معافی رکھیندے ہو؟ میں کیویں اپنے سارے گناہواں دی مُعافی خُدا کولُوں گھِن سکدا ہاں؟




سوال: معافی رکھیندے ہو؟ میں کیویں اپنے سارے گناہواں دی مُعافی خُدا کولُوں گھِن سکدا ہاں؟

جواب:
: اعمال 38:13 ڈسیندا ہئے، ’’ایں پاروں، میرے بھراؤ، میں تُہاکوں ایہہ جانکاری ڈیونا چاہندا ہاں کے یسوع دے وسیلہ نال گناہواں دی معافی تُہاڈے تک پہنچی ہئے‘‘۔

معافی کیہ ہئے اتے میکوں ہیندی کیوں ضرورت ہئے؟

لفظ ’’معافی‘‘ دا مطلب سلیٹ کو صاف کرنا، معاف کرنا، قرض معاف کرنا۔ جدوں اساں کسے دا قصُور کریندے ہاں، تاں اساں اپنے تعلقات دی بحالی کیتے اوہندے کولُوں معافی چاہندے ہاں۔ مُعافی ایں کیتے نئیں مِلدی کے بندہ اوہندا حقدار ہووندا ہئے ۔ کوئی مُعافی دے لائق نئیں ہووندا۔ مُعافی، پیار، رحم اتے فضل دا عمل ہووندا ہئے ۔ مُعافی کئیں بئے دے خلاف کُجھ ضبط رکھنا ہووندا ہئے بجائے جو کُجھ اوہناں تُہاڈے کیتے کیتا ہووے۔

بائبل اساں کُوں ڈسیندی ہئے کے اساں سبھے خُدا کولُوں مُعافی دے طلبگار ہاں۔اساں سبھاں نیں گناہ کیتا ہئے ۔ واعظ 20:7 آکھدا ہئے ، ’’دُنیا اُتے کوئی وی راستباز بندہ نئیں جیہڑا جو کُجھ ٹھیک ہئے اوہ کریندا ہووے اتے کڈاہیں گناہ ناں کریندا ہووے‘‘ پہلا یوحنا 8:1 آکھدا ہئے ، ’’جے کر اساں گناہ تُوں بغیر ہوون دا دعویٰ کرُوں تاں اساں اپنے آپ کو’ں دھوکہ دیندے ہاں اتے سچائی اساڈے بِچ نئیں ‘‘۔ سبھے گناہ آخر کار خُدا دے خلاف بغاوت ہئے (زبور 4:51 )۔ نتیجے دے طور اساں کُوں خُدا کولُوں معافی دی سخت ضرورت ہووندی ہئے ۔ جے کر اساڈے گناہ مُعاف ناں ہوون تاں اساں اساڈے گناہواں دے نتائج دے طور ابدی اذیت گُزاروں (متی 46:25؛ یوحنا 36:3 )۔

مُعافی : میں کِنج گھن سکدا ہاں؟

شُکریہ دے نال، خُدا رحم اتے محبت کرن والا ہئے اتے اساڈے گناہ مُعاف کرن بِچ پیش پیش۔ دُوجا پطرس 9:3 اساں کُوں ڈسیندا ہئے، ’’اوہ تُہاڈے نال صابر ہئے اتے تُہاڈا ہلاک ہوونا نئیں چاہندا، پر چاہندا ہئے کے ہر کوئی توبہ کرے‘‘۔ خُدا چاہندا ہئے کہ اساں کُوں مُعاف کرے تاں اوس نیں اساڈی مُعافی دتی۔

اساڈے گناہواں کیتے واحد سزا موت ہئے ۔ رومیوں 23:6دا پہلا حصہ آکھدا ہے ، ’’کیوں جے گناہ دی سزا موت ہئے ۔۔۔‘‘اساں اپنے گناہواں پاروں جُو کُجھ کمایا ہئے اوہ ہمیش دی موت ہئے ۔ خُدا اپنے کامل منصوبے بِچ یسوع مسیح دی صُورت بِچ انسان بنیا (یوحنا 1:1؛ 14 )۔ یسوع صلیب اُتے اساڈی سزا کیتے مویا یعنی موت جیہندے اساں حقدار ہاوی ۔ دُوجا کرنتھیوں 21:5 اساں کُوں سکھاوندا ہئے ، ’’خُدا نیں اوس نیں جیہڑا پاک ہاوی اساڈے کیتا گناہ بنایا تاں جے اوس دے وسیلے نال ، اساں خُدا دی راستبازی بن سکُوں ‘‘۔ یسوع صلیب اُتے مویا، اوہ سزا لیندیاں ہویاں جیہندے اساں حقدار ہاوی ۔ خُدا دے طور یسوع دی موت نیں پوری دُنیا دے گناہواں کیتے معافی دتی ۔ پہلا یوحنا 2:2 آکھدا ہئے ، ’’اوہ اساڈے گناہواں کیتے کفارے دی قُربانی ہئے اتے ناں صرف اساڈے کیتے بلکہ پُوری دُنیا دے گناہواں کیتے ‘‘۔یسوع موت اتے گناہ اُتے اپنی فتح دا اعلان کریندیاں ہویاں مُردیاں بِچوں جی اُٹھیا (پہلا کرنتھیوں 15: 28-1 ) خُدا دی تعریف ہووے ، یسوع مسیح دی موت اتے جی اُٹھنے دے وسیلے نال رومیوں 23:6دا دُوجا حصہ دُرست ہئے ’’ ۔۔۔پر خُدا دی نعمت یسوع مسیح اساڈے خُداوند دے وسیلہ نال ہمیش دی زندگی ہئے‘‘۔

