O fea sa iai Iesu i le va o aso e tolu mai Lona maliu seia o'o i Lona toe tu?




Fesili: O fea sa iai Iesu i le va o aso e tolu mai Lona maliu seia o'o i Lona toe tu?

Tali:
O loo tusia i le I Peteru 3:18-19 e faapea, "Aua o Keriso foi na tigaina o ia faatasi mo agasala, o le amiotonu o le sui o le amioletonu, ina ia ta'ita'iina e ia o i tatou i le Atua; na fasiotia o ia i le tino, a ua faaolaina mai i le Agaga; na ia maliu atu ai, ma tala'i atu ai i agaga i le fale puipui."

O le fasi fuaitau i le fuaiupu e 18 e faapea, "i le Agaga" e tutusa lelei ma le fuaitau, "i le tino." E sili ona tu'u faafetaui lelei le upu "agaga" i le upu "tino." O le tino ma le agaga o loo tautala i le tino ma le agaga o Keriso. O upu nei "a ua faaolaina mai i le Agaga," e faasino ia Keriso ma Lona tauaveina o a tatou agasala atoa ma Lona maliu, ua aveeseina ai Lona agaga mai le Tama (Mataio 27:46). O le eseesega e i le va o le tino ma le agaga, e pei ona ta'ua i le Mataio 27:46 ma le Roma 1:3-4, ae e le o le va o le tino o Keriso ma le Agaga Paia. Ina ua mae'a le togiolaina o agasala e Keriso, toe fa'aauauina loa le mafutaga sa motusia.

Muamua, o le Peteru 3:18-22 o loo faamatalaina mai ai e Peteru le fesoota'iga e mana'omia i le va o fa'alavalava o Keriso (fuaiupu 18) ma Lona faamamaluina (fuaiupu 22). Ua na o Peteru sa tusia se faamatalaga faapitoa e uiga i mea sa tutupu i le va o nei vaega e lua. O le upu "tala'i atu" i le fuaiupu e 19 e le masani ona faaaogaina i le Feagaiga Fou e faamatalaina ai le tala'iga o le tala lelei. Sa puapuagaina ma ua maliu Iesu i le Satauro, sa fasiotiina Lona tino, ma sa oti Lona agaga ina ua avea o Ia ma agasala. Ae sa ola Lona agaga ma sa tuuina atu e Ia i le Tama. E tusa ma tusitusiga a Peteru, o sina vaitaimi i le va o Lona maliu ma Lona toe tu sa faia ai e Iesu se faaaliga faapitoa i "agaga sa i le toese poo le fale puipui."

I le amataga, sa ta'ua e Peteru tagata o "tagata" ae le o "agaga" (3:20). I le Feagaiga Fou, o le upu "agaga" e faaaoga e faamatala ai agelu poo temoni, e le o tagata ola; ma o le fuaiupu 22 e foliga o le uiga lava lea e tasi. O lea, e leai se mea o le Tusi Paia o loo tusia ai faapea sa asiasi atu Iesu i seoli. E molimau le Galuega 2:31 i le maliu atu o Iesu i le tuugamau, ae e le o seoli. O le upu "tuugamau" o loo faasino i e ua oti, o se nofoaga le tumau e faatalitali ai i latou seia oo i le taimi e toe tutu mai ai. O le Faaaliga 20:11-15 i le NASB po'o le New International Version o loo manino mai ai le vaevaega o nofoaga nei e lua. O seoli o le nofoaga mau lea pe a mae'a le faamasinoga o e ua leiloa. O "tuugamau" o se nofoaga le tumau.

Sa tuuina atu e lo tatou Alii Lona agaga i le Tama, ona maliu lea, ma o se taimi i le va o le oti ma le toe tu, na Ia asiasi ai i le nofoaga o loo taofia ai e ua oti ma Ia tuuina atu ai se faaaliga i agaga (masalo poo ni agelu pa'u'u; vaai le Iuta 6) o e sa iai i taimi o Noa ae le'i o'o le lolo i le lalolagi. O loo manino lelei mai lea tulaga i le fuaiupu e 20. E le o ta'ua mai e Peteru poo le a le faaaliga a Iesu sa fai i nei agaga sa taofia (Eperu 2:16). E le taumate o se faaaliga o le manumalo ia satani ma ana 'au (I Peteru 3:22; Kolose 2:15). O loo tau ta'u mai e le Efeso 4:8-10 sa maliu Iesu i "parataiso" (Luka 16:20; 23:43) ma ua Ia avea i le lagi i latou uma na talitonu ia te Ia ae le'i oo i Lona maliu. E le tele ni faamatalaga i ia tusitusiga e uiga i le mea tonu sa tupu, ae o le tele o e o lo'o a'oa'oina le Tusi Paia, ua latou talitonu faatasi o le uiga lea o le faitau e faapea "ma na ta'ita'i faatagataotaua i le tafeaga."

O lea, ua fai atu ia upu ina ia faapea atu ai, o le Tusi Paia e iai taimi e le o manino lelei ai tulaga sa faia e Keriso i aso nei e tolu i le va o Lona maliu ma Lona toe tu. Ae, e pei e foliga mai, sa Ia a'oa'oina le manumalo i agelu pa'u'u, po'o le 'au le talitonu. Ae ua tatou iloa mautinoa, e le o tuuina atu e Iesu i tagata se isi avanoa mo le faaolataga. Fai mai le Tusi Paia e mulimuli ane le faamasinoga pe 'a mavae le oti (Eperu 9:27), ae le o iai se toe avanoa. E le o iai se tali ma'oti e uiga i le tulaga sa faia e Iesu i le taimi o le va o Lona maliu ma Lona toe tu. Atonu o lea le isi mea lilo tatou te malamalama lelei iai pe afai tatou te taunuu i le manuia.


Toe taga'i i le itulau ua faaliliuina i le gagana Samoa

O fea sa iai Iesu i le va o aso e tolu mai Lona maliu seia o'o i Lona toe tu?