settings icon
share icon
Fesili

O le a le taua o le papatisoga o le Kerisiano?

Tali


O le papatisoga o le Kerisiano, e tusa ma le Tusi Paia, o le ta'utinoga faaaliali lea a le tagata talitonu e uiga i le tulaga ua tupu i totonu o lona olaga. O le papatisoga fa'a Kerisiano o le faatinoina lea e le Kerisiano lona 'auai faatasi ma Keriso i Lona maliu, tanumia, ma toe tu. O loo ta'utino le Tusi Paia, "Tou te le'i iloa ea, o i tatou nei uma na papatisoina ia Keriso Iesu, na papatisoina i tatou i lona maliu?" O lenei, ua tatanu faatasi i tatou ma Ia i le papatisoga i lona maliu; ina ia tatou savavali i le ola toefuataiina, pei ona toe faatuina mai o Keriso nai e ua oti, i le mana o le Tama." I le papatisoga faale Kerisiano, o le gaoioiga lea o le faatofu i le vai e faaata mai ai le tanumia faatasi ma Keriso. Ae o le alu a'e nai le vai o le ata lea o le toe tu mai o Keriso.

I le papatisoga faale Kerisiano, e lua ni mea e tatau ona faia e le tagata ae le'i papatisoina: (1) O le tagata o le a uia le papatisoga e tatau ona ia talitonu ia Iesu Keriso o le Faaola, ma o lona (2) E tatau i le tagata o lo'o uia le papatisoga ona malamalama i le tulaga o le 'a papatisoina ai o ia. Afai ua iloa e se tagata le Alii o Iesu o Ia o le Faaola, ma malamalama o le papatisoga faale Kerisiano o se laasaga faaaliali o lona usiusita'i atoa ma lana ta'utinoga i lona faatuatua ia Keriso, ma ua mana'omia e ia le papatisoina - ona leai lava lea o se mafua'aga e ala ai ona le papatisoina lea tagata talitonu. I le Tusi Paia lava ia, o le papatisoina o le Kerisiano o se laasaga e iloga ai lona usiusita'i, o se ta'utinoga foi o lona faatuatua ia Keriso e toatasi ua ia maua ai le faaolataga. O le papatisoga o le Kerisiano o se tulaga taua aua o le auala o le usiusita'i - ma faailoa lautele atu ai lona faatuatua ia Keriso ma lana tautoga ia te Ia, atoa ma lona 'auai faatasi ma Keriso i Lona maliu, tanumia, ma Lona toe tu mai nai e ua oti.

English



Toe taga'i i le itulau ua faaliliuina i le gagana Samoa

O le a le taua o le papatisoga o le Kerisiano?
© Copyright Got Questions Ministries