settings icon
share icon
سوال

میں کیویں خداوند دے نال چنگا رہ سکناں؟

جواب


خداوند دے نال "چنگا" رہن لئی سانوں ساریاں توں پہلاں کیہ کرنا چاہیدا اے کہ "برائی" دی پچھان کریئے۔ جواب اے پاپ۔ "کوئی وی نیکوکار نہیں، اک وی نہیں" (زبور 14 باب 3 آیت)۔ "اسیں خداوند دے حکماں دے نابر ہو گئے؛ اسیں سارے بھیڈاں وانگوں گواچ گئے" (یسعیاہ 53 باب 6 آیت)۔

بھیڑی خبرا اے کہ پاپ دی سزا موت اے۔ "جہیڑی جان پاپ کردی اے اوہو ای مرے گی" (حزقی ایل 8 باب 4 آیت)۔ چنگی خبر اے کہ رب محبت دے نال بھریا اے تے سانوں مکتی دین لئی لبھدا اے۔ یسوع اعلان کردا اے کہ اوہدا ٹیچا سی "گواچیاں ہوئیاں نوں لبھنا تے مکتی دینا" (لوقا 19 باب 10 آیت)، تے اوہنے اپنا ٹیچا اعلانیہ طور تے پورا کیتا جدوں اوہنے ایہہ حرف کہہ کے صیلب تے اپنی جان دتی "پورا ہویا" (یوحنا 19 باب 30 آیت)۔

رب دے نال چنگا ساک بناؤن لئی اپنے پاپاں دا اقرار کرن دی لوڑاے۔ فیر میں خاکساری دے نال رب دے کول اپنے پاپ دا اقرار کر سکناں (یسعیاہ 57 باب 15 آیت) تے پاپ نوں چھڈن دا ارادہ کرنا۔ "مکتی لئی اقرار منہ نال کیتا جاندا اے" (رومیوں 10 باب 10 آیت)۔

ایہہ توبہ پورے طور تے ایمان نال ہونی چاہیدی اے۔ اچیچا، ایہہ ایمان رکھیئے کہ یسوع مسیح دی قربانی تے معجزانہ طور تے اوہدا جی اُٹھنا ای اوہنوں ساڈا مکتی داتا بناؤندا اے۔ "کہ جے توں اپنی زبان توں یسوع دے خداوند ہون دا اقرار کریں تے اپنے دل توں ایمان لیائیں کہ رب نے اوہنوں مُردیاں وچوں جیوندا کیتا تے توں مکتی پاویں گا" (رومیوں 10 باب 9 آیت)۔ بہت سارے دوجے طریقے وی نیں جیہناں دے نال اسیں ایمان بارے گل کر سکنے آں، جویں یوحنا 20 باب 27؛ اعمال 16 باب 31 آیت؛ گلتیوں 2 باب 3، 11، 26 اتے افسیوں 2 باب 8 آیت۔

رب دے نال چنگا رہن دا مطلب تہاڈا اک اجہیا کم اے کہ رب نے تہاڈے لئی کیہ کجھ کیتا اے۔ اوہنے مکتی داتا نوں گھلیا، اوہنے قربانی دتی تانجو تہاڈے پاپ مُکا دتے جان (یوحنا 1 باب 29 آیت)، تے اوہ تہاڈے نال اک وعدہ کردا اے: "تے ایویں ہوئے گا کہ جیہڑا وی رب دا ناں لوے گا مکتی پائے گا" (اعمال 2 باب 12 آیت)۔

توبہ تے معافی دی اک سوہنی تشریح مسرف دے پُتر دی تمثیل اے (لوقا 15 باب 11 توں 32 آیت۔ چھوٹے پتر نے اپنا مال برے کماں وچ خراب کر دتا (آیت 13)۔ جدوں اوہنے اپنی غلطی نوں منیا، اوہنے ایہہ فیصلہ کیتا کہ اوہ اپنے گھر واپس چلا جاوے گا (آیت 18)۔ اوہنے ایہہ سوچیا کہ میں ہن ایس لائق تے نہیں کہ تیرا پتر اکھواواں (آیت 19)، پر اوہ غلط سی۔ پیو واپس آؤن والے وگڑے ہوئے پتر نوں ہمیشہ دی طرحاں بہت محبت کردا سی (آیت 20)۔ سارے پاپ معاف کردتے، تے خوشی مناؤن دا حکم کیتا (آیت 24)۔

رب بھلا اے تے اپنے وعدیاں وچ سچا اے، معافی وی اوہناں وعدیاں وچوں اک وعدہ اے۔ "خداوند ٹٹے دلاں دے نیڑے اے تے ماڑیاں جاناں نوں بچاؤندا اے" (زبور 34 آیت 18)۔ جے تسیں خدا دے نال چنگے رہنا چاہوندے او، ایتھے اک دعا دا نمونہ اے۔ چیتے رکھو، ایس دعا نوں پڑھن یاں کسے ہور دعا نوں پڑھن نال تہانوں مکتی نہیں مل سکدی ۔ اُکا مسیح تے ایمان لیاؤ اوہ تہانوں تہاڈے پاپاں توں مکتی دے سکدا اے۔ ایہہ دعا سادہ جہیا اک رستہ اے رب دے نال تہاڈے ایمان دے اظہار دا تے اوہدا شکر کرو کہ اوہنے تہانوں مکتی دتی اے۔ "ربا! میں جاننا کہ میں تیرے خلاف پاپ کیتا اے تے میں سزا دا حقدار آں۔ پر جیہڑی سزا دا میں حقدار سی یسوع مسیح نے اوہ سزا اپنے اُتے لے لئی بس اوہدے تے ایمان نال میں معافی پا لئی اے۔ میں اپنے پاپاں توں دور رہواں گا تے اپنا ایمان تیرے تے رکھناں اپنی مکتی لئی۔ میں شکر کرنا تیرے اجہے فضل تے بخشش دا۔ جہیڑا ہمیش دی حیاتی دا تحفہ اے آمین"۔

جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔

English



پنجابی دے مڈھلے صفحے تے جاؤ

میں کیویں خداوند دے نال چنگا رہ سکناں؟
Facebook icon Twitter icon Pinterest icon Email icon
© Copyright Got Questions Ministries