Suraq
Kúnálarym úshin Qudaidan qalai keshirim alýyma bolady?
Jaýap
Elshilerdiń isteri kitabynyń 13:38 ayatynda bylai aitylǵan: «Sondyqtan, baýyrlastar, mynany bilip alyńdar: biz senderge Qudai kúnálaryńdy osy Kisiniń (Isanyń) qurbandyǵy arqyly keshiretinin jariyalaimyz».
Qudaidan keshirim alý degen ne jáne men nelikten oǵan muqtajbyn?
«Keshirim» sóziniń maǵynasy tazartý, meiirim kórsetý, qaryzdy joyu degendi bildiredi. Biz bireýdi renjitkende qarym-qatynasymyzdy durystaý úshin keshirim suraimyz. Al Qudaidyń keshirimi adam balasy oǵan laiyq bolǵandyqtan berilmeidi. Qudaidyń keshirimine eshkim laiyqty emes. Keshirim – súiispenshilikten, meiirimdilikten jáne raqymdylyqtan shyǵatyn áreket. Keshirim – basqa adamnyń bizge qarsy istegenine qaramai, sol adamǵa bizdiń tarapymyzdan qarsylyqtyń bolmaýy.
Kieli kitap bizge barlyǵymyzdyń kúná jasap, Qudaidyń keshirimine muqtaj ekenimizdi aitady. Ýaǵyzdaýshy atty kitaptyń 7:20 ayatynda bylai aitylǵan:
«Shyndyǵynda jer betinde laiym jaqsylyq istep, eshbir kúná jasamaityn ádil adam joq». Al Joxannyń 1-xaty 1:8 ayatynda bylai aitylǵan: «Eger kúnásyzbyz desek, onda ózimizdi aldap, bizde shyndyqtyń bolmaǵany». Shyn máninde kúnányń barlyǵy Qudaiǵa qarsy jasalǵan áreket bolyp esepteledi (Zabýr jyr. 52:4). Osynyń saldarynan Qudaidyń keshirimine óte muqtajbyz. Eger kúnálarymyz keshirilmese, biz osynyń zardabyn shegip ótkizemiz (Matai 25:46; Joxan 3:36).
Keshirimdi qalai alýǵa bolady?
Baqytymyzǵa orai, meiirimdi jáne súiispenshilikke toly Qudai bizdiń barlyq kúnálarymyzdy keshirgisi keledi! Petirdiń 2-xatynyń 3:9 ayatynda bylai aitylǵan: «Iemiz... bizge tózimdilik tanytýda: eshkimniń de tozaqqa túsýin emes, barlyq adamdardyń teris joldan qaityp, kúnálaryna ókinip, arylýyn qalaidy!» Qudai bizdi keshirgisi kelgendikten keshirim alý jolymen qamtamasyz etti.
Kúnányń jalǵyz ádiletti jazasy - ólim. Rimdikterge arnalǵan xattyń 6-taraýyndaǵy 23-ayattyń birinshi jartysynda: «Kúnányń beretini – (máńgilik) ólim...» dep jazylǵan. Demek biz kúnálarymyzǵa bola máńgilik ólim jazasyna kesildik. Alaida Qudai, Óziniń kemeldi jospary boiynsha adamǵa, yaǵni Isa Másixke ainaldy (Joxan 1:1,14). Isa bizge tiesili jazamyz - ólimdi Óz moinyna artyp, aiqysh aǵashta janyn qidy. «Qudai bizdiń kúnálarymyzdy eshqashan kúná jasamaǵan Másixke artty. Onymen tyǵyz bailanysqan biz osy arqyly Táńir aldynda aqtaldyq» (Qorynt. 2-xat 5:21). Isa aiqyshta ólip, bizdiń kúnálarymyzdyń qunyn tóledi! Isa Qudai bolǵandyqtan Onyń ólimi arqyly búkil adamzattyń kúnálary keshirildi. Joxannyń 1-xaty 2:2 ayatynda bylai aitylǵan: «Ol Óz janyn qurban etip, kúnálarymyzdyń qunyn ótedi. Ózimizdiń ǵana emes, sondai-aq búkil adamzattyń da kúnálarynyń qunyn tóledi». Isa ólimnen qaita tirildi jáne kúná men ólimdi jeńgenin jariyalady (Qorynt. 1-xat 15:1-28)
Qudaiǵa shúkir, Isa Másixtiń ólimi men qaita tirilýi arqyly ne bolatyny jaiynda Rimdikterge arnalǵan xattyń 6:23 ayatynda ary qarai bylai aitylǵan: «...al Qudaidyń beretin syiy – Iemiz Isa Másixpen tyǵyz bailanystaǵy máńgilik ómir».
Sizdiń óz kúnálaryńyz úshin keshirim alǵyńyz keledi me? Sizde ózińizdi mazalap kinálaityn sezim bar ma? Eger Isa Másixke ózińizdiń jeke Qutqarýshyńyz retinde senseńiz, kúnálaryńyz keshiriledi. Efestikterge arnalǵan xattyń 1:7 ayatynda bylai jazylǵan: «Másixtiń qurban bolyp, qany tógilýimen tólemimiz ótelip, bizder jamandyqtyń quldyǵynan azat etilip, kúnálarymyz keshirildi». Biz keshirim alýymyz úshin Isa qaryzymyzdy tóledi. Sizdiń óz tarapyńyzdan isteitinińiz mynaý: Isanyń Óz ólimi arqyly sizdiń kúnálaryńyzdyń qunyn tólegenine senip, Qudaidan keshirim surasańyz, Qudai sizdi keshiredi! Joxan jazǵan Izgi xabardyń 3:16-17 ayattarynda mynandai tamasha úndeý bar: «Óitkeni Qudai adamzatty sondai qatty súigendikten, Óziniń jalǵyz rýxani Ulyn qurbandyqqa berdi. Endi Oǵan senýshi árkim jany tozaqqa túspei, máńgilik ómirge ie bolady. Qudai Óziniń rýxani Ulyn adamzatty sottaýǵa emes, qutqarýǵa jiberdi».
Qudaidan keshirimdi alý sondai ońai ma?
Iá, dál solai! Qudaidan keshirimdi siz eńbek sińirip ala almaisyz. Keshirimdi satyp alýǵa da bolmaidy. Siz ony Qudaidyń meiirimi men raqymdylyǵynyń arqasynda bolatyn senim arqyly ǵana ala alasyz. Eger siz Isa Másixti ózińizdiń jeke Qutqarýshyńyz retinde qabyldap, Qudaidan keshirim alǵyńyz kelse tómende kórsetilgendei minajat etińiz. Alaida esińizde bolsyn: siz ánsheiin siyný arqyly qutqarylmaisyz, eń bastysy siz óz kúnálaryńyzdyń Isa Másix arqyly keshirilgenine senýińiz kerek. Al minajat etý arqyly siz ózińizdiń Qudaiǵa senetinińizdi jáne sizdi qutqarǵany úshin Oǵan riza ekenińizdi bildiresiz.
«Qudaiym! Men Seniń aldynda kúná jasaǵanymdy moiyndaimyn jáne jazalanýǵa tiisti ekenimdi bilemin. Biraq Isa Másix meniń Oǵan artqan senimim arqyly keshirilýim úshin meniń tartatyn jazamdy Óz moinyna aldy. Men óz kúnálarymdy moiyndaimyn jáne meniń qutqarylý jolym jalǵyz Sen ǵana ekenine senemin. Seniń maǵan tókken raqymyńa jáne birgen keshirimińe raxmet! Aýmin!»
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Kúnálarym úshin Qudaidan qalai keshirim alýyma bolady?