ঙাকপীরক্লব্রা? ঈপুরোয়না করমনা ঐহাক্কী পাপ পূম্নমক কোকপীগদৌরিবনো?




ৱাহং: ঙাকপীরক্লব্রা? ঈপুরোয়না করমনা ঐহাক্কী পাপ পূম্নমক কোকপীগদৌরিবনো?

পাওখুম:
পাওখোন 13:38 না হায়, ‘‘মরম অদুনা, ইচিন ইনাওশা, মসিমদি খঙজিনবীয়ু মদুদি ইবুঙোগী মপাননা পাপ কোকপা ঙমগনি হায়না নখোয়দা পাও শনদোকচরিবসিনি।’’

ঙাকপীবা হায়বসি করিনো অদুগা মসি ঐহাকনা করিগীদমক মথৌ তারিবনো?

‘‘ঙাকপীবা’’ হায়বা ৱাহৈসিনা অমোৎপা শেংদোকপবু খঙহল্লি, লনদোন অমবু কোকপীবা, শিংদোকপা হায়বনি। ঐখোয়না কনাগুম্বা অমগী মফমদা লাল্লুরবদি, হান্না লৈনরমবা মরীদু নৌহৌনা অমুক থমবা পাম্বদগী মখোয়দা ঙাকপীনবা হায়জৈ। ঙাকপীবা য়ারে হায়দুনা কনাগুম্বা অমবু ঙাকপীবা নত্তে। লাল্লুরগা ঙাকপীবা য়াবা কনাগুম্বা অমত্ত লৈতে। ঙাকপীবা হায়বসি নুংশিবা, থৌজাল, অমসুং মতিক মঙালগী থবক ঙাক্তনি। ঙাকপীবা হায়বসি কনাগুম্বা অমনা নহাক্কী মফমদা তৌনিংবা তৌজখ্রবসু, মহাক্কী মফমদা নুংঙাইতবা অমত্ত লৈতনবা ৱারেপ লৌববুনি।

বাইবলনা ঐখোয়দা অসুমনা হায় মদুদি ঐখোয় পুম্নমক অসি ঈপুরোয়গী মফমদগী ঙাকপীবা মথৌ তাই। ঐখোয় পূমনমক পাপ তৌই। পাওশন 7:20 না ময়ামদা খঙহল্লি, ‘‘তাইবংপানসিদা অরানবা তৌদবা মতমলৈবখিবিক্তা অচুম্বদা তৌবা কনাসু লৈতে।’’ 1 যোহন 1:8 না হায়, ‘‘ঐখোয়না ঐখোয় পাপ চেন্দে হায়রবদি, ঐখোয় ইশানা ইশাবু মীনমজরবনি অমসুং ঐখোয় অচুম্বা তৌদ্রবনি।’’ পাপ পুমনমক অরোয়বদদি ঈপুরোয়গী মাইয়োক্তা হৌবা লাল্হৌবগী থবক ওইরকই। (লাইশোন ঈশৈ 51:4)। মসিগী মহৈদি, ঐখোয়না পাপ হায়দোকচবদগী ঐখোয়বু ঈপুরোয়না তঙায় ফদনা ঙাকপীবা তারকই। ঐখোয়গী পাপশিং অসিবু ঙাকপীদ্রবদি, ঐখোয় পূমনমক ঐখোয়গী পাপকী মহৈ ওইনা লোইবা নাইরোইদবা অৱা অনংদা তাদুনা অদুম্মক লৈখিগনি। (মাথিড 25:46; যোহন 3:36)।

ঙাকপীবা- মসিবু ঐহাকনা করমনা ফংগনি?

থাগৎনিঙাইনি, নুংশিচাওবা অমসুং থৌজালহৈবা ঈপুরোয়না- ঙাইরি কোকপীরগে হায়না ঐখোয়গী পাপশিং! 2 পিটর 3:9 না ঐখোয়দা হায়, ‘‘...ইবুঙোদি অদোমগা লোয়ননা খাঙমিন্নবনি, কনাবুসু মাঙহন্নিংদে, হায়বদি মী খুদিংমক্কী পুকনিং হোংলকপা ইবুঙোনা ঙাইরি।’’

ঐখোয়গী পাপকীদমক্তা অমত্ত ঙায়রবা অচুম্বা চৈরাক্তি শিবনি। রোমান 6:23 গী অহানবা তংখাই শরুকনা লাওনা হায়রি, ‘‘পাপ তৌরুবগী মহৈদি শিবনি...’’ লোমনাইদবা অশিবা হায়বসি ঐখোয়গী পাপকীদমক্তা ঐখোয়না তানশিল্লুবশিং অদুবুনি। ঈপুরোয়না, মহাক্কী মপুং ফারবা থৌরাংদা, তাইবং মী অমা ওইবিরকখি-যীশু খৃষ্ট (যোহন 1:1,14)। যীশু পাং মথক্তা শিখি, ঐখোয়না চপ চান ফংবা য়ারবা শিবগী চৈরাক লোয়নখি। 2 কোরিন্থীয় 5:21 না ঐখোয়দা হায়, ‘‘ইবুঙোগী মপাননা ঐখোয়না ঈপুরোয়গী লাইনিং লম্বীদা চৎপা ঙমনবা, পাপ মশক খঙজদবা ইবুঙোবু ঐখোয়গী ইহুৎ শিলহন্দুনা পাপ চেলহল্লে। 1 যোহন 2:2 না লৈবাক মীয়াম খঙনা লাওথোক্লি, ‘‘ইবুঙো মশামক ঐখোয়গী পাপকীদমক শেংগৎপা ওইবীরি; ঐখোয়গীদা নত্তে, হায়বদি তাইবংপান অপূম্বগীসুনি।’’ যীশু শিরুবদগী হিংগৎলকখি, পাপ অমসুং শিবা মহাকনা মায়থীবা পীরবনি লাওথোকখি (1 কোরিনইয় 15: 1-28)। থাগৎচরি ঈপুরোয়, যীশু খৃষ্টনা শিরুবদগী হিংগৎলকপগী মপাননা, রোমান 6:23 গী অনীশুবা তংখায় শরুক অদু অচুমবনি, ‘‘.. অদুবু ঐখোয়গী মপু ইবুঙো যীশু খৃষ্টগী মপান্দগী ঈপুরোয়দগী ফংবা খুদোলদি লোমনাইদবা পুন্সি অসিনি।’’

অদোমগী পাপশিং কোকখিবা অদোম পাম্বীব্রা? ইশানা লৌথোকচবা ঙমদ্রবা মীগী মরাল হুমদুনা থিগনবা অরানবা ৱাখল অমা অদোমদা লৈবিব্রা? যীশু খৃষ্টবু অদোমগী লানবীবা মপুনি হায়বসিদা থাজবা থমলবদি অদোমগী পাপশিং কোকপীবা শোয়দবনি। এফি 1:7 না হায়, ‘‘ইবুঙোগী ঈগী মমলনা ঐখোয়বু কনবীরে, হায়বদি ঈপুরোয়গী মতিকনা মরাং কায়বা মরমনা পাপশিং কোকনবীরে।’’ যীশুনা ঐখোয়গী শেন্দোল শিংদোকপীখ্রে, অদুনা ঐখোয়বু ঙাকপীবা য়াহল্লে। অদোমনা হেক তৌগদবা হায়ববু যীশুগী মিংদা ঈপুরোয়দা অদোমবু ঙাকপীনবা হায়জৌ, তৌবতবু অদোমগী পাপ কোকপীনবা হোৎনবদা যীশু শিখিবনি হায়বসিদি অদোম থাজবীবা তাই- অদু ওইরবদি মহাকনা অদোমবু ঙাকপীগনি! যোহন 3:16-17 দা অঙকপা পাওজেল অসিমক য়াওরি, ‘‘মরমদি ঈপুরোয়না মালেম অসিব অসুক্কী মতিক নুংশিজৈ হায়বগী খুদমদি মহাক্কী অমত্ত ঙায়রবা মচানিপা ঐখোয়দা পীনবীরে, হায়বদি মহাকপু থাজবা মহাক অদু মাঙখিবদি লায়রদুনা লোমনাইদবা পুন্সিদুম ফংগনি। মরমদি ঈপুরোয়না মচানিপা অদুবু মহাক্কী মপান্দগী মালেম অসিবু কন্ননবা থারকখিবনি, লাল্লে হায়ননবা নত্তে।’’

ঙাকপীবা- মসি তশেংনমক্কী ইরায় লায়বা থবক অদুমকলা?

হোয় মসি অরায়বা থবক অদুমকনি! অদোমনা হোৎনরগা ঈপুরোয়দগী ঙাকপীবা ফংবদি ঙমলোই। অদোমনা ঈপুরোয়দগী ঙাকপীবা মনতিকনরগসু ফংবা ঙমলোই। অদোমগী থাজবতনা, অদোমনা ঈপুরোয়গী মতিক অমসুং থৌজালগী মতেঙদগী মসিবু ফংবা ঙমগনি। যীশু খৃষ্টবু অদোমগী লানবীবা ওইনা অদোমনা লৌশিনবা পামলবা অমদি ঈপুরোয়দগী ঙাকপীবা ফংলবদি, অদোমনা শোনবীগদবা লাইশোল অমা লৈ। লাইশোল অসিমকনা নত্রগা অতোপ্পা লাইশোল অমনা অদোমবু কনবদি ঙমলোই। যীশু খৃস্টবু থাজবখক্তনা পাপশিং কোকখিবদি ঙমগনি। লাইশোল অসি অদোমবু ঙাকপীবা ঙমনবগীদমক অদোমনা ঈপুরোয়বু থাজবা অমদি মঙোন্দা তৌবীমল খঙবা উৎপা ওইনা মহাক্কী মফমদা ফোংদোকপা ইচম চম্বা মওং অমনি। ‘‘ঈপুরোয়, নহাক্কী মফমদা ঐহাক পাপ লঙজরুরে অদুনা ঐহাকপু চৈরাক পীবীফম থোক্লবনি। অদুবু ঐহাকনা ফংগদবা চৈরাক অদু যীশু খৃষ্টবু থাজরুবগী মপান্না মহাকনা ফংবীখিদুনা ঐহাকপু ঙাকপীরে। অরান খুবম ফংনবগীদমক ঐহাক পাপতগী মায় লৈথোকচবগা লোয়ননা ঈপুরোয়গী মফমদা থাজবা থমজরে। ঈপুরোয়গী অঙকপা ফংলবা মতিক অমসুং ঙাকপীহৈবা থৌজাল অসিগীদমক ঈপুরোয়গী মফমদা তৌবীমল খঙবা উৎচরি।!’’

মসিদা ইরিবশিং অসি পারুবদগী খৃষ্টগীদমক করি ৱারেপ লৌখ্রবগে? লৌখ্রবদি, মখাগী বুটন ‘‘ঐহাকনা ঙসি খৃষ্টবু লৌশিঞ্জরে’’ হায়বসিদা ক্লিক তৌবীয়ু



মৈতৈলোনগী হোম পেজদা হনবীরকউ



ঙাকপীরক্লব্রা? ঈপুরোয়না করমনা ঐহাক্কী পাপ পূম্নমক কোকপীগদৌরিবনো?