میں کس طرح اپنے تمام گناہوں سے خداکی طرف سے معافی حاصل کرتا ہوں؟



سوال: میں کس طرح اپنے تمام گناہوں سے خداکی طرف سے معافی حاصل کرتا ہوں؟

جواب:
اعمال 13:38 بیان کرتا ہے، "بھائیو اب میری یہ بات جان لیں، ہم اس بات کی منادی کرنے آئے ہیں کہآپ کو اس شخص یسوع کے وسیلے سے اپنے گناہوں کی معافی ملتی ہے"۔

معافی کیاہے اور مجھے اسکی ضرورت کیوں ہے؟

لفظ "معافی" کے معنی ہیں تختی کو پونچھ کر صاف کر دینا۔ در گزر کرنا۔ ایک قرضہ کو رد کر دینا وغیرہ۔ جب ہم کسی کابراکرتے ہیں توجس نے برائی کی ہے اس کی طرف سے معافی کی امید کرتے ہیں تاکہ رشتہ برقرار رہے۔ معافی بخشی نہیں جاتی اس لئے کہ ایک شخص معافی کا حقدار نہیں ہوتا۔ کوئی بھی شخص معافی کا حقدار نہیں ہوتا۔ مگراس لئے کہ معافی محبت کا، رحم کااور فضل کاعمل ہوتاہے اس لئے یہ اس کو دی جاتی ہے۔ معافی ایک ایسا بڑا فیصلہ ہے کہ آپس کے جھگڑے کے بعد ایک دوسرے شخص کے خلاف اپنے دل و دماغ میں کچھ بھی برا خیال نہ رکھنے چاہے اس شخص نے دوسرے شخص کے خلاف کچھ بھی کیوں نہ کیا ہو۔

کلام پاک ہم سے کہتا ہے کہ ہم سب کو خدا کی طرف سے معافی کی ضرورت ہے۔ ہم سب نے گناہ کیا ہے۔ واعظ کی کتاب 7:20 منادی کرتی ہے کہ "زمین پرکوئی ایسا راستباز انسان نہیں کہ نیکی ہی کرے اور خطا نہ کرے" 1 یوحنا 1:8 کہتا ہے "اگرہم کہیں کہ ہم بے گناہ ہیں تو اپنے آپکو فریب دیتے ہیں اور ہم میں سچائی نہیں"۔ تمام گناہ آخر کار خداکے خلاف بغاوت کا عمل ہے۔ (زبور شریف 51:4)۔ اس کےانجام بطور ہم کو خدا کی معافی کی سخت ضرورت ہے۔ اگر ہمارے گناہ معاف نہ کئے جائیں تو ہم اپنی ابدیت کو بڑی دکھ کے ساتھ گزار یں گے جوکہ ہمارے گناہوں کا نتیجہ ہوگا (متی 25:46؛ یوحنا 3:36)۔

معافی – میں اسے کیسے حاصل کرتاہوں؟

شکر ہو کہ خدا محبت رکھنے والا اور رحم دل ہے۔ ہم کو ہمارے گناہ معاف کرنےکا خواہشمند! 2 پطرس 3:9 ہم سے کہتا ہے " خداوند اپنے وعدہ میں دیر نہیں کرتا جیسی دیر بعض لوگ سجمھتے ہیں بلکہ تمہارے بارے میں تحمل کرتاہے اس لئے کہ کسی کی ہلاکت نہیں چاہتا بلکہ یہ چاہتا ہے کہ سب کی توبہ تک نوبت پہنچے"۔ خدا چاہتاہے کہ ہم کو معاف کرے اس لئے اس نے ہماری معافی کا انتظام کیا۔

ہمارے گناہوں کا جرمانہ صرف اور صرف موت ہے۔ رومیوں 6:23 کاپہلا حصہ اس بات کا اعلان کرتا ہے کہ "گناہوں کی مزدوری موت ہے" ہم نے اپنے گناہوں کے عوض میں ابدی موت کمائے ہیں۔ خدااپنے کامل منصوبہ میں ایک انسان بنا۔ جوکہ مسیح یسوع ہے (یوحنا 14، 1:1)۔ ہمارے گناہوں کا جرمانہ۔ موت جس کےہم حقدار تھے اسے سہنے کے لئے یسوع صلیب پر مؤا۔ 2 کرنتھیوں 5:21 ہمیں سکھاتی ہے کہ "جوگناہ سے واقف نہ تھا اسی کو خدا نے ہمارے واسطے گناہ ٹھہرایا تاکہ ہم اس میں ہو کر خدا کی راستبازی ہو جائیں"۔ یسوع صلیب پرمؤا اور ہماری اس سزاکو اٹھا لیا جس کے ہم حقدار تھے! خداکی نظر میں تمام دنیا کے گناہوں کے لئے یسوع کے موت نے معافی مہیا کرائی۔ 1 یوحنا کا خط 2:2 منادی کرتا ہے کہ " یسوع مسیح جو راستباز ہے وہی ہمارے گناہوں کا کفارہ ہے اور نہ صرف ہمارے ہی گناہوں کا بلکہ تمام دنیا کے گناہوں کابھی" گناہ اور موت پر فتح حاصل کرنے کی منادی کے ساتھ یسوع دفنائے جانے کے تیسرے دن مردوں میں سے جی اٹھا (1 کرنتھیوں 28-1 : 15)۔ خدا کی حمد ہو کہ یسوع مسیح کی موت اور قیامت کے ذریعہ یہ ممکن ہوا کہ ہم کو اس کے ذریعہ ہمیشہ کی زندگی نصیب ہوئی جسے رومیوں 6:23 کے آخری حصہ میں یوں لکھا ہے کہ مگر خدا کی بخشش ہمارے خداوند یسوع مسیح میں ہمیشہ کی زندگی ہے۔ "

