O le a le aoaoga a le Tusi Paia i le taina o tatau / tutuiina o le tino?




Fesili: O le a le aoaoga a le Tusi Paia i le taina o tatau / tutuiina o le tino?

Tali:
O le Feagaiga Tuai o loo folafolaina mai ai ia Isaraelu, "Aua tou te saei o outou tino ona o le ua oti, aua foi ne'i ta tatau ia te outou. O a'u o Ieova" Levitiko 19:28). O lea, e tusa pe le o nonofo e talitonu i nei ona po i lalo o le Tulafono o le Feagaiga Tuai (Roma 10:4; Kalatia 3:23-25; Efeso 2:15), ae o le mea moni o loo iai se tulafono o loo faasaina mai ai le taina o tatau, e le tatau foi la ona toe fesili i tatou i lea tulaga. E leai se tusitusiga a le Feagaiga fou o loo ta'ua mai ai le faia poo le faasaina foi o lea tulaga.

E uiga i tatau ma tutuiina o le tino, o se su'ega lelei e faia ina ia iloa lelei ai i o tatou lava loto le sa'o poo le sese o lea mea, o le fesili i le Atua e faamanuia ma faaaoga lea tulaga mo Ia, ina ia faia ai Lona lava Finagalo. "Pe tou te aai, pe tou te inu, po o se tasi mea tou te faia, ia outou faia mea uma lava ia viia ai le Atua" (I Korinito 10:31). E leai se tulafono o loo tuuina mai e le Tusi Paia e faatatau i le taina o tatau poo le tutuiina o le tino, ae e le o faatagaina mai foi e le Atua tatou te faia ia tulaga.

O le isi tulaga e vaai iai o le ofu i le ofu e onomea ai. O loo aoaoina i tatou e le Tusi Paia ia le teuanoa'i. O se isi tulaga o le le teuanoa'i o lou mautinoa lea le ufiufiina o vaega uma o le tino e tatau iai le ufiufi. Ae ui i lea, o le uiga taua o le teu e onomea ai, o le le faatosinaina lea o se tasi e mana'o ia te oe ona o au teuga. O e o loo le teu anoa'i na te le faatosina se tasi. O tatau ma le tutuiina o le tino e tosina ai vaaiga a tagata ia te oe. I lea la itu, o nei mea e le tala feagai ma lea aoaoga.

O se mataupu taua o loo e manatu iai ae le o maua i le Tusi Paia se aoaoga e tatau ai, afai o loo e masalosalo pe fiafia iai le Atua pe leai, e sili pe afai e tu'u 'aua ne'i faia. "O mea uma lava e le ala mai i le faatuatua, o le agasala lea" (Roma 14:23). E tatau ona tatou manatua, o o tatou tino, e pei foi o o tatou agaga, ua uma ona faatauina i le tau ma ua pule ai le Atua. E ui lava ina e le talafeagai lelei le I Korinito 6:19-20 ma le taina o tatau poo le tutuiina o tino, ae o loo aumaia ai iina ia te i tatou se mataupu faavae, "Tou te le iloa ea, o lo outou tino o le malumalu lea o le Agaga Paia ua i totonu ia te outou, o loo ua ia te outou mai le Atua, e le aia foi outou ia te outou? Aua ua faatauina outou i le tau; o lenei, ia outou vivii atu i le Atua i o outou tino ma o outou agga, o mea a le Atua ia." O lea upu moni e tatau ona faamamafaina i soo se mea tatou te faia poo soo se mea tatou te o iai ona o o tatou tino. Afai ua tuuina atu o tatou tino i le Atua, e tatau la ona mautinoa lelei ua iai se 'faatagana' mai ia te Ia ae le'i oo ina "togitogiina" o tatou tino i ni tatau poo ni tuituiga.


Toe taga'i i le itulau ua faaliliuina i le gagana Samoa

O le a le aoaoga a le Tusi Paia i le taina o tatau / tutuiina o le tino?