শিরবা মতুংদা পুন্সি লৈরিবরা?




ৱাহং: শিরবা মতুংদা পুন্সি লৈরিবরা?

পাওখুম:
শিরবা মতুংদা পুন্সি লৈরিবরা? বাইবলনা ঐখোয়দা হায়, “ মীওইনা পোকপদি পুন্সি তেল্লি অদুগা খুদোংথিবনা পিক থল্লি। লৈরাংগী মতৌগুমনা য়াম্না থুনা শাতলমলগা পতথখি; উরুমগুমনা য়াম্না থুনা লোইশিনখি .......শিবু শিরবদি, মহাক অমুক হন্না তাইবং চীঞ্জাক চারখিগদ্রা”(যোব 14:1-2, 14)?

যোবকুমনা, ৱাহং অসিনা ঐখোয় পুমনমকপু শিংনবা থোকহল্লি। ঐখোয়না শিরবা তুংদা তশেংনমক্কী ঐখোয়দা করি থোকপগে? ইচম চমনা ঐখোয় হিংবা ঙমদ্রবরা? পুন্সি অসি ইশাগী মশক নাইবা ঙমনবা মালেম অসিদা হন্দোক হনজিন শানবা য়াব থোঙ অমগুম্বরা? চপ মান্নবা মফমদা ঐখোয় খুদিংমক থুংলুব্রা নত্রগা তোঙান তোঙানবা মফমদা থুংলুব্রা? লাইরৈপাক অমসুং নোরোক তশেংনমক্কী লৈব্রা? নত্রগা পুকনিংনা শেম্বা মফমশিংলা?”

বাইবলনা ঐখোয়দা হায় মদুদি শিরবা তুংদা হিংলগা লৈরুবতা নততনা, অসুক্কী মতিক মশেক মঙাল নাইবা লোমনাইদবা পুন্সি অমদা অমুক লৈরুগনি মদুদি “তাইবং মীগী মিতসিনা উবা, ইনাকোংনা তাবা ঙমলোই, অমদি ইপুরোয়বু নুংশিবা মখোয়গীদমক মহাকনা শেম্বিরিবা অদু করিনো হায়বা পুকনিংনা লাকশিনবা ঙমলোই”(1 কোরিন্থীয় 2:9)। ঈপুরোয়দগী তাইবং তোংশা ঐরকখিবা, যীশু খৃস্টনা ঐখোয়দা লোমনাইদবা পুন্সিগী খুদোল পিবিগে হায়দুনা মালেমসিদা ফাওরকখি। “ঐখোয়না তৌবা পাপশিংগী মরমদগী মহাকপু থিনা শোকহনখি, ঐখোয়না তৌবা অয়োন অরানশিং মরমদগী মহাক অৱাবা খাঙখি; মহাকনা খাঙখিবা অৱাবদু ঐখোয়গীদমক য়াইফবনি, মঙোন্দা তাখিবা অশোকপা মফমশিংদুনা ঐখোয়গী অনাবা ফহনবিরে”(ইসাইয়া 53:5)।

যীশুনা ঐখোয় খুদিংমক্না ফংগদবা চৈরাক অদু মশামক্কী পুন্সি কতথোক্তুনা ফংখি। নুমিত হুমনিগী তুংদা, থৱায় অমসুং হকচাং য়াওনা, মোংফমদগী থোরক্তুনা শিদ্রে হায়বা উতখি। লাইরৈপাক্তা লৈবা মহাক্কী লোমনাইদবা ময়ুমদা কাদ্রিঙৈ মমাঙদা মীওই লিশিং কয়া খঙনা মালেমসিদা মহাক নুমিত নিফুনি লৈরমই। রোমীয় 4:25 না হায়, “ঐখোয়গী পাপকী মরমগীদমক অঙাং ওন্ননবা মহাকপু খুতশিন্নখি, অমসুং ঈপুরোয়না ঐখোয়বু চুমথোকপা ঙমননবা মহাকপু শিরুবদগী হিংগতহনখি।”

খৃষ্টনা হিংগতলকপা নিংথিনা খঙনখিবা থৌদোক অমা ঐখি। পাখোন চতপা পোলনা মসিগী মতাংদা মিতনা উহৌই উহৌদে খঙনিংলবদি ৱা হংলকপা য়াগনি হায়না মীয়ামদা খঙহনখি, অদুবু মসি অচুম্বা ঐবনিনা কনামত্তা হংলকখিদে। হিংগতলকপা হায়বসি খৃষ্ট্যান লাইনিংগী হৌরকফম মরূনি; মরমদি খৃষ্ট শিরুবদগী হিংগতহনখি, মদুদা ঐখোয়সু থাজবা পোকপা ঙমলবা শিরুবদগী হিংগতহনবিগনি।