کیہ تُساں اپنے گناہواں دی مُعافی چاہندے ہو؟ کیہ تُساں شرمندگی دا احساس رکھیندے ہو کیہ تُساں کڈاہیں اوہندے تُوں چھُٹکارا پاون دی کوشش ہی نئیں کیتی؟ تُہاڈے گناہواں دی مُعافی مل سکدی ہئے جے کر تُساں اپنا ایمان یسوع مسیح اُتے بطور اپنے نجات ڈیون والے رکھو۔ افسیوں 7:1 آدھا ہئے، ’’اساں کُوں اوہندے بِچ اوس دے خون دے وسیلہ نال مخلصی یعنی قصوراں دی معافی اوس دے اوس فضل دی دولت دے موافق حاصل ہئے ۔یسوع نیں اساڈا قرض ادا کر دتا ہئے ، ایں کیتے اساں معافی گھن سکدے ہاں۔تُساں ساریاں کُوںیسوع دے وسیلہ نال خُدا کُوں معافی کیتا آکھنا ہوسی، ایمان رکھیندیاں ہویاں کے یسوع تُہاڈی معافی دے مول کیتے مویا۔ اتے اوہ تُہاکوں معاف کریسی۔ یوحنا 3:17-16 ایس پیغام کو ڈسیندا ہئے ، ’’کیوں جے خُدا نیں دُنیا نال اجیہی محبت رکھی کے اوس اپنا اکلوتا بیٹا دے دتا ، تاں جے جیہڑا کوئی اوہندے اُتے ایمان لیاسی اوہ ہلاک ناں تھیسی بلکہ ہمیش دی زندگی پاسی۔ کیوں جے خُدا نے اپنے بیٹے کُوں دُنیا بِچ سزا ڈیون کیتے نئیں بھیجیا بلکہ دُنیا کو اوہندے وسیلے نال بچاون کیتے۔

معافی۔کیہ ایہہ واقعی ایڈی آسان ہئے؟

جی ہاں، ایہہ ایڈی آسان ہئے۔ تُساں خُدا کولوں مُعافی نئیں کما سکدے ۔ تُساں خُدا کولُوں اپنی مُعافی دا مول نئیں ڈے سکدے۔ تُساں صرف گھن سکدے ہو، ایمان نال، خُدا دے رحم اتے فضل نال۔ جے کر تُساں یسوع مسیح کُوں بطور اپنے نجات دیون والا قبول کرنا چاہندے اؤ تاں ایہہ ہِک نکی جئی دُعا ہئے۔ یاد رکھو، ایہہ دُعا پڑھنا یاں کوئی بئی دُعا پڑھنا تُہاککوں نجات نئی ڈے سکدی ۔ایہہ صرف مسیح اُتے بھروسہ رکھنا تُہاکوں گناہواں تُوں نجات ڈے سکدا ہے ۔ ایہہ دُعا صرف تُہاڈا خُدا اُتے ایمان اتے اوس دا تُہاکوں نجات ڈیون کیتے شکریہ ادا کرنے دا ہِک اظہار ہئے ۔ ’’ائے خُدا ، میں سمجھدا ہاں کے میں تیڈے خلاف گناہ کیتا ہئے اتے سزا دا حقدار ہاں۔ پر یسوع مسیح نیں اوہ سزا گھن گھدی جیہندا میں حقدار ہاوی تاں جے اوہندے اُتے ایمان رکھن نال، میں معافی پا سکاں۔ میں نجات کیتے اپنا بھروسہ تیڈے اُتے رکھدا ہاں۔ تیڈے وڈے فضل اتے معاف، ہمیش دی زندگی دی نعمت کیتے تیڈا بوہت شُکریہ۔آمین۔

کیہ تُساں جو کُجھ اتھاں پڑھیا ہئے اوہندے پاروں مسیح کیتے اپنا فیصلہ کر گھدا ہئے ؟ جی کر، ہاں ، تاں وت تلے دتے بٹن ’’میں مسیح کو اج قبول کریندا ہاں‘‘ کُوں کلک کرو۔



ہندکو ورقے ول مُڑ ونجو



معافی رکھیندے ہو؟ میں کیویں اپنے سارے گناہواں دی مُعافی خُدا کولُوں گھِن سکدا ہاں؟