مسیحی کیہ ہئے؟




سوال: مسیحی کیہ ہئے؟

جواب:
مسیحی دی ڈکشنری تعریف ایہندے نال کُجھ رلدی ملدی ہئے کہ’’ اجیہا شخص جیہڑا یسوع اُتے بطور مسیح ایمان دا اقرار کریندا ہئے یا اوس مذہب اُتے ایمان رکھدا ہئے جیہڑا یسوع دی تعلیم دی بُنیاد اُتے ہئے‘‘۔ تاں جے ایہہ چنگا ابتدائی نُکتہ ہئے ، پر کئی دُوجیاں ڈکشنریاں دی تعریف وانگر، ایہہ بائبل دی سچائی دی حقیقت دسن تُوں کُجھ گھٹ ہئے کہ مسیحی ہوون دا کیہ مطلب ہئے۔ لفظ ’’مسیحی‘‘ نویں عہد نامے بِچ تریہہ واری استعمال تھیا ہئے (اعمال 26;11؛ 28:26؛ پہلا پطرس 16:4 )۔یسوع مسیح دے منن والے انطاکیہ بِچ پہلاں ’’مسیحی‘‘ کہلاوندے ہِن (اعمال 26:11 )۔کیوں جے اوہناں دیاں عادتاں، کم اتے گلاں باتاں مسیح ورگیاں ہِن۔ لفظ ’’مسیحی‘‘ دا لغوی معنی ’’مسیح دے گروہ تُوں تعلق رکھن والا‘‘ یاں ’’مسیح دا منن والا ‘‘ہئے۔

بدقسمتی نال، ویلے دے نال نال، لفظ مسیحی اپنی اہمیت گوا بیٹھا اتے اکثر اوہدے لئی استعمال ہوون لگ گیا جیہڑا مذہبی یاں بوہت زیادہ اخلاقی اقدار رکھدا ہئے پر جیہڑا بھاویں یسوع مسیح دا حقیقی منن والا ہووے یاں ناں ہووے۔ بوہت سارے لوکی جیہڑے یسوع مسیح اُتے بھروسہ اتے ایمان نئیں رکھدے اپنے آپ کُوں ایہہ کیتے مسیحی سمجھدے ہِن کیوں جے اوہ گرجا گھر ویندے ہِن یاں اوہ ’’مسیحی‘‘ قوم بِچ رہندے ہِن۔ پر گرجا گھر جاونا، اپنے آپ تُوں کمتر دی خدمت کرنا یاں چنگا بندہ ہوونا تُہاکوں مسیحی نئیں بناوندا۔گرجا گھر جاونا تُہاکوں ایہہ کیتے مسیحی نئیں بناوندا جیویں ورکشاپ جاونا تُہاکوں مکینک نئیں بناوندا۔ گرجا گھر دا رُکن ہووندیاں ہوئیاں، باقاعدہ نمازاں بِچ شامل ہوونا اتے گرجا گھر دے کماں بِچ معاونت کرناں تُہاکوں مسیحی نئیں بناوندا۔

بائبل سکھاوندی ہئے کے ساڈے چنگے کم اساں کُوں خُدا دے منظور نظر نئیں بناوندے۔ طیطس 5:3آکھدا ہئے، ’’اوس اساں کُوں نجات ڈتی، ناں کے ساڈے راستباز کماں پاروں جیہڑے اساں کیتے ہِن،بلکہ اپنے رحم پاروں۔اوس اساں کُوں نویں سرے تُوں پیدا تھیون دے وسیلہ اتے پاک روح دی تجدید نال نجات ڈتی ہئے‘‘۔تاں جے مسیحی اوہ ہئے جیہڑا خُدا نیں نویں سرے تُوں پیدا کیتا ہئے (یوحنا 3:3؛ یوحنا 7:3 ؛ پہلا پطرس 23:1 ) اتے جیہڑا یسوع مسیح اُتے بھروسہ اتے ایمان رکھدا ہئے۔ افسیوں 8:2اساں کُوں دسدا ہئے کے ’’۔۔فضل نال تُساں نجات پاتی ہئے ، ایمان دے وسیلہ نال اتے ایہہ تُہاڈے پاروں نئیں ، ایہہ خُدا دا تحفہ ہئے۔

سچا مسیحی اوہ بندہ ہئے جنہے یسوع مسیح دی شخصیت اتے اوہدے کم اُتے بھروسہ کیتا اتے ایمان رکھیا ہئے، اوہدی ساڈے گناہواں دے کفارے کیتے صلیبی موت اتے تریجے دیہاڑے جی اُٹھن اُتے ۔ یوحنا 12:1اساں کوُں دسدا ہئے ، ’’تاں جے اوہناں ساریاں نُوں جیہڑے اوس نُوں قبول کردے نیں ، اوہناں ساریاں نُوں جیہڑے اوس دے ناں اُتے ایمان لیاوندے نیں ، اوہناں نُوں خُدا دے فرزندتھیون دا حق دیندا ہئے‘‘۔ سچی مسیحی دی نشانی دُوجیاں نال پیار اتے خُدا دے کلام نال وفاداری ہئے (پہلا یوحنا 4:2 ، 10)۔ سچا مسیحی حقیقتاًً خُدا دا فرزند ہئے اتے خُدا دے حقیقی خاندان دا حصہ اتے اوہ جنہوں یسوع مسیح بِچ نویں زندگی ملی ہئے۔

کیہ تُساں جو کُجھ اتھاں پڑھیا ہئے اوہندے پاروں مسیح کیتے اپنا فیصلہ کر گھدا ہئے ؟ جی کر، ہاں ، تاں وت تلے دتے بٹن ’’میں مسیح کو اج قبول کریندا ہاں‘‘ کُوں کلک کرو۔



ہندکو ورقے ول مُڑ ونجو



مسیحی کیہ ہئے؟