا معمور کرنے والا ہے ۔ " مسیح کا بدن یسوع مسیح میں پینتیکوست سے لیکر مسیح کی آمدِ ثانی تک کے تمام ایمانداروں سے بنا ہوا ہے ۔ ( اعمال 2 باب) ۔

مسیح کا بدن دو پہلو رکھتا ہے عالمگیر کلیسیا اِن تمام لوگوں پر مشتعمل ہے جو یسوع مسیح کے ساتھ ذاتی رشتہ رکھتے ہیں " کیونکہ ہم سب نے خواہ یہودی ہوں خواہ یونانی خواہ غلام خواہ آزاد ایک ہی روح کے وسیلہ سے ایک بدن ہونے کے لیے بپتسمہ لیا اور ہم سب کو ایک ہی روح پلایا گیا ۔ " ( 1 کرنتھیوں 12 : 13 ) ۔ یہ آیت کہتی ہے کہ ہر کوئی جو ایمان رکھتا ہے مسیح کے بدن کا حصہ ہے اور گواہی کے طور پر مسیح کی روح کو حاصل کر چُکا ہے ۔ خدا کی عالمگیر کلیسیا اُن لوگوں کی ہے جو یسوع مسیح میں ایمان رکھنے کے وسیلہ سے نجات حاصل کر چُکے ہیں ۔ گلتیوں 1 باب اُس کی 1 اور 2 آیات میں مقامی کلیسیا کو بیان کیا گیا ہے ۔ " پولس کی طرف سے جو نہ انسانوں کی جانب سے نہ انسان کے سبب سے بلکہ یسوع مسیح اور خدا باپ کے سبب سے جس نے اُس کو مُردوں میں سے جِلایا رسول ہے ۔ اور سب بھائیوں کی طرف جو میرے ساتھ ہیں گلتیہ کی کلیسیاوں کو " یہاں پر ہم دیکھتے ہیں گلتیہ کے علاقے میں بہت ساری کلیسیائیں تھیں کیا ہم اُن کو مقامی کلیسیائیں کہتے ہیں ۔ ایک بپتسمہ دینے والی کلیسیا لوتھر کی کلیسیا ، کیتھولک کلیسیا وغیرہ کلیسیا نہیں ہے ۔ جیسا کہ عالمگیر کلیسیا میں ہے ۔ لیکن قدرے ایک مقامی کلیسیاہے ایمانداوں کی مقامی جماعت ہے ۔ عالمگیر اُن لوگوں پر مشتعل ہے جو مسیح میں سے ہیں اور نجات کے لیے اُس پر ایمان رکھتے ہیں ، عالمگیر کلیسیا کے اِن اراکین کو ایک مقامی کلیسیامیں رفاقت اور اخلاقی تعلیم حاصل کرنی چاہیے ۔ مختصراً کلیسیا ایک عمارت یا ایک مذہبی فرقے کا ایک اجتماع نہیں ہے ۔ بائبل کے مطابق کلیسیا مسیح کا بدن ہے وہ سب جو نجات کے لیے اپنا ایمان یسوع مسیح میں رکھتے ہیں ( یوحنا 3 : 16 ، 1 کرنتھیوں 12 : 13 ) ۔ مقامی کلیسیائیں عالمگیر کلیسیا کے اراکین کے اجتماعات ہیں ۔

مقامی وہ جگہ ہے جہاں پر عالمگیر کلیسیا کے ممبران مکمل طور پر 1 کرنتھیوں اُس کے 12 باب کے " جسمانی " اصول و ضوابط لاگو کر سکتے ہیں ۔ وہ اصول و ضوابط ، حوصلہ افزائی کرنا ، تعلیم دینا ، اور خداوند یسو ع مسیح کے فضل اور حکمت میں ایکدوسرے کو مضبوط کرنا ہے ۔



واپس اردو زبان کے پہلے صفحے پر



کلیسیا کیا ہے ؟