পোলনা মসিদা থাজখিদবা অঙনবা মতমগী খৃষ্ট্যান খরবু চৈখি: “ঐনা হায়বদি খৃষ্টবু অশিবশিং মরক্তগী হিংগতহনবিখি হায়বা পাও অসি শন্দোকপদি শন্দোক্লগা, করিগীদমক ঐখোয়গী মরক্তগী মীওই খরনা শিরুবদগী হিংগতহনবা তৌররোই হায়না শন্দোকলিবনো? মরমদি শিরুবদগী হিংগতহনবা লৈত্রবদি, খৃষ্টবু হিংগতহনখি হায়রিবসি ঐফম থোক্তে”(1 কোরিন্থীয় 15:12-13)।

খৃষ্ট মথন্তা শিরুবদগী অমুক হন্না হিংগতপিগদবশিং মরক্তগী ইহান হানবা ঐখি। হকচাংগী অশিবা হায়বসি ঐখোয় খুদিংমক্কা মরী লৈনবা, আদম, কৌবা মীশক্তগী থংথরকখি। তৌইগুম্বসুং যীশু খৃষ্টবু থাজবা মরমদগী ঈপুরোয়গী শীংলুপতা তিল্লদুনা লৌখতপীরবশিং অনৌবা পুন্সি পীবীরগনি। (1 কোরিন্থীয় 15:20- 22)। ঈপুরোয়না যীশুগী হকচাং নোংমদোলদা পুখতখিবগুম্না, ঐখোয়গী হকচাং অসিসু যীশুনা হল্লকখিবগী মথক্তা হিংগতলক্কনি (1 কোরিন্থীয় 6:14)।

ঐখোয় পুম্নমক অরোয়বদা হিংগতলক্কদবা ঐরবসু, খুদিংমক লাইরৈপাক্তা পূন্না চতমিন্নরোই। লোমনাইদবগীদমক নিপা নত্রগা নুপীনা চতকদবা মফম লেপথোক্নবা পূন্সিসিদা মী খুদিংমক্কী অপাম্বা অমমমদি লৈফম থোকই (1 ইব্রিয় 9:27)। বাইবলনা হায় মদুদি ঐখোয়গীদমক্তদি অমুক্তমক শিফম থোকই, অদুনা মসিগী তুংদা ৱায়েল লাক্কনি (ম্যাথু 25:46)। চুমথোকমিন্নখ্রবশিং লাইরৈপাক্তা লোমনাইদবা পূন্সিদা হিংলুগনি, অদুবু থাজদবশিং লোমনাইদবা চৈরাক, নত্রগা নোরোক্তা থাগনি (ম্যাথু 25:46)।

লাইরৈপাক্কুম্না, নোরোক, হিংনফম ঐবতা নত্তনা, তশেংনা, অওইবমক্কী, লৈবা মফম অমনি। মসি চুমথোকমিন্নবা ঙমদদুনতা লৈবা, ঈপুরোয়গী মতম চুপ্পদা অশাওবা পোকফম ঐবা মফম অমনি। মখোয়না শাওরংনবা, পুক্নিং অমসুং হকচাংগী চৈথেং, ৱাখল তান ঈকায়বা, ৱাবা, অমসুং উশিত্তবা নংদুনতা লৈগনি।

নোরোক হায়বমসি মখা হোদ্রোং হোবা কোম অমাগুম্বনি (লুক 8:31, ফোঙদোকপিবা 9:1), অমসুং কনতুক চাক্তুনা লৈবা, মৈগী পাত অমনি, মফমসিদা লৈবা মীওইশিং অহিং অমসুং নুংথিল নাইদনা মতমচুপ্পগী ঐনা ওত নৈদুনা লৈগনি (ফোংদোকপিবা 20:10)। নোরোক্তদি, য়াম্না ৱাবা অমসুং অশাওবা লৈ তাকপা ঐনা, মিকপ মিরাওগনি অমদি ময়া ক্রক ক্রক্না চিক্নগনি। (ম্যাথু 13:42)। মসি “তিল কাঙ শুকসি শিদবা অদুগা মৈ শুকমুত মুত্তবা” মফম অমনি (মার্ক 9:48)। ফত্তবশিংনা শিবদা ঈপুরোয়না হরাওবা তৌদে, মখোয় হিংজবা ঙম্নবা ফত্তবা লম্বেলদগী নাথৈহন্নিংই (ইজেকিয়েল 33:11)। অদুম ঐনমক মহাক্না ঐখোয়বু নমদুনদি তৌহল্লোই; ঐখোয়না মহাকপু থাজদবা, মহাক্না পামফাত্রবসু ঐখোয়না পামলিবা- মঙোন্দগী তোঙালনা লৈবা হায়বসি ঐখোয়দা পীবী।

