যীশুবু অদোমগী লানবীবা মপু ওইনা লৌশিনবা হায়বসিনা তাক্লিবসি করিনো?




ৱাহং: যীশুবু অদোমগী লানবীবা মপু ওইনা লৌশিনবা হায়বসিনা তাক্লিবসি করিনো?

পাওখুম:
যীশুবু অদোমগী লানবীবা মপু ওইনা করিগুম্বদা লৌশিনবা লৈখ্রবরা? অদোমনা পাওখুম পীদ্রিঙৈদা, ৱাহং অসিবু শুগায়না তাকপা য়াহনবীয়ু। ৱাহং অসিবু নিংথিনা খঙননবা, অদোম অহানবমক্তদা “যীশুখৃষ্ট,” “ইশাগী ওইবা,” অমসুং “লানবীহৈবা মপু” নিংথিনা খঙবা তাই।

যীশু খৃষ্ট কনানো? মী অয়াম্বনা যীশু খৃষ্টবু অফবা মী, অখঙবা ওজা, নত্রগা ঈপুরোয়না থারকপা মী অমা ওইনা লৌনৈ। হায়রিবশিং অসি যীশুগীদমক্তি খ্বাইদগী চুমলবা ঙাক্তনি, অদুবু মখোয় মহাক অসি তশেংনমক্কী কনানো হায়বা খঙদ্রি। বাইবলনা ঐখোয়দা হায় যীশুদি ঈপুরোয়না তোংশাদা হিংবনি, ঈপুরোয়না অহিংবা মী অমা ওইরকপনি (যোহন 1:1,14 য়েংবিয়ু)। ঈপুরোয়না ঐখোয়বু তম্বীনবা, য়াইফহন্নবা, চুমথোকমিন্ননবা, ঙাকপীনবা-অমদি ঐখোয়গীদমক্তা শিবিনবা মালেমসিদা খোঙদারকখি! যীশু খৃষ্ট ঈপুরোয়নি, শেম্বীবা মপুনি, পুম্নমক ঙম্বা ইবুঙোনি। অদোম অসিগুম্লবা যীশু অসিবু লৌশিনবীরব্রা?

লানবীবা মপু অমা হায়বসি করিনো অমসুং ঐখোয়না লানবীবা মপু অমা করিগী মথৌ তারিবনো? বাইবলনা ঐখোয়দা হায় মদুদি ঐখোয় পুম্নমক পাপ তৌই, ঐখোয় পুম্নমক ফত্তবা থবক তৌই ( রোমান 3:10-18)। ঐখোয়গী পাপকী মহৈনা, ঐখোয়বু ঈপুরোয়না শাওনিংবা অমসুং ৱায়েনবা মতিক চপ চাবনি। মপাল নাইদবা অমদি লোমনাইদবা ঈপুরোয়গী মাইয়োক্তা অয়োল অরান লংজরুবগী অমত্ত ঙায়রবা অচুম্বা ৱায়েলদি মপাল নাইদবা চৈরাক অমা পীবনি রোমান 6:23; ফোংদোকপিবা 20:11-15)। মসিগীদমকনি ঐখোয়না লানবীবা মপু অমা মথৌ তারিবা!

যীশু খৃষ্ট, মালেমসিদা লেংবিরক্তুনা ঐখোয়গী মহুত্তা শিবিখি। যীশুনা শিবসি, ঈপুরোয়গী তোংশা ওইবনা, ঐখোয়গী পাপকীদমক্তা ঙমখৈ নাইদনা কৎথোকপা অমা ওইখি (2 কোরিন্থীয় 5:21)। যীশুনা ঐখোয়গী পাপকীদমক্তা চৈরাক ফংবা ওইনা শিবিখি (রোমীয় 5:8)। ঐখোয়না পীদনবগী যীশুনা মমল অদু পীখি। যীশুনা হিংগৎলকপা অসিনা মহাক্না শিব অসি ঐখোয়গী পাপকীদমক চৈরাক ফংবা মতিক চপ চাবনি তাকই। মরম অসিননি যীশুবু অমখক ওইবা অমদি অমত্তা ঙায়রবা লানবীবা মপুনি হায়রিবা (যোহন 14:6; পাখোনচৎপশিং থবক 4:12)! যীশুবু অদোমগী লানবীবা মপু ওইনা থাজবীরব্রা?

