प्रश्न
एक मसीही कुण हे?
जवाब
एक सबदकोस में एक मसीही का बारा में बखाण अस्यान वेई के, एक मनक ज्यो ईसु पे मसी का रुप में कन ईसु कि हिक का जस्यान धरम में विस्वास करन माने हे। जद्याँ के नरी सबदकोसा का बखाण का जस्यान यो हमजबा का वाते, एक हव सुरावात की बात हे, पण मसीही कुण वेवे हे, का अरत का वाते बाइबल का हाँचऊँ बताबावाळी बाताँऊँ हाँचाऊँ घणो पाच्छे रे जावे हे। नुवा नेमा में, मसीही सबद तीन दाण आयो हे (प्रेरितों के काम 11:26; प्रेरितों के काम 26:28; 1पतरस 4:16)। ईसु मसी ने मानबावाळा हाराऊँ पेल्याँ अन्ताकिया में मसीही केवाया (प्रेरