settings icon
share icon
سوال

کیہ معافی مل سکدی ہے؟ میں رب دے حضوروں کیویں معافی پاواں؟

جواب


اعمال باب 13 آیت 38 اعلان کردی ہے، "ایس لئی، میرے بھراؤ، میں تہانوں دسنا چاہونا بئی یسوع دے وسیلے نال ہی تہانوں پاپاں توں معافی دا سنیہا دتا جاندا اے"۔

معافی کیہ ہے اتے مینوں ایہدی لوڑ کیوں ہے؟

لفظ "معاف کرنا" دا مطلب اے کسے شے نوں چنگی طرحاں دھو دینا، معاف کر دینا، قرضے نوں مُکا دینا۔ جدوں اسیں کسے نال بھیڑا کردے ہاں، اسیں اوہناں کولوں معافی منگدے ہاں تاں جے ساڈا اوہدے نال ساک فیر جُڑ جاوے۔ معافی ایس لئی نہیں دتی جاندی بئی کوئی بندہ معافی دا حقدار ہوندا ہے۔ کوئی وی معافی دا حقدار نہیں ہوندا۔ معافی پیار، کرم، اتے فضل دا اک عمل ہے۔ معافی دوجے بندے دے خلاف کجھ وی نہ رکھن دا اک فیصلہ ہے بھاویں اوہناں نے تہاڈے نال جو کجھ وی کیتا ہوئے۔

پاک کلام سانوں دسدا ہے بئی سانوں ساریاں نوں رب دے حضوروں معافی دی لوڑ ہے۔ اسیں ساریاں نے پاپ کیتا ہے۔ واعظ باب 7 آیت 20 وچ بیان کیتا گیا ہے۔ "دھرتی تے کوئی وی ایڈا ساؤ بندہ نہیں ہے جیہڑا اُکا چنگے کارے ہی کردا ہے اتے کدے پاپ نہیں کردا۔" یوحنا باب 1 آیت 8 آکھدی ہے۔ "جے اسیں پاپاں توں پاک ہون دا دعویٰ کردے ہاں، اسیں اپنے آپ نال چھل کردے ہاں اتے ساڈے وچ سچائی نہیں۔" ہر پاپ اخیریں رب دے خلاف نابری ہے (زبور 51 آیت 4)۔ نتیجے وچ، سانوں رب دے حضوروں معافی دی بڑی لوڑ ہے۔ جے ساڈے پاپ نہیں بخشے جاندے تے اسیں اپنے پاپاں دے بدلے سدا چلدی رہن والی سزا پاواں گے (متی باب 25 آیت 46؛ یوحنا باب 3 آیت 36)۔

معافی – میں معافی کیویں پا سکدا ہاں؟

بھاگ چنگے ہین، رب پیار کرن والا اتے مہراں والا ہے – سانوں ساڈے پاپاں تے معاف کرن وچ کاہلا ہے! 2 پطرس باب 3 آیت 9 سانوں دسدی ہے۔ "۔۔۔ اوہ تہاڈے تے مہراں کردا ہے، کسے نوں برباد نہیں کرنا چاہوندا، سگوں چاہوندا ہے کہ ہر کوئی توبہ کر لوے۔" رب سانوں معاف کرنا چاہوندا ہے، ایس لئی اوہنے ساڈی معافی دا پربندھ کیتا ہے۔

ساڈے پاپاں دی سزا صرف موت ہے۔ رومیوں باب 6 آیت 23 دا پہلاں ادھ بیان کردا ہے، "گناہ دا بدلہ موت ہے۔۔۔" ساڈے پاپاں دی کمائی سدا دی موت ہے۔ رب، اپنے کامل منصوبے نال، اک انسان بنیا – یسوع مسیح (یوحنا باب 1 آیت 1 اتے 14)۔ یسوع نے سُولی تے جان دتی اوس سزا نوں سہندیاں جیہدے سزاوار اسیں سی – موت دی سزا- 2 کرنتھیون باب 5 آیت 21 سانوں سکھاؤندی ہے، "رب نے مسیح نوں جیہڑا پاپ توں واقف نہیں سی، ساڈے لئی پاپ ٹھہرایا تاں جے اسیں مسیح وچ رب دی راست بازی ہو جائیے۔" یسوع سولی تے مویا، اوہ سزا سہندیاں جیہدے اسیں سزاوار سی! ایس طرحاں خداوند، یسوع دی موت نےسارے جہان دے پاپاں نوں بخشوا دتا۔ 1 یوحنا باب 2 آیت 2 اعلان کردی ہے، "اوہ ساڈے پاپاں دا کفارہ ہے، اتے اکلا ساڈے پاپاں دا ہی نہیں سگوں سارے جہان دے پاپاں دا۔" یسوع مردیاں وچوں جی اُٹھیا، پاپ اتے موت اُتے اپنی جِت دا اعلان کردیاں (1 کرنتھیون باب 15 آیت 1 توں 28)۔ مہر اے اوس رب دی، یسوع مسیح دے مرن اتے مرن مگروں جی اُٹھن راہیں، رومیوں باب 6 آیت 23 دا دُوجا حصہ سچا ہے، "۔۔۔ پر رب دی بخشش ساڈے خداوند يسوع مسيح وچ ہميش دی حياتی ہے۔"

