E tatau ea i Kerisiano ona usiusitai i tulafono o loo tusia i le Feagaiga Tuai?




Fesili: E tatau ea i Kerisiano ona usiusitai i tulafono o loo tusia i le Feagaiga Tuai?

Tali:
O le ki o lou malamalama lelei i lea mataupu, o lou iloa lea o tulafono o le Feagaiga Tuai sa tuuina atu i le nuu o Isaraelu, e le o le 'au Kerisiano. O isi tulafono sa tuuina mai e iloa ai e tagata Isaraelu usiusita'i ma faafiafia le Atua (faataitaiga: o Tulafono e Sefulu), o isi tulafono o faatonuga o tapua'iga i le Atua (o faiga o taulaga), o isi foi tulafono e mo le vavaeeseina o Isaraelu mai isi nuu (o tulafono mo mea taumafa ma lavalava). E leai ni Tulafono o le Feagaiga Tuai e onomea mo i tatou i ona po nei. Ina ua maliu Iesu i le satauro, ua Ia faagataina le tulafono o le Feagaiga Tuai (Roma 10:4; Kalatia 3:23-25; Efeso 2:15).

Ua leai se tulafono o le Feagaiga Tuai, aua ua sui tulaga nei le tulafono a Keriso (Kalatia 6:2) e faapea, "E te alofa atu i le Alii lou Atua ma lou loto atoa, ma lou agaga atoa, ma lou manatu atoa. O le poloaiga muamua lena ma le sili" Mataio 22:37-40. Afai tatou te faia mea ia e lua, ua tatou faatumuina mea uma o loo mana'o Keriso tatou te faia, "Aua o lenei lava le alofa i le Atua, ia tatou tausi i ana poloaiga; e le mamafa foi ana poloaiga" (I Ioane 5:3). E le talafeagai Tulafono e Sefulu ma Kerisiano. Ae peita'i e iva tulafono o loo faamanatuina i le Feagaiga Fou (se'i vagana ai le tulafono e uiga i le Sapati). Afai o loo tatou alolofa i le Atua, tatou te le tapua'i i isi atua poo ni tupua. Afai ua tatou alolofa i o tatou tuaoi, tatou te le fasiotia i latou, pe pepelo, pe mulilulua e faasagatau ai ia i latou, pe manana'o fua i a latou mea. O lea, tatou te le o i lalo o soo se tulafono o le Feagaiga Tuai. Ia tatou alolofa i le Atua ma alolofa i o tatou tuaoi. Afai tatou te faamaoni i nei mea e lua, e pa'u'u tonu lava isi mea i o latou lava tulaga.


Toe taga'i i le itulau ua faaliliuina i le gagana Samoa

E tatau ea i Kerisiano ona usiusitai i tulafono o loo tusia i le Feagaiga Tuai?