পুন্সি হায়বসি মালেমথকসিদা চাংয়েং অমনি- অরাকপা থেংননবা শেম শাবনি। থাজরবশিংগীদি, মসি ঈপুরোয়গা হকথেংননা লৈমিন্নবা লোমনাইদবা পুন্সিনি। অদুনা ঐখোয়বু মতৌ করম্না চুমথোকমিন্নরগা লোমনাইদবা পুন্সি অসি ফংবা ঙমগদৌরিবা? লম্বেল অমখক্তং লৈ- মদুদি ঈপুরোয়গী মচানিপা, যীশু খৃষ্টবু নিংজবা অমদি থাজবা হায়বসিনি। যীশুনা হায়খি, “হিংগতলকপা অদুসু ঐনি অদুগা পুন্সি অদুসু ঐনি। ঐবু থাজবা মখোয়, মখোয়না মীচম অমগুম্না শিরবসু, অমুক হন্না হিংগনি। ঐঙোন্দা থাজবা থম্বগী মখোয়দা লোমনাইদবা পুন্সি পীবীরবনি অদুনা মাঙবা লৈররোই (যোহন 11:25-26)।

লেমনা পীবা লোমনাইদবা পুন্সিগী খুদোল ঐখোয় পুম্নমক্কীনি, অদুবু ঐখোয় ইশা ইশানা তাইবংপানগী নুঙাইবা খর থাদোক্লগা ঈপুরোয়গী মফমদা কতথোকপা মথৌ তাই। “অসুম্না ইপুরোয়গী মচানিপাবু থাজরবা পুম্নমক লোমনাইদবা পুন্সিদা হিংগনি। মচানিপানা হায়বা ইন্দবা মখোয় লোমনাইদবা পুন্সি কৈদৌনুংদা থেংনরোই, হায়বদি ঈপুরোয়গী অশাওবনা মখোয়গী মথক্তা কুপশিন্দুনা লৈগনি” (যোহন 3:36)। শিরবা মতুংদা ঐখোয়গী পাপকীদমক ঐখোয়বু তেংথাহল্লরোই মরমদি ঐখোয়না ঈপুরোয়গা মাইয়োকনদুনা অমুক্তং ঊবা ফংলবা, মহাকপু নিংজবা নত্তনা অতৈ অপাম্বা অমমুক লৈররোই। মহাক্না হৌজিকমক ঐখোয়বু মঙোন্দা থাজবা অমদি নুংশিবগা লোয়ননা লাকহন্নিংই। ঈপুরোয়গী মাইয়োক্তা অয়োল অরানগা লোয়ননা ঐখোয়না য়ানিংলুদবগীদমক যীশু খৃষ্টনা শিবনি হায়বসিবু য়াবীরবা, মালেমসিদা মশক থোকপা পুন্সি অমা ঐখোয়দা লেপনমক পীবীবতা নত্তনা, খৃষ্টগী মাঙদা হিংদুনতা লৈরগদবা পুন্সি অমসু পীবীগনি।

অদোমনা যীশু খৃষ্টবু অদোমগী লানবীহৈবা মপুনি হায়না লৌশিনবা পামলবদি, অশেম্বা লাইশোন অমা লৈ। নিংশিংবীয়ু, লাইশোন অসি নত্রগা অতোপ্পা লাইশোন অমা হায়বনা অদোমবু কনবিবদি ঙমলোই। খৃষ্টদা থাজবা থম্বখক্তনা অদোমবু পাপতগী কনবীবা ঙমগনি। লাইশোন অসি অদোমদা অরান খুবম পীবীনবা অদোমনা ঈপুরোয়বু থাজবা অমসুং মঙোন্দা তৌবীমল খঙবা উতপা ঐনা মহাক্কী মফমদা হায়জনবগী ইচম চম্বা মওং অমনি। ‘‘ঈপুরোয়, নহাক্কী মফমদা ঐহাক লাল্লুরে হায়বা ঐহাক খঙজৈ অদুনা মসিগীদমক ঐহাকপু চৈরাক পীবীবা য়ারবনি। অদুবু ঐহাকনা ফংগদবা চৈরাক অদু যীশু খৃষ্টনা ফংবীখিবদগী মহাকপু থাজরুবগী মপান্না ঐহাকপু ঙাকপীরে। ঐহাক ঐহাক্কী পাপতগী মায় লৈথোকচরে অমসুং অরান খুবমগীদমক্তা নহাক্কী মফমদা থাজবা থমজরি। নহাক্কী অঙকপা ফংলবা থৌজাল অমসুং ঙাকপীহৈবা অসিগীদমক নহাকপু থাগতচরি-মসিনি লোমনাইদবা পুন্সিগী খুদোল! আমেন!’’

মসিদা ইরিবশিং অসি পারুবদগী খৃষ্টগীদমক করি ৱারেপ লৌখ্রবগে? লৌখ্রবদি, মখাগী বুটন ‘‘ঐহাকনা ঙসি খৃষ্টবু লৌশিঞ্জরে’’ হায়বসিদা ক্লিক তৌবীয়ু



মৈতৈলোনগী হোম পেজদা হনবীরকউ



শিরবা মতুংদা পুন্সি লৈরিবরা?