کیہ تسیں اپنے پاپ بخشواؤنا چاہوندے ہو؟ کیہ تہانوں ہر ویلے ایس نموشی دا احساس ہوندا رہندا ہے بئی تہاڈی جان نہیں چھٹے گی؟ تہاڈے پاپاں دی بخشش دا سامان ہے جے تسیں یسوع مسیح تے اپنے مُکتی داتا ہون دا ایمان رکھو۔ افسیوں باب 1 آیت 7 کہندی ہے، "سانوں اوہدے فضل راہیں مسیح دے لہو دے وسیلے نال پاپاں دی معافی ملدی ہے۔" مسیح نے ساڈا قرضہ لاہ دتا، اس لئی اسیں بخشے جا سکدے ہاں۔ تہانوں رب کولوں بس ایہو منگنا چاہیدا ہے بئی اوہ تہانوں مسیح دے وسیلے نال معافی دے دیوے، ایہہ ایمان رکھدیاں بئی مسیح تہاڈی بخشش دا مُل تارن لئی مویا – اتے رب تہانوں معاف کر دیوے گا! یوحنا باب 3 آیت 16 اتے 17 وچ ایہہ خوشخبری ہے۔ "کیوں جے رب نے جہان نال اینی محبت کیتی بئی اپنا اکو اک پُتر بخش دتا جاں جے جیہڑا وی اوہدے تے ایمان لیاوے اوہ ماریا نہ جاوے سگوں سدا دی حیاتی پاوے۔ کیوں جے رب نے پُتر نوں جہان وچ ایس لئی نہیں گھلیا سی بئی اوہ جہان نوں سزا دا حکم سناوے سگوں ایس لئی گھلیا بئی اوہ جہاں نوں اوہدے وسیلے نال نجات بخشے۔"

معافی – کیہ ایہہ سچیں مچیں اینی سوکھی ملدی ہے؟

ہاں ایہہ اینا ہی سوکھا ہے! تسیں رب کولوں معافی لے نہیں سکدے۔ تسیں رب کولوں معافی لین دا دین نہیں دے سکدے۔ ایہہ تہانوں اُکا دان کیتی جاندی ہے، ایمان نال، رب دے کرم اتے اوہدی مہر نال۔ جے تسیں یسوع مسیح نوں اپنے مُکتی داتا دے طور تے قبول کرنا اتے رب کولوں بخشش دی دات لینا چاہوندے ہو، ایہہ اوہ دعا ہے جیہڑی تسیں منگ سکدے ہو۔ ایہہ دعا یاں کوئی ہور دعا پڑھنا تہانوں بچا نہیں سکدا۔ اُکا یسوع مسیح تے ایمان رکھنا پاپاں دی معافی دوا سکدا ہے۔ ایہہ دعا رب تے اپنے ایمان رکھن اتے تہانوں بخش دین لئی اوہدے شکرانے دا اک سدھا جیہا طریقہ ہے۔ "ربا، میں جان دا ہاں کہ میں تیرے خلاف پاپ کیتے ہین اتے میں سزا دا حقدار ہاں۔ پر یسوع مسیح نے اوہ سزا اپنے اُتے سہہ لئی جیہدا میں حقدار سی تاں جے اوہدے اُتے ایمان رکھن نال مینوں بخشش مل سکے۔ میں بخشش لئی تیرے تے ایمان لیاندا۔ تیری ودھیا مہر اتے بخشش لئی تیرا شکر ہے! آمین!"

جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔

English



پنجابی دے مڈھلے صفحے تے جاؤ

کیہ معافی مل سکدی ہے؟ میں رب دے حضوروں کیویں معافی پاواں؟
Facebook icon Twitter icon Pinterest icon Email icon
© Copyright Got Questions Ministries