Dimànda
Dio esiste? Esiste prove de l’esistensa de Dio?
Respòsta
L'esistensa de Dio xe una dele dimànde pì inportanti e fondamentai che na persona poe farse. Le opiniòn su Dio xe tante, ma rispondare ala dimànda "Dio esiste?" ga bixogno de più de qualche secóndo de atençión e coinvolge un bel pò de idee e de prove. In definitiva, quel che vedemo inte la esperiénzha umana, inte la sjénsa, inte la lògica e inte la storia, porta a na risposta sicura: sì, Dio esiste.
Tante volte sta domanda, vien posta come: "Se poe provare che Dio esiste?". El problema xe che, óra che la verità xè assoluta, ghe xe praticamente xèro prove asolute fora dea logica pura e dea matematica. Par queo, i tribunai non dimanda mai na prova asolùta par rivare a un verdèto; pitòsto, i çerca de disipàre el "rajionévole dùbio" e de considerare queo che xe "pì probabile".
Esigere na "prova" de Dio, visto che nessun podarìa mai darla, xe irajioévole. Le prove nel mondo spiritual no funziona intel stéso modo nel mondo real. « Védare » i fatti e "acetàrli" xe proprio diverso. Argomentasión sólide e inposìbili da rebecàre, restarà póco convinxenti par chi che xe determinà a non crédar. Par chi che xe scètico convinto, no esiste mia na "prova", anca se le argomentazion convinzarìa la magior parte de chealtre persone. L'intento de na persona xe pì influente de na qualsiasi prova che ghe vegna dà.
Questo voe dire che xe necesària na çèrta dose de "fede", e no solo su queo che xe l'esistenza de Dio. La conosénça perfetta xe al de là de le nostre capacità. I pregiudìsi e i preconcéti ofùsca le nostre opiniòn. Ghe sarà sempre un ràdego tra quéo che podémo « conòssare » e quéo che "credemo". Questo xe uguae sia pai scéttici che pai credenti. No podemo conòssare tuti i detàji de come che xe posìbie che se sentemo su na caréga, o come che magnemo, o ndemo su par na scala. Ste aziòn ga bisogno tute de na çèrta misura de fede. Agìmo, nonostante queo che non savemo, in virtù de queo che savemo. Questa xe l'esènza de la fede bìblica, compresa la fede inte l’esistenxa de Dio. Confidemo in queo che conossémo e che ne porta a agire, nonostante na comprensiòn che non xe assoluta (Ebrei 11:6).
Che se riconossa Dio, o che nol se riconossa, xe na decisiòn che implica fede. Credere in Dio no dimànda na fede cieca (Giovanni 20:29), ma non poe ngnanca vinçere na resistenxa maligna (Giovanni 5:39-40). A sostegnére la fede xe l'esperiénzha umana, la lògica e l'evidenxa empìrica, che juta a rispondere ala dimànda: Dio esiste?
Dio esiste? - L'esperiénzha umana
La discusiòn so l'esistenxa de Dio de solito scominsia con argoménti lògici. Questo ga senso, ma non xe el modo in cui i èseri umani funsiona normalmente. Nessun scominsia sènça prospetìve, spetàndo che ghe vegna sugerìo un percorso rasionàe prima de formàrse na opiniòn, no sémo mia robot. Le persone intérpreta la vita in base al mondo che le gà intorno. Perciò, l'esame de l'esistenxa de Dio dovarìa scominsiàre con le esperiénze. E solo dopo, podémo usare la logica par valutare le opiniòn.
Le prove de l'esisténsa de Dio se trova inte le esperiénzhe umane de ogni xorno (Romani 1:19-20; Salmo 19:1; Ecclesiaste 3:11). Questo include el nostro senso innato de moraità. Se vede el disegno aparènte de l'universo che ne circonda. La vita umana ne òbliga a credare che la verità, le buxìe, el amore, el odio, la bontà, el màl, etcètara. i sia reali e significativi. La stragrande magiorànza de le persone inte la storia ga credesto a na realtà pi grande de quea fìsica.
Oviamènte, le nostre esperiénze non xe mia na prova definitiva. Al contrario, Dio usa la rivelaxiòn generae come un invito (Apocalisse 3:20). Le esperiénze de tùti serve a sotolineare che dovemo zercàre ancora risposte (Matteo 7:7-8). Chi che ignora o disdegna el invito de Dio non ga la scusa de l'ignoranza (Romani 1:18; Salmo 14:1).
Dio esiste? - Lògica umana
Trè dei pi potenti sugeriménti lògici de l’esistenxa de Dio xe l'argomento cosmològico, queo teleològico e queo moràl.
L'argomento cosmològico consìdera el princìpio de causa e efèto. Ogni efèto xe el risultato de na causa e ogni causa xe l'efèto de na causa che vien prima. Però, sta cadena de cause non poe dar vanti a l'infinito intel pasàto, altrimenti la cadena non sarìa mai scominzià. La logica dimànda calcòsa de eternamente esistente e che non sia lu stesso l'efèto de calcòs’altro. El nostro universo, chiaramente, non xe eterno, e gnanca privo de cause. La logica indica Dio: la misura eterna e mai creà de tute le altre robe, la Causa Prima de la nostra realtà.
