کیہ یسوع خُدا ہئے؟ کیہ یسوع نے کڈاہیں خُدا ہوون دا دعویٰ کیتا؟




سوال: کیہ یسوع خُدا ہئے؟ کیہ یسوع نے کڈاہیں خُدا ہوون دا دعویٰ کیتا؟

جواب:
یسوع دا بائبل بِچ کڈاہیں وی خاص ایہہ الفاظ نال اندراج نئیں ہئے کے ’’میں خُدا ہاں‘‘۔ایہندا ایہہ مطلب ہر گز نئیں کے اوس دعویٰ نئیں کیتا کے اوہ خُدا ہئے۔ مثال دے طور اُتے یوحنا 30:10بِچ یسوع دے الفاظ کُوں ڈیکھو، ’’میں اتے باپ ہکا ہِن‘‘۔ اساں کُوں ایس بیان اُتے یہودیاں دے رد عمل کُوں ڈیکھن دی ضرورت ہئے کے اوہ سمجھدے ہِن کے اوہ خُدا ہوون دا دعویٰ کریندا ہئے۔ اوہناں اوس نُوں ایس پاروں پتھر مارن دی کوشش کیتی۔ ’’۔۔تُوں ہِک عام انسان ، خُدا ہوون دا دعویٰ کریندا ہئے‘‘ (یوحنا 33:10 )۔ یہودیوں نیں بالکل ٹھیک سمجھیا جو یسوع الہیت پاروں دعویٰ کریندا ہاوی۔ غور کرو کے یسوع اپنے خُدا ہوون دے دعویٰ تُوں انکار نئیں کریندا۔ جدوں یسوع آکھدا ہئے ، ’’ میں اتے باپ ہکا ہِن‘‘ (یوحنا 30:10) اوہ آدھا پئیا ہاوی کے اوہ اتے باپ ہکا قسم دے ہِن۔ یوحنا 58:8ہک بئی مثال ہئے۔ یسوع اعلان کریندا ہئے ، ’’میں تہاکوں سچ آکھدا ہاں ، ابراہام دے پیدا تھیون تُوں پہلاں، میں ہاں‘‘۔ یہودیاں دا ردعمل جنہاں ایہہ بیان سُنیا ایہہ ہاوی کے اوہناں پتھر چائے اتے اوس نُوں ایس کُفر اُتے قتل کرن لگے ، جیویں کے مُوسوی شریعت اوہناں کُوں حُکم ڈیندی ہاوی (احبار 15:24 )۔

یوحنا یسوع دے الہی ہوون دے تصور کُوں دھراوندا ہئے : ’’کلام خُدا ہاوی‘‘ اتے کلام انسان بنیا‘‘ (یوحنا 1:1 ، 14 )۔ ایہہ آیات واضح طور اشارہ کریندیاں ہِن کے یسوع انسان ہووندیاں ہوئیاں خُدا ہئے ۔ اعمال28:20 اساں کُوں ڈسیندا ہئے ، ’’خُدا دی کلیسیا دے چرواہے بنو جیہڑی اوس اپنے خُون نال خریدی ہئے‘‘۔ کیہڑا کلیسیا، خُدا دی کلیسیا اپنے خپون نال مول گھن دا ہئے؟ یسوع مسیح ۔ اعمال 28:20آکھدا ہئے کے خُدا نیں اپنی کلیسیا اپنے خُون نال مول گھدی۔ ہیں کیتے یسوع خُدا ہئے۔

تھوما شاگرد یسوع پاروں آکھدا ہئے، ’’میرا خُداوند اتے میرا خُدا‘‘ (یوحنا 28:20)۔ یسوع اوس نُوں غلط نئیں آکھیا۔طیطس13:2 اساں کُوں ساڈے خُدا اتے نجات دیون والے یسوع مسیح دے آون دی انتطار دی حوصلہ افزائی کریندا ہئے (ڈیکھو دُوجا پطرس 1:1)۔ عبرانیو ں 8:1بِچ باپ یسوع پاروں اعلان کریندا ہئے ، ’’پر بیٹے پاروں، اوہ آکھدا ہئے، تیرا تخت ، ائے خُدا ہمیشہ تیکر راہسی اتے راستبازی تیری سلطنت دا حصہ ہوسی‘‘۔ باپ ’’ائے خُدا‘‘ دا اشارہ کریندیاں ہویاں اشارہ کریندا ہئے کے یسوع یقیناً خُدا ہے ۔

مُکاشفہ بِچ، فرشتہ یوحنا کُوں ہدایت کریندا ہئے کے اوہ صرف خُدا دی پرستش کرے (مُکاشفہ 10;19)۔ کلام مُقدس بِچ کئی واری پرستش پاوندا ہئے (متی 11:2، 33:14، 9:28، 17 لوقا 52:24 ؛ یوحنا 38:9 )۔ اوس لوکاں کُوں پرستش تُوں منع نئیں کیتا۔ جے کر یسوع خُدا نئیں ہاوی، تاں اوہ لوکاں کُوں آکھدا کے اوہ اوہندی پرستش ناں کرنجیویں مُکاشفہ بِچ فرشتے نیں کیتا۔ کلام مُقدس دی کئی ہور آیتاں اتے حوالے ہِن جیہڑے یسوع دے الہی ہوون اُتے بحث کریندے ہِن ۔

ہِک اہم سبب کے یسوع کُوں خُدا ہوونا چاہیدا ہئے ایہہ ہئے کے جے کر اوہ خُدا نئیں ہئے وت اوس دی موت دُنیا دے گناہواں پاروں کفارہ ادا کرن کیتے کافی ناں ہووندی (پہلا یوحنا 2:2 )ہِک تخلیق کیتی ہوئی ہستی، جیہڑی یسوع ہووندی جے کر اوہ خُدا ناں ہووندا ابدی خُدا کُوں گناہواں پاروں ضروری ابدی کفارے کیتے ادا ناں کرسکدی۔ صرف خُدا اجیہا ابدی کفارہ ادا کرسکدا ہئے ۔ صرف خُدا دُنا دے گناہ چا سکدا ہئے (دُوجا کرنتھیوں 21:5 )، مرنا اتے وت جیوندہ تھیونا، گناہ اتے موت اُتے اپنی فتح ثابت کریندیاں ہوئیاں۔



ہندکو ورقے ول مُڑ ونجو



کیہ یسوع خُدا ہئے؟ کیہ یسوع نے کڈاہیں خُدا ہوون دا دعویٰ کیتا؟