Suraq
Kieli Rýx – Kim?
Jaýap
Kieli Rýx jaily qate túsinikter kóp. Keibir adamdar Kieli Rýxty bir jumbaqty, tabiǵattan tys kúsh dep sanaidy. Basqalar Kieli Rýxty Qudai Másixtiń jolyn qýýshylarǵa darytatyn kúsh dep túsinedi. Al Kieli kitap Kieli Rýxty Kim deidi eken? Qarapaiym sózben qysqasha aitqanda Kieli kitapta Kieli Rýx – Qudai dep aitylǵan. Sonymen birge Kieli kitap bizge Kieli Rýxtyń Tulǵa ekenin de aitady. Osy Tulǵanyń aqyly, sezimderi jáne erki bar.
Kieli Rýxtyń Qudai ekeni Kieli jazbanyń kóptegen úzindilerinen kórinedi, osyndai úzindileriniń bireýi: Elshiler. isteri 5:3-4. Osy ayattarda Petir Ananidi Kieli Rýxty aldaǵany úshin áshkerelep, oǵan: «Sen tek adamdy emes, Qudaidy da aldamaq boldyń» - deidi. Bul sózderdiń maǵynasy: Kieli Rýxqa ótirik aitý – Qudaiǵa ótirik aitýmen teń. Biz Kieli Rýxtyń Qudai ekenin bilemiz, óitkeni Onyń boiynda Qudaidyń barlyq qasietteri bar. Mysaly, Zabýr jyr. 138:7-8 ayattarynda Kieli Rýxtyń bir ýaqytta barlyq jerde bola alatyny týraly jazylǵan: «Seniń Rýxyńnan men qaida qashpaqpyn? Kóz aldyńnan qaida jasyrynbaqpyn? Kókke kóterilsem, sol oryndasyń, tuńǵiyqqa tússem de, Sen sondasyń». Al Qorynt. 1-xat 2:10-11 ayattarynda biz Kieli Rýxtyń barlyq nárseni biletinin kóremiz: «Buny Qudai bizderge Óziniń Kieli Rýxy arqyly anyq bildirdi. Kieli Rýx bárinen de, Qudaidyń tereń oi-maqsattarynan da xabardar. Sebebi adamnyń ishki qupiya-syrlaryn onyń óz rýxynan basqa birde-bir adam bile me? Qudaidyń tereń oi-maqsattaryn Onyń Kieli Rýxynan basqa eshkim de bilmeidi».
Biz Kieli Rýxtyń shynymen Tulǵa ekenin bilemiz, óitkeni Onyń aqyly, sezimderi jáne erki bar. Kieli Rýxtyń oilaný qabileti bar jáne Ol bárin biledi (Qorynt. 1-xat 2:10), Kieli Rýx renji alady (Efes. xat 4:30). Kieli Rýx biz úshin Qudaiǵa ótinish jasaidy (Rim. xat 8:26-27). Kieli Rýx Óziniń erkine sai sheshimder qabyldaidy (Qorynt. 1-xat 12:7-11). Kieli Rýx – Qudai, Úshbirliktegi Tulǵalardyń Bireýi. Isa Óz ýádesinde aitqandai Kieli Rýx ta, Qudai siyaqty, bizge Jubatýshy jáne Keńesshi bola alady (Joxan 14:16,26; 15:26).
English
Kieli Rýx – Kim?