ප්‍රශ්නය
යේසුස්වහන්සේ දෙවියන්වහන්සේගේ වචනය යන්න යොහාන් 1:1, 14 හී ප්‍රකාශ කරන කළ එහි අර්ථය කුමක්ද?
පිළිතුර
මෙම පැනයට පිළිතුර අපට හමුවන්නේ යොහාන් තමන්ගේ සුභාරංචිය ලියූ හේතුව, මූලිකවම තේරුම් ගැනීමෙනි. අපට ඔහුගේ අභිමතාර්ථය පැහැදිලිවම යොහාන් 20:30–31හි දක්නට ලැබේ. “මේ පොතෙහි ලියා නැති බොහෝ හාස්කම් යේසුස්වහන්සේ ගෝලයන් ඉදිරියෙහි කළ සේක. නමුත් මේවා ලියන ලද්දේ යේසුස් වහන්සේ දෙවියන්වහන්සේගේ පුත්‍රවූ ක්‍රිස්තුස් වහන්සේ බව නුඹලා විශ්වාස කරන පිණිසත් විශ්වාස කොට උන්වහන්සේගේ නාමයෙන් ජීවනය ලබන පිණිසත්ය.” යොහාන්ගේ අභිමතාර්ථය වූයේ ඔහුගේ ශුභාරංචි පාඨකයන්ට යේසුස් ක්‍රිස්තුස් වහන්සේව හඳුන්වා දී යේසුස්වහන්සේ කව්දැයි යන්න (මාංශමවූ දෙවියන්වහන්සේ) සහ එතුමන් කළාවූ දේ ස්ථාපිත කර දීමය. යොහාන්ගේ මූලික අරමුණ වූයේ ඇදහිල්ල කරණකොටගෙන ක්‍රිස්තුස්වහන්සේගේ ගැළවීමේ ක්‍රියාවන් වැළද ගනු වස් සෙනගට මග පෙන්වීමය. අප මෙය අවබෝධ කරගත් කළ යොහාන් යේසුස්වහන්සේව යොහාන් 1:1හී “වාක්‍යයාණෝ” ලෙස හඳුන්වා දෙන්නේ මන්ද යන්න වඩාත් හොදින් අවබෝධ කර ගැනීමට හැකිවේ.
ඔහුගේ සුභාරංචිය “පටන් ගැනීමේදී වාක්‍යයාණෝ සිටිසේක, වාක්‍යයාණෝ දෙවියන් වහන්සේ හා සමග සිටිසේක. වාක්‍යයාණෝ දෙවියන්වහන්සේව සිටිසේක.” ලෙස සදහන් කරමින් ආරමිභ කිරීම තුළින් යොහාන් යේසුස් වහන්සේව හඳුන්වා දෙනු ලබන්නේ යුදෙව්වන් සහ අන්‍ය ජාතීන් යන දෙපාර්ශවයටම හුරු පුරුදු භාෂිතයක් තුළිනි. මෙම පාඨයේ සදහන් වන ග්‍රීක භාෂාවෙන් පරිවර්තනය කරන ලද “වාක්‍යයාණෝ” යන්නෙහි අර්ථය වූ කලී “ලෝගෝස්” නොහොත් දේවවාක්‍යය වන අතර ග්‍රීක දර්ශනය සහ එවක යුදෙව් චින්තනය යන දෙකම තුළ එය පොදු විය. උදාහරණයක් ලෙස පැරණි ගිවිසුමෙහි දෙවියන්වහන්සේගේ “වචනය” දේව කැමැත්ත ක්‍රියාත්මක කරනු ලබන උපකරණයක් ලෙස බොහෝවිට පුද්ගලාරෝපිත වේ. (ගීතාවලිය 33:6, 107:20, 119:89, 147:15–18). එසේ හෙයින් ඔහුගේ යුදෙව් පාඨකයින් සදහා යේසුස්වහන්සේව “වාක්‍යයාණෝ” ලෙස හැදින්වීමෙන් යොහාන් එක්තරා ආකාරයකට ඔවුන්ව පැරණි ගිවිසුම කෙරෙහි යොමු කරනු ලබන්නේ “ලෝගෝස්” නොහොත් දෙවියන්වහන්සේගේ “වචනය” දෙවියන් වහන්සේගේ එළිදරව් කිරීම පුද්ගලාරෝපණය හා සමග සංයෝජනය වි ඇති හෙයිනි. ග්‍රීක දර්ශනයට අනුව “ලෝගෝස්” යන භාෂිතය භාවිතා කරනු ලැබුවේ දෙවියන් වහන්සේ විසින් ද්‍රව්‍යයමය දෑ මවා ඒවා හා සමග සන්නිවේදනය කරනු ලැබූ අතරමැදි නියෝජනය විස්තර කරනු සදහායග ග්‍රීක ලෝකාන්වේශයට අනුව “ලෝගෝස්” යන්න ශ්‍රේෂ්ඨ දෙවියන්වහන්සේ සහ ද්‍රව්‍යයමය විශ්වය අතර පාලම් දැමීමක් ලෙස කල්පනා කරන ලදී. එසේ හෙයින් ග්‍රීක පාඨකයින්ට “ලෝගෝස්” යන භාෂිතයෙහි භාවිතය සමහරවිට දෙවියන් වහන්සේ සහ ලෝකය අතර මැදිහත් වන්නාවූ මූලධර්මයක් වේ යන අදහස බිහිවන්නට ඇත.