کیا آپ چاہتے ہیں کہ آپکے گناہ معاف کئے جائیں؟ کیا آپکو اپنی خطاواری کی ملامت کا احساس ہے کہ آپ خدا کے حضور ٹھہر نہیں سکتے؟ پر اگر آپ یسوع میسح کو اپنا شخصی نجات دہندہ قبول کرتے ہیں تو آپ کے لئے گناہوں کی معافی دستیاب ہے۔ افسیوں 1:7 کہتاہے کہ "ہم کو مسیح یسوع میں اسکے خون کے وسیلہ سے مخلصی یعنی قصوروں کی معافی اس کے فضل کی دولت کے موافق حاصل ہے"۔ یسوع نے ہمارے گناہوں کا قرضہ ہمارے لئے ادا کیا تاکہ ہم معاف کئے جائیں۔ آپکو جو کرنا ہے وہ یہ ہے کہ یسوع کی معرفت خدا سے معافی کی درخواست کریں یہ ایمان رکھتے ہوئے کہ آپ کو معافی دینے کے لئے یسوع صلیب پر مرا، اور وہ آپ کو معاف کر دے گا!

یوحنا 17-16 :3 میں یہ عجیب پیغام پایا جاتا ہے کہ "خدا نے دنیا سے اتنی محبت رکھی کہ اس نے اپنا اکلوتا بیٹا بخش دیا تاکہ جو کوئی اس پرایمان لائے وہ ہلاک نہ ہو، بلکہ ہمیشہ کی زندگیحاصل کرے کیونکہ خدا نے بیٹے کو دنیا میں اس لئے نہیں بھیجا کہ دنیا پر سزاکا حکم کرے بلکہاس لئےکہ دنیا اس کے وسیلہ سے نجات پائے۔"

معافی – کیا یہ حقیقت میں اتنا آسان ہے؟

جی ہاں! یہ سچ مچ میں آسان ہے! آپ خدا سے معافی حاصل نہیں کر سکتے۔ آپ خدا کو اپنی معافی کے لئے قیمت نہیں ادا کر سکتے۔ آپ صرف خدا کے فضل اور رحم کے ذریعہ ایمان کے وسیلے سےحاصل کر سکتے ہیں اگر آپ مسیح یسوع کواپنا نجات دہندہ کرکے قبول کرنا چاہتے اور خدا سے معافی حاصل کرناچاہتے ہیں تویہاں ایک دعا ہے جسے آپ کر سکتے ہیں۔یاد رکھیں اس دعا کو یا دوسری کوئی اور دعا کو کرنے کے ذریعہ کہ آپ بچائے نہیں جاسکتے۔ یہ صرف یسوع مسیح پر بھروسہ کرنے کے لئے جو کہ آپکو گناہوں کی معافی دیتی ہے۔ یہ دعا محض ایک طریقہ ہے کہ آپ یسوع مسیح پر بھروسہ کرتے ہیں اور شکریہ بجا لاتےہیں جس سے آپ کو گناہوں کی معافی حاصل ہوتی ہے۔ یہ دعااس طرح ہے، "اے خدا میں جانتا ہوں کہ میں نے تیرے خلاف گناہ کیا ہے اور میں سزا کے لائق ہوں۔ مگر یسوع مسیح نے میری سزاکو اپنے اوپر لے لیا ہے اور اب میں ایمان کے وسیلہ سے معافی کا حقدار ہوں۔ میں نجات کے لئے تجھ پر بھروسہ کرتا ہوں۔ تیرے اس عجیب فضل اور معافی کے لئے تیرا شکریہ! آمین!"

جو بھی کچھ آپ نے یہاں پڑھا ہے اس کی بنیاد پر کیا آپ نے مسیح کے لئے فیصلہ لیا ہے؟ اگر آپکا جواب ہاں میں ہے تو برائے مہربانی اس جگہ پر کلک کریں جہاں لکھا ہے کہ آج میں نے مسیح کو قبول کر لیا ہے۔



اردو ہوم پیج میں واپسی



میں کس طرح اپنے تمام گناہوں سے خداکی طرف سے معافی حاصل کرتا ہوں؟