O ai le Agaga Paia?




Fesili: O ai le Agaga Paia?

Tali:
O le tele ia o manatu sese e uiga i le galuega a le Agaga Paia. O isi ua manatu o le Agaga Paia o se malosiaga ae e le o mautinoa Lana matafaioi. O isi ua talitonu o le Agaga Paia o le mana o le Atua e le feutaga'i ma tagata uma ae na o e mulimuli ia Keriso ua tuuina atu iai lea avanoa. Ae o le a le tala a le Tusi Paia e uiga i le galuega moni a le Agaga Paia? Faigofie ia -- o loo fai mai le Tusi Paia o le Agaga Paia o le Atua lava Ia. O loo ta'u mai foi e le Tusi Paia ia te i tatou e uiga i le Agaga Paia o Ia o le Peresona, o Le ua iai le mafaufau, o faalagona, atoa ma le loto fuatia ifo.

O le mea moni lava o le Agaga Paia o le Atua ma o loo tusia lea i le tele o Tusi e aofia ai ma le Galuega e 5:3-4. I lea fuaiupu, o loo fesili Peteru ia Anania pe aisea ua ia pepelo ai i le Agaga Paia; ua ia fai atu foi ia te ia, ua e "le pepelo i tagata, a o le Atua." O loo manino mai lava iina, o le pepelo i le Agaga Paia o le pepelo lava lea i le Atua. Ia tatou iloa foi o le Agaga Paia o le Atua lava lea aua ua ia te Ia uiga poo le natura atoa o le Atua. O se faataitaiga, o le Agaga Paia e iai i soo se mea e pei ona la le Salamo e 139:7-8 "Ou te alu ea ifea ai lou Agaga? Ou te sola ifea ai ou luma? Afai ou te alu ae i le lagi, o iai lava oe; afai ou te fofola so'u moega i seoli, faauta, o i ai lava oe." I le I Korinito 2:10-11, o loo ta'ua mai ai le isi uiga o le Agaga Paia, o le iloa lea o mea uma. "A ua faaalia mai ia mea e le Atua ia te i matou e Lona Agaga; aua e suesue ifo le Agaga i mea uma, o mea loloto foi a le Atua. Po o ai foi se tagata ua iloa mea a le tagata, ua na o le agaga o le tagata o loo i totonu ia te ia? E faapea foi ona le iloa e se tasi mea a le Atua, ua na o le Agaga o le Atua."

Tatou te iloa lava o le Agaga Paia o le Peresona lava ona o loo ia te Ia le manatu, faalogona, atoa ma le loto fuatia ifo. O le Agaga Paia e manatunatu ma Na te iloa mea uma (I Korinito 2:10). E mafai ona tiga le Agaga Paia (Efeso 4:30). E fautua le Agaga mo i tatou (Roma 8:26-27). E faia filifilga a le Agaga Paia e pei ona finagalo i ai o Ia (I Korinito 12:7-11). O le Agaga Paia o le Atua lava Ia, o le "Peresona" lona tolu o le Atua. I Lona itu Atua, e mafai e le Agaga Paia ona faia galuega o le Fesoasoani ma Aoao e pei lava ona folafolaina mai e Iesu (Ioane 14:16,26; 15:26).


Toe taga'i i le itulau ua faaliliuina i le gagana Samoa

O ai le Agaga Paia?