যীশু অদোম “ইশাগী” লানবীবা মপুরা? মী অয়াম্বনা খৃষ্ট্যান লাইনিংবু চচর্চ কাবগুম্না, লাইথৌ তৌবগুম্না, অককনবা পাপ খর তৌদবদৌনা লৌনৈ। মদুদি খৃষ্ট্যান লাইনিং নত্তে। অশেঙবা খৃষ্ট্যান লাইনিংদি যীশু খৃষ্টগা লন্নাই মরী অমা লৈনবসিনি। যীশুবু অদোমগী লন্নাই লানবীবা মপুগুম লৌশিনবা হায়বসি অদোম ইশামক্কী লাইনিং অমসুং থাজবা মঙোন্দা থম্বনি। ঐগীদমক অতোপ্পনা লাই নিংবিরগা ঐবু লানবীবা ঙমলোই। অককনবা থবক খর তৌবা কনাগুম্ববুসু লানবীবা ঙমলোই। লানবীনবা অমত্তা ঙায়রবা লম্বেলদি অদোমগী লানবীবা মপু ওইনা যীশুবু ইশামক্না লৌশিনবা, মহাক্না শিব অদোমগী পাপকী চৈরাক্কীদমক্নি থাজবা, লোয়ননা মহাক্না হিংগৎলকপা অদোমগী লোমনাইদবা পুন্সি শোয়দনবনি হায়বসিনি (যোহন 3:16)। যীশু ইশামক্কী ওইনা অদোমগী লানবীবা মপুরা?

অদোমনা যীশুবু অদোম ইশামক্কী লানবীবা মপু ওইনা লৌশিনবা পাম্বীরবদি, ঈপুরোয়গী মফমদা মখাগী ৱাহৈশিং অসি হায়বীয়ু। নিংশিংবীয়ু, লাইশোন অসি নত্রগা অতোপ্পা লাইশোন অমা হায়বনা অদোমবু কনবিবা ঙমলোই। খৃষ্টদা থাজবা থম্বখক্তনা অদোমবু পাপতগী কনবীবা ঙমগনি। লাইশোন অসি অদোমদা অরান খুবম পীবীনবা অদোমনা ঈপুরোয়বু থাজবা অমসুং মঙোন্দা তৌবীমল খঙবা উৎপা ওইনা মহাক্কী মফমদা হায়জনবগী ইচম চম্বা মওং অমনি। ‘‘ঈপুরোয়, নহাক্কী মফমদা ঐহাক লাল্লুরে হায়বা ঐহাক খঙজৈ অদুনা মসিগীদমক ঐহাকপু চৈরাক পীবীবা য়ারবনি। অদুবু ঐহাকনা ফংগদবা চৈরাক অদু যীশু খৃষ্টনা ফংবীখিবদগী মহাকপু থাজরুবগী মপান্না ঐহাকপু ঙাকপীরে। ঐহাক ঐহাক্কী পাপতগী মায় লৈথোকচরে অমসুং অরান খুবমগীদমক্তা নহাক্কী মফমদা থাজবা থমজরি। নহাক্কী অঙকপা ফংলবা থৌজাল অমসুং ঙাকপীহৈবা অসিগীদমক নহাকপু থাগৎচরি-মসিনি লোমনাইদবা পুন্সিগী খুদোল! আমেন!’’

মসিদা ইরিবশিং অসি পারুবদগী খৃষ্টগীদমক করি ৱারেপ লৌখ্রবগে? লৌখ্রবদি, মখাগী বুটন ‘‘ঐহাকনা ঙসি খৃষ্টবু লৌশিঞ্জরে’’ হায়বসিদা ক্লিক তৌবীয়ু



মৈতৈলোনগী হোম পেজদা হনবীরকউ



যীশুবু অদোমগী লানবীবা মপু ওইনা লৌশিনবা হায়বসিনা তাক্লিবসি করিনো?