එසේ හෙයින් ඉඳුරාම යොහාන් යේසුස්වහන්සේව “ලෝගෝස්” ලෙස හඳුන්වා දීම තුළින් කරනු ලබන්නේ ඔහුගේ වකවානුවේ යුදෙව්වන් සහ අන්‍ය ජාතීන් යන දෙගොල්ලන්ම හුරු පුරුදු වී ඇති වචනයක් සහ සංකල්පයක් වෙත අවධානය යොමු කිරීමක් සහ යේසුස් ක්‍රිස්තුස්වහන්සේව හඳුන්වා දෙනු ලබන මූලාරම්භයක් එය භාවිතා කරමින්ය. එනමුත් යොහාන් ඔහුගේ යුදෙව් සහ අන්‍ය ජාතික පාඨකයන්ට තිබෙන්නට තිබූ හුරුපුරුදු සංකල්පය වන “ලෝගෝස්” යන්නෙන් ඔබ්බට යමින් යේසුසවහන්සේව ඉදිරිපත් කරනු ලබන්නේ හුදෙක් ග්‍රීකයන් විසින් තේරුම් ගනු ලබන මැදිහත් වන්නාවූ මූලධර්මයක් ලෙස නොව සම්පූර්ණයෙන්ම දිව්‍යමයවූ එහෙත් සම්පූර්ණයෙන් මනුෂ්‍යමවූ පුද්ගලයකු ලෙසය. එසේම ක්‍රිස්තුස්වහන්සේ වූ කලී යුදෙව්වන් විසින් හුදෙක් සංකල්පිත දෙවියන්වහන්සේගේ එළිදරව් කිරීම පුද්ගලාරෝපණය වීමක් නොව එනමුත් සැබවින්ම තමන්වහන්සේගේ මාංශවත්වීම දෙවියන්වහන්සේගේ පරිපූර්ණ එළිදරව් කිරීම ඒ අයුරින්ම වූයේ යේසුස්වහන්සේ තමන්වහන්සේගේ වදන් තුළින්ම පිලිප්ට ප්‍රකාශ කරනු ලැබූ යේසුස්වහන්සේ ඔහුට කියනසේක්; පිලිප් මා මෙපමණ කලක් නුඹලා සමග සිටලාත් මා අඳුනන්නේ නැද්ද? මා දුටු තැනැත්තේ පියාණන්වහන්සේ දුටුවේය. එසේ වී නමි - පියාණන්වහන්සේ අපට පෙන්වුව මැනවයි නුඹ කියන්නේ කෙසේද? (යොහාන් 14:9) ලෙස සටහන් කිරීමෙනි. යොහාන් 1:1හී “ලෝගෝස්” නොහොත් “වාක්‍යයාණෝ” යන භාෂිතය භාවිතා කිරීම තුළින් යොහාන් විස්තාරණය කිරීමෙන් සහ ඔහුගේ ප්‍රේක්ෂකයන්ට හුරුපුරුදු වූ සංකල්පයක් අදාල කිරීමෙන් සහ ඔහුගේ පාඨකයන්ව සැබෑවූ යේසුස් ක්‍රිස්තුස් වහන්සේ තුළවූ දෙවියන්වහන්සේ “ලෝගෝස්” නොහොත් දේවවාක්‍යය, දෙවියන්වහන්සේගේ ජීවමාන වචනය, සම්පූර්ණයෙන්ම දිව්‍යමයවූ එනමුත් සම්පූර්ණයෙන්ම මනුෂ්‍යමවූ, මනුෂ්‍යයාට දෙවියන්වහන්සේව අනාවරණය කිරීමට සහ උන්වහන්සේ කෙරෙහි විශ්වාස කරන්නවුන්ව ඔවුන්ගේ පාප වලින් ගලවා ගැනීමට පැමිණි තැණැන්වහන්සේව හඳුන්වා දෙනු ලබයි.
English
යේසුස්වහන්සේ දෙවියන්වහන්සේගේ වචනය යන්න යොහාන් 1:1, 14 හී ප්‍රකාශ කරන කළ එහි අර්ථය කුමක්ද?
