प्रश्न
ईसु मसी कुण हे?
जवाब
कई परमेसर की मोजदुगी हे? अणी पसरण के उल्टो घणा कम मनकाँ यो परसण किदो के, कई ईसु मसी की मोजुदगी हे यो वेवारिक रुप में मान्यो जावे हे के , ईसु हाँची में एक मनक हो ज्यो लगेभगे2000 वरा पेल्याँ इस्राएल की धरती पे चाल्यो अन फरियो हो। वाद-विवाद तो तद्याँ सुरु वेवे हे, जद्याँ ईसु की पुरी पेंचाण का बारा में बच्यार वेवे हे। लगेभगे हरेक खास धरम या हिक देवे हे के, ईसु मसी एक पेगम्बर हा, कन एक हाँचा हिक देबावाळा, कन एक धारमिक मनक हा। परेसानी या हे के, बाइबल आपाँने बतावे हे के, ईसु अंनतटेमऊँ एक परमेसर का आड़ीऊँ बोलबावाळा, एक हाँचा हिक देबावाळा, कन एक धारमिक मनकऊँ बड़न हा।
सी एस लुइस आपणी किताब मियर क्रिचियनटी(खालि मसियह) में यो लिके हे,मूँ अटे किंने भी वींकी वेण्डापणा की बात ने रोकबा की कोसिस कर रियो हु, जिंने मनक ज्यादातर वींका (ईस मसी) का बारा में केवे हे। मूँ ईसु मसी ने एक मोटा नीती कि हिक देबावाळा का रुप में मानबा का वाते त्यार हूँ, पण मुँ वींके परमेसर वेबा का दावा में हामी ने करुँ हूँ। या एक अस्यी बात हे ज्या आपाँने ने करणी छावे। एक मनक ज्यो खाली मनक हो अन अणी तरियाँ की बाताँ किदी ही जस्यी ईसु किदी अस्यो एक मोटो नीती की हिक देबावाळो ने वे सके हे। वो या तो एक वेण्डो मनक वेगा, वींके जस्यो जस्यान कुई मनक केवे के, वो एक हड़्यो तको अण्डो हे, कन पच्छे वो नरक को सेतान वे सके हे। थाँने थाँको चुनाव करणो छावे। या तो वो मनक, ज्यो परमेसर को बेटो हो वो कुई ओर हो, कन पच्छे कुई वेण्डो कन अणीऊँ भी हेलो बुरो मनक। थाँ वेण्डापणा का वाते वींने छानो करा सको हो, वींपे थुक सको हो अन एक हुगळी आत्मा का रुप में वींने मार सको हो; कन थाँ वींका चरणा में पड़न वींने परबु अन परमेसर के सको हो। पण आपाँ ने कदी भी करपाऊँ भरया तका वेण्डापणाऊँ यो ते ने करणो छावे के, वो एक मोटो हिक देवाबाळो हो। वणा या बात आपणा वाते खुली छोड़ राकी हे। वींकी अस्यी कुई मनसा ने ही।
ईं वाते, ईसु ने आपणा वाते कुण वेबा का दावो किदो? बाइबल कई केवे हे के, वो कुण हो? हाराऊ पेल्याँ , यहुन्ना 10:30 मूँ ईसु का सबदा का आड़ी देकूँ हूँ, मूँ अन बापू एक हा। पेली देकणी में, यो परमेसर वेबा को दावा का रुप में ने दिके हे। पण पच्छे भी, वींकी बात पे यहुदया कई किदो देको, यहूदया वींने जवाब दिदो, के भला काम का वाते माँ थाँरे भाटा की ने ठोका पण परमेसर की नन्दया करबा का कारण ; अन ईं वाते के थूँ मनक वेन आपणा खुद ने परमेसर बतावे हे। यहुन्ना 10:30 यहुदयाँ ईसु की अणी बात ने परमेसर वेबा को दावो हमजग्या हा। आगे आबावाळा बचना में ईसु यहुदयाँ ने हुदारबा का वाते कदी भी यो ने क्यो के, में परमेसर वेबा की बात ने किदी। या बात ईसारो करे हे के, ईसु घोसणा करता तका क्यो के, मूँ अन बापू एक हा (यहुन्ना 10:30)हाँची मे क्यो रियो हो के, वो परमेसर हे।
यहुन्ना 8:58 एक ओरी उदारण हे। ईसु क्यो, मूँ थाँकाऊँ हाँची हाँची कूँ हूँ के, अणीऊँ पेल्याँ अब्राहम पेदा व्यो, मूँ हो। एक दाण फेर, जवाब में, यहुदयँ भाटा उटाया अन ईसु ने मारबा की कोसीस किदी (यहुन्ना 8:59)। ईसु आपणी पेंचाण की घोसणा, मूँ हुँ केन दिदी, वाँ पुराणा नेम में परमेसर का नाम पे हुदी तोरऊँ लागू वेवे हे।(निगर्मन 3:14) यहुदी पाच्छा ईसु के भाटा की काँ ठोकणी छारिया हा, यद्याँ वणा कई अस्यो ने क्यो हो जणीऊँ वीं परमेसर की नन्दया करणी हमजरिया हा, मतलब, परमेसर वेबा की बात?