L'argomento teleologico esamina la strutura de l'universo. Le pi grandi configurazion galattiche, el nostro sistema solare, el nostro DNA, le particele subatomiche: tutto dà l'impression de essere sta organizzà in modo mirà. Sta carateristica xe così forte, che anca i atei pì incallii ga dificoltà a spiegare l'aparenza del disegno.
Gnénte inte le particèle subatomiche o inte le fòrçe ne fa védare che le ga da èsar organizà cussì come che le xe. Epure, se non le fusse esatamente cussì, la materia complessa e la vita sarìa imposibili. Diexine de costanti universai se coordina co na precision assurda, solo par rendere la vita posibie, par no dire reale. La scienza no ga mai osservà o spiegà la vita che nasse dal gente, epure che xe anca l'improvìsa aparisiòn de organismi complessi. Un grùpo de archeologi che vedèse le paroe « Mi son qua » intel muro de na caverna ipotizzarìa universalmente na açión intelijente. Nel fraténpo, el DNA de l’omo, rappresenta na strutùra de codifica al de là de la testa dei mejo ingegneri umani. El peso de ste prove, logicamente, favorisse l'idea de on Progettista intelijente - Dio - come spiegasiòn.
L'argomento moràl, se riferisse a concéti come el bén e el màl, l'etica, etcètara. Xe da notare che se tràta de na discusiòn su « queo che dovarìa èsar », no solo su « queo che xe ». I principi morai xe del tuto scolegà dal raxonamento sènça pietà e egoista che se spetarissimo da na creatura che se gà evolù casualmente par sopravivere a ogni costo. L'idea stessa che i éseri umani se ga evolù anca in termini morai, non fisici xe sorprendente. Inaxónta, queo che contien indrénto la moràl umana, resta costante intel corso dela storia e dele culture.
Orsùxo, la discusiòn sule idèe morai porta par fòrça a un bivio. O le idee morai xe completamente sogetìve, e quindi sènça senso, o le ga da èser fondà su qualche règola che no cambia mai. l'esperiénzha umana no soporta la conclusiòn che la moràl no gàbia nisùn significato. La spiegaziòn pi rajionevole del parché le persone pensa in termini morai, e condivida i ideai morai xe na vera e propria légge moràl fornìa da un Legislatore moràl, cioè Dio.
Dio esiste? - Sjénsa umana
Le argomentazión lógiche xe ispirà a le osservaziòn. Idée come a teoria del Big Bang dimostra, come mìnimo, la vaidità scientifica de un univérso creà e no eterno. Lo stesso xe per la struttura del DNA. I dati empirici conferisse credibilità a l'idea de un Creatore biblico e contradìxe spiegazion alternative, come l'universo eterno o l'abiogenesi.
Anca l'archeologia sostien la Bìbia. Persone, eventi e luoghi descrìti inte le Scritùre xe sta ripetutamente confermà da scoperte secolàri. Tante de queste scoperte xe vegnù dopo che i scètici gaveva insinuà che i racònti de la Bìbia fùse finti.
Anca la storia e la leteratùra, da parte sua, sostien l'esistenxa de Dio. La conservaziòn de la Bìbia xe un esempio: la nostra capacità de far risalire el testo esistente de le Scritùre a un'epoca cussì vixina ai evénti originai sostien l'afidabilità de la Bìbia. Anca l'influenza giudeo-cristiana so la cultùra, la moràl, i diriti umàni e la nàscita de la scienza moderna indica con forza un apròcio allineà a la verità.
Dio esiste? - Dio in nojaltri
Ognuna de le categorie de prima, costituìse un intéro càmpo de studio e l'ogètto de miàra de libri. Tuttavia, l'esistenxa de Dio xe dimostrà pì profondamente, par la major parte de le persone, inte l' esperiénzha personae. Poe essere inposibile "dimostrare" a chealtri che se xe contenti, par esempio, ma no cambia el fatto che lo se xe. Questo no vol dire che la visiòn interna supera la verità ogetìva, ma el più de le volte, le verità complèse xe fortemente supportà dale esperiénze individuai. Vite cambià, ategiamenti riformà, risposte ale preghiere, fa parte de la nostra perceziòn personae dell'esistenxa di Dio.
Un senso personae de verità xe un modo convinçente par savere che Dio esiste, e xe intenzion de Dio che tute le persone sperimenti sto senso qua. Dio xe vegnùo so la terra personalmente, come essere umano (2 Corinzi 4:6), in modo che podessimo avere un rapòrto personae con Lu (Giovanni 14:6). Quei che çérca sinceramente Dio, lo trovarà (Matteo 7:7-8), con la conseguente presènça del Spirito Santo (Giovanni 14:26-27).
Ala dimànda "Dio esiste?", quindi, no se poe rispóndar con na prova asolùta, ma podemo indicar el peso de le prove che sugerìse che Lu esiste. Accettare l'esistenxa de Dio non xe un salto nel buio con la fede cieca. Xe un passo fiducioso par vegner fora dal buio e entrare inte na stanza ben illuminà dove che le robe xe ben ciare.
English
Dio esiste? Esiste prove de l’esistensa de Dio?