رومی سڑک کی نجات کیا ہے؟



سوال: رومی سڑک کی نجات کیا ہے؟

جواب:
رومی سڑک کی نجات رومیوں کی کتاب سے فرق فرق آیتوں کو لے کر نجات کی خوشخبری کو سمجھانے کا ایک طریقہ ہے۔ یہ بالکل سیدھا سادہ ہے پھر بھی اس کے سمجھانے کا طریقہ بہت ہی زبردست ہے کہ ہم کو نجات کی کیوں ضرورت ہے، کس طرح خدا نے نجات مہیا کی، ہم کس طرح نجات حاصل کر سکتے ہیں اور نجات حاصل کرنے کے کیا کیا اجر ہیں۔

رومی سڑک کی نجات کے لئےپہلی آیت ہے رومیوں 3:23 "کیونکہ سب نے گناہ کیا اور خدا کے جلال سے محروم ہیں"۔ ہم سب نے گناہ کیا ہے، ہم سب نے وہ کام کئےہیں جو خدا کو نا خوش کرتی ہیں۔ کوئی بھی شخص ایسا نہیں ہے جو گناہوں سے معصوم ہو۔ رومیوں 18-10 :3 ایک مفصل تصویر پیش کر تی ہے کہ ہماری زندگی میں گناہ کس طرح نظر آتاہے۔ رومی سڑک کی نجات کے لئےکلام پاک کی دوسری آیت ہے، رومیوں 6:23۔ جو ہم کو گناہ کے نتیجوں کی بابت سکھاتی ہے۔ لکھا ہے کہ "گناہ کی مزدوری تو موت ہے مگر خدا کی بخشش ہمارے خداوند یسوع مسیح میں ہمیشہ کی زندگی ہے"۔ جو سزا ہم نے اپنے گناہ کے لئے کمائی ہے وہ ہے موت۔ نہ صرف جسمانی موت بلکہ روحانی اور ابدی موت!

رومی سڑک کی نجات کے لئے تیسری آیت جو چنا گیا ہے وہ رومیوں 6:23 کا دوسرا حصہ ہے جس میں لکھا ہے "مگر خدا کی بخشش ہمارے خداوند یسوع مسیح میں ہمیشہ کی زندگی ہے۔" صرف اور صرف خداوند یسوع مسیح میں ہمیشہ کی زندگی پائی جاتی ہے اور کسی میں نہیں۔ رومیوں 5:8 ہمیں اشتہار دیتا ہے کہ "خدا اپنی محبت کی خوبی ہم پر یوں ظاہر کرتاہے کہ جب ہم گنہگار ہی تھے تو مسیح ہماری خاطر مؤا"۔ یسوع ہمارے لئے مرا۔ یسوع کی موت ہمارے لئے قیمت ادا کی یسوع کا جی اٹھنا ثابت کرتاہے کہ خدا نے اس کی موت کو ہمارے گناہ کی قیمت بطور قبول کیا۔

رومی سڑک کی نجات کے لئے چوتھا ٹھہراؤ ہے رومیوں 10:9، "اگر تو زبان سے یسوع کے خداوند ہونے کا اقرار کرے اور اپنے دل سے ایمان لائے کہ خدا نے اسے مردوں میں سے جلایا تو نجات پائے گا"۔ ہماری خاطر یسوع کی موت کے سبب سے ہمیں جو کرنا ہے وہ یہ ہے کہ اس پر ایمان لائیں۔ اور یہ مان کر اس پر بھروسہ کریں کہ اس نے ہمارے گناہوں کی قیمت ادا کی ہے۔ تب ہم سچ مچ بچائے جائیں گے! رومیوں 10:13 ہم سےپھر کہتا ہے ہر کوئی جو زبان سے یسوع کے خداوند ہونے کا اقرار کرے بچایا جائے گا" یسوع ہمارے گناہوں کے کفارہ کے لئے مرا اور ابدی موت سے ہم کو بچایا۔ نجات اور گناہوں کی معافی ہر ایک شخص کے لئے دستیاب ہے جو مسیح یسوع کو اپنا شخصی خداوند اور نجات دہندہ کرکے بھروسہ کرتاہے۔

رومی سڑک کی نجات کے لئے آخری امید جو کی جاتی ہے وہ ہے نجات کے نتیجے۔ رومیوں 5:1 میں اس کا عجیب پیغام موجود ہے، "پس جب ہم ایمان سے راستباز ٹھہرے تو خدا کے ساتھ اپنے خداوند یسوع مسیح کے وسیلہ سے صلح رکھیں"۔ یسوع مسیح کے وسیلہ سے ہم خدا کے ساتھ صلح کا رشتہ رکھ سکتے ہیں۔ رومیوں 8:1 ہم کو سکھاتا ہے کہ "پس ہم جو مسیح یسوع میں ہیں ان پر سزا کا حکم نہیں"۔ ہمارے بدلے میں یسوع کی موت کے سبب سے ہم کبھی بھی اپنے گناہوں کے لئے مجرم قرار نہیں دیئے جائیں گے۔ آخر کار ہمارے پاس خدا کا قیمتی وعدہ رومیوں 39-38 :8 میں موجود ہے۔ "کیونکہ مجھ کو یقین ہے کہ خدا کی جو محبت ہمارے خداوند مسیح یسوع میں ہے اس سے ہم کو نہ موت جدا کر سکے گی نہ زندگی، نہ فرشتے، نہ حکومتیں، نہ حال کی نہ استقبال کی چیزیں نہ قدرتیں نہ بلندی نہ پستی نہ کوئی اور مخلوق۔"

کیا آپ نجات کے لئے رومی سڑک کے پیچھے چلناچاہتےہیں؟ اگر ایسی بات ہے تویہاں پر ایک نمونہ بطور دعا پیش کی گئی ہے۔ یاد رکھیں کہ یہ دعا یا کوئی اور دعا آپکو بچا نہیں سکتی۔ صرف اور صرف مسیح یسوع پر بھروسہ کرنے سے ہی آپ کو گناہوں کی معافی مل سکتی ہے۔ یہ دعا محض خدا سے آپکے ایمان اور شکر گزاری کو ظاہرکرتا ہے۔ جو اس نے آپکے لئے معافی کا انتظام کیا ہے۔" اے خدا میں جانتا ہوں کہ میں نے تیرے خلاف گناہ کیا ہے اور سزا کا حقدار ہوں۔ مگر جس سزا کا میں حقدار تھا اس کو یسوع مسیح نے اٹھا لیا تاکہ اس پرایمان رکھنے کے وسیلہ سے میرے گناہ معاف ہو سکیں۔ نجات کے لئے میں تجھ پر بھروسا کرتا ہوں۔ تیرے اس عجیب فضل اور بخشش کے لئے تیرا شکریہ! آمین۔

جو بھی کچھ آپ نے یہاں پڑھا ہے اس کی بنیاد پر کیا آپ نے مسیح کے لئے فیصلہ لیا ہے؟ اگر آپکا جواب ہاں میں ہے تو برائے مہربانی اس جگہ پر کلک کریں جہاں لکھا ہے کہ آج میں نے مسیح کو قبول کر لیا ہے۔



اردو ہوم پیج میں واپسی



رومی سڑک کی نجات کیا ہے؟