यहुन्ना 1:1 केवे हे के, बचन परमेसर हा। यहुन्ना 1:14 केवे हे बचन देह रुप धारण किदो। यो खुलातोर हामी करे हे के, ईसुईस देह रुप में परमेसर हे। चेला थोमा ईसु का बारा में केवे हे के,हो मारा परबु, हो मारा परमेसर (यहुन्ना 20:28)।
ईसु वींने ने हुदारियो थरप्याँ तका चेलो पोलुस वींको अणी रुप में बखाण करे हे के, आपणा मोटा परमेसर अन मुगतीदाता ईसु मसी। (तीतुस 2:13) थरप्यो तको चेलो पतरस भी अस्यानीस केवे हे के, आपणा परमेसर अन मुगतीदाता ईसु मसी। (पतरस 1:1)बापू परमेसर भी ईसु का पाका पेंचाण का गवा हे, पण बेटाऊँ केवे हे के,हे परमेसर, थाँकी राजगाद्दी जुग-जुग रेवे, थाँका राज को दण्ड न्याव को राजदण्ड हे। पुराणा नेम में मसी का वाते किदी तकी आगेवाण्याँ वींके इसवरत्तव की घोसणा करे हे, "काँके आपणा वाते एक बेटो दिदो ग्यो; अन परबुता वींका खान्दा पे वेई, अन वींको नाम अचम्बा वाळा काम करबा वाळी पराक्रमी परमेसर, अंनतकाल का बापू, अन सान्ती को राजकुमार राक्यो जाई।(यसाया 9:6)।
ईं वातेईस, जस्यान के सी एस लुईन ने दलील दिदी हे, के ईसु ने एक हाँचा हिकाबावाळा का रुप में मानबा को कुई मोको ने हे। ईसु खुलातोरऊँ अन परमेसर वेबा का नटारो ने किदा जाबा वाळी बाता किदी हे। यद्याँ वीं परमेसर ने हे, तो पच्छे वीं जुटा हे, अन ईं वाते एक पेगम्बर; हाँचो हिकाबावाळो, कन धारमिक मनक ने हे। ईसु का सबदा को बखाण करबा की कोसीस करता तका, आदुनिक टेम का विदवान यो दावो करे हे के, वास्तविक ऐतिहासिक ईसु वणा घणी बाताँ ने क्यो ज्याने बाइबल में वणा क्यो हे। परमेसर का बचन का हाते बेस करबावाळा आपी कुण वेवा हा के, ईसु कई क्यो अन कई ने क्यो।? कस्यान कुई एक विदवान जीं ईसु दो हजार साल पेल्याँ आयाँ वाँमे अस्या खास बाता वाँके वजे ज्यो वाँके हाते रिया,जणा वाँकी सेबा किदी अन खूद ईसुऊँ हिक लिदी कस्यान वे सके हे के, ईसु कई क्यो कन कई ने क्यो। (यूहन्ना 14:26)?
ईसु की हाँची पेंचान पे परसण अतरा खास काँ हे? अणी बात को कई मायनो हे के, ईसु परमेसर हे कन ने हे? ईंको हाराऊँ खास कारण यो हे के, ईसु को ईं वाते परमेसर वेणो हो वो यो हे के, यद्याँ ईसु परमेसर ने वेता, तो वाँकी मोत आकी दनियाँ का पापाँ का जुरमाना को मोल चुकाबा का वाते खुब ने वेती। (1यहुन्ना 2:2)। खाली परमेसरईस अस्या बना सीमा का जुरमाना ने भर सके हे।(रोमियों 5:8; 2कुरिन्थियों 5:21)। ईसु को परमेसर वेणो हो, ताँके वो आपणा कर्ज चुका सके। ईसु को मनक वेणो हो ताँके वो मर सके। मुगती बेस ईसु मसी में विस्वास करबाऊँईस मले हे। ईसु को इस्वरत्तव ईस हे, काँके वोईस मुगती को एकलो गेलो हे। ईसु को इस्वरत्तवईस हे जणी वाते वणी या घोसणा किदी के, गेलो अन हाँच अन जीवन मूँईस हूँ। बना मारा कुई भी बापू का नके ने पोंच सके हे। (यहुन्ना 14:6)
English
ईसु मसी कुण हे?