খ্ৰীষ্টান কি?




প্রশ্ন: খ্ৰীষ্টান কি?

উত্তৰ:
ৱেবষ্টাৰ অভিধানে খ্ৰীষ্টান শব্দৰ সংজ্ঞা দিছে এনেদৰে-“এজন লোক যি খ্ৰীষ্ট হিচাপে যীশুৰ ওপৰত বা যীশুৰ শিক্ষাৰ ওপৰত আধাৰিত ধৰ্মৰ ওপৰত বিশ্বাস স্থাপন কৰিছে।” যদিও বহুতো ধৰ্ম-নিৰপেক্ষ সংজ্ঞাৰ দৰে খ্ৰীষ্টানক বুজিবলৈ এইটোও এটা ভাল প্ৰাথমিক সংজ্ঞা, বাইবেলীয় সত্যৰ পথেদি খ্ৰীষ্টাননো কি হ’ব পাৰে তাক বুজাবলৈ ই সক্ষম নহয়।

খ্ৰীষ্টান শব্দটো নিউ টেষ্টামেন্টত তিনিবাৰ উল্লেখ আছে। (কাৰ্যসমূহ 11:26; কাৰ্যসমূহ 26:28; 1 পিটাৰ 4:16) যীশুখ্ৰীষ্টৰ অনুগামীসকলক এন্টিওচত প্ৰথমতে খ্ৰীষ্টান বুলি কোৱা হৈছিল, (কাৰ্যসমূহ 11:26) কাৰণ তেওঁলোকৰ আচাৰ-ব্যৱহাৰ, কাম-কাজ, কথা-বাৰ্তা খ্ৰীষ্টৰ দৰে আছিল। আচলতে ই এন্তিওচৰ উদ্ধাৰ নোহোৱা লোকসকলে খ্ৰীষ্টানসকলক উপলুঙা কৰিবলৈ ব্যৱহাৰ কৰা এটা অগ্ৰহণীয় উপনাম আছিল। আক্ষৰিকভাৱে ইয়াৰ অৰ্থ হ’ল - “খ্ৰীষ্টৰ দলৰ অংশ বা সদস্য” বা “খ্ৰীষ্টৰ একান্ত অনুগামী” যি ৱেবষ্টাৰ অভিধানৰ সংজ্ঞাৰ লগত যথেষ্ঠ সদৃশ।

দুৰ্ভাগ্যজনকভাৱে, সময়ৰ লগে লগে “খ্ৰীষ্টান” শব্দটোৱে ইয়াৰ অৰ্থ আৰু গুৰুত্ব হেৰুৱাই পেলায় আৰু যীশুখ্ৰীষ্টৰ একান্ত অনুগামীৰ বিপৰীতে যিকোনো ধাৰ্মিক লোক বা উচ্চ মানৱিক গুণক বুজাবলৈ সঘনাই ব্যৱহৃত হোৱা দেখা যায়। যীশুত বিশ্বাস নথকা স্বত্বেও, কেৱল গীৰ্জালৈ যোৱা আৰু “খ্ৰীষ্টান দেশ”ৰ নাগৰিক বুলিয়েই বহুলোকে নিজকে খ্ৰীষ্টান বুলি গণ্য কৰিবলৈ ধৰিলে। কিন্তু গীৰ্জালৈ যোৱা, গীৰ্জাৰ কাম-কাজত অংশগ্ৰহণ কৰা, অথবা কেৱল সত্ হলেই আপুনি খ্ৰীষ্টান হৈ উঠিব নোৱাৰে। কোনো উত্সাহী পণ্ডিতে কবৰ দৰে, “গীৰ্জালৈ যোৱাটোৱে কোনো লোককেই খ্ৰীষ্টান কৰি নোতোলে, যিদৰে গেৰেজলৈ গলেই কোনো মেকানিক হৈ নপৰে।” গীৰ্জাৰ এজন সদস্য হিচাপে, গীৰ্জাত নিতৌ উপস্থিত থকাটোৱে অথবা গীৰ্জাৰ দৈনন্দিন কাম-কাজত ভাগ লোৱাটোৱে আপোনাক খ্ৰীষ্টান কৰি তুলিব নোৱাৰে।

বাইবেলে শিকায় যে কেৱল আমি কৰা ভাল কামে আমাক ঈশ্বৰৰ বাবে গ্ৰহণযোগ্য কৰি তুলিব নোৱাৰে। টিটাছ 3:5ত কোৱা হৈছে যে “তেওঁ আমাক ৰক্ষা কৰিছিল, সেয়া কেৱল আমি কৰা সত্ কাম বিলাকৰ বাবে নহয়; বৰঞ্চ, তেওঁ ক্ষমাশীলতাৰ বাবেহে। তেওঁ পুণৰ জনমৰ যোগেদি ধুই নিকা কৰি আৰু পৱিত্ৰ আত্মাৰ উত্তৰণ ঘটাই আমাক ৰক্ষা কৰিছিল।” সেইবাবে এজন খ্ৰীষ্টান হ’ল এনে এজন লোক যি ঈশ্বৰৰ ইচ্ছাত পুণৰ জন্ম গ্ৰহণ কৰে (জন 3:3; জন 3:7; 1 পিটাৰ 1:23) আৰু যীশুখ্ৰীষ্টৰ ওপৰত তেওঁলোকৰ বিশ্বাস আৰু মন-প্ৰাণ সমৰ্পণ কৰে। ইফিছিয়ান 2:8ত কৈছে যে ইয়েই সত্য যে “কৰুণাৰ দ্বাৰা, বিশ্বাসৰ যোগেদি আপুনি ৰক্ষা পৰিল আৰু ই আপোনাৰ নিজৰ কাৰণে হোৱা নাই; ই হ’ল ঈশ্বৰৰ উপহাৰ।” “এজন সঁচা খ্ৰীষ্টান হৈছে এনে এজন লোক যি নিজৰ পাপৰ বাবে অনুশোচনা কৰে আৰু কেৱল যীশুখ্ৰীষ্টৰ ওপৰত বিশ্বাস স্থাপন কৰে।” তেওঁলোকৰ বিশ্বাসে কেৱল এক ধৰ্ম, কেৱল মানৱীয় মূল্যবোধ বা কৰিবলগীয়া আৰু নকৰিবলগীয়া কামৰ তালিকাক অনুসৰণ নকৰে।

এজন সঁচা খ্ৰীষ্টান হ’ল এনে এজন লোক যি তেওঁৰ বিশ্বাস যীশুখ্ৰীষ্টৰ দৰে এক ব্যক্তি বিশেষৰ ওপৰত স্থাপন কৰে আৰু এইটো বিশ্বাস কৰে যে তেওঁ তেওঁৰ অনুগামী সকলক অনন্ত জীৱন দান কৰিবৰ বাবে ক্ৰুছত মৃত্যুবৰণ কৰাৰ তিনিদিনৰ পাছত মৃত্যুক জয় কৰি উভতি আহিছিল। জন 1:12এ আমাক কৈছে: “যিসকলে তেওঁক গ্ৰহণ কৰিছে, যিসকলে তেওঁৰ ওপৰত বিশ্বাস স্থাপন কৰিছে, এই সকলোকে তেওঁ ঈশ্বৰৰ সন্তান হ’বৰ বাবে অধিকাৰ প্ৰদান কৰিছে।” এজন সঁচা খ্ৰীষ্টান প্ৰকৃততে এজন ঈশ্বৰৰ সন্তান, ঈশ্বৰৰ পৰিয়ালৰ এজন প্ৰকৃত সদস্য আৰু এনে এজন যি খ্ৰীষ্টক নতুন জীৱন প্ৰদান কৰিছিল। এজন প্ৰকৃত খ্ৰীষ্টানৰ চিন হ’ল আনৰ প্ৰতি মৰম আৰু ঈশ্বৰৰ বাণীৰ প্ৰতি বাধ্যতা আৰু সন্মান। (1 জন 2:4; 1 জন 2:10)

যাৰ বাবে আপুনি এয়া পঢ়ি আছে সেই যীশুৰ বাবে আপুনি সিদ্ধান্ত গ্ৰহণ কৰিলেনে? যদি কৰিলে, তেন্তে অনুগ্ৰহ কৰি তলত থকা “মই আজি যীশুক গ্ৰহণ কৰিলো”ত ক্লিক কৰক



অসমীয়া গৃহপৃষ্ঠালৈ ঘূৰি যাওক



খ্ৰীষ্টান কি?