Suraq
Másixshiler Kóne kelisimniń zańdaryna baǵynýǵa tiisti me?
Jaýap
Osy máseleni durys túsiný úshin biz Kóne kelisimniń másixshilerge emes, Israil xalqyna berilgenin bilýimiz kerek. Keibir zańdar (mysaly On ósiet) israildikterge Qudaiǵa baǵynýdy jáne Ony riza qyldyrýdy úiretý úshin berilse, basqa zańdar (qurbandyq shalý rásimderi) olarǵa Qudaiǵa tabynýdy úiretti. Al keibir zańdar israildikterdi (olardyń jeitin tamaqtary men kigen kiimderine qarai) basqa ulttardan erekshelerdiretin. Alaida qazirgi zamanda Kóne ósiettegi zańdardyń eshqaisysy bizge qatysty emes. Isa aiqyshta ólgen kezde Kóne kelisimdegi zańdardyń kúshi joiyldy (Rim. xat 10:4; Ǵalat. xat 3:23-25; Efes. xat 2:15).
Endi biz Kóne kelisimdegi zańdardyń ornyna, Másixtiń zańyna (Ǵalat. xat 6:2) baǵynamyz, al Onyń zańy mynandai: «Qudai Ieńdi shyn júrekten, búkil jan dúnieńmen, barlyq aqyl-oiyńmen súi! Bul – eń uly da basty ósiet. Al ekinshi de sol siyaqty mańyzdy: Ózińdi qalai súiseń, mańaiyńdaǵy adamdy da solai súi! Búkil Taýrat zańy men Paiǵambarlar jazbalary osy eki ósietke negizdelgen» (Matai 22:37-40). Biz osy eki ósietti ustansaq, onda Másixtiń qalaýyn oryndaimyz: «Al ósietterin oryndaǵanymyz – Qudaidy súigenimiz; olardy oryndaý qiyn emes» (Joxan. 1-xaty 5:3). Yaǵni endi On ósiettiń másixshilerge qatysy joq. Alaida On ósiettiń toǵyzy (demek demalys kúnine qatysty ósietten basqasy) Jańa kelisimde qaitalanady. Bunyń sebebi mynandai: eger biz Qudaidy shynymen súisek, biz jalǵan qudailar men puttarǵa tabynbaimyz; eger biz mańaiymyzdaǵy adamdardy súisek, onda olarǵa zulymdyq jasamaimyz (yaǵni olardy óltirmeimiz, olarǵa ótirik aitpaimyz, olardyń múligine qyzyqpaimyz, neke adaldyǵyn buzbaimyz t.b.). Sondyqtan Kóne ósiettiń talaptary endi bizge qatysty emes. Biz Qudaidy jáne mańaiymyzdaǵy adamdardy súiemiz. Eger biz osy eki igilikti istesek, basqanyń barlyǵy ornymen bolady.
English
Másixshiler Kóne kelisimniń zańdaryna baǵynýǵa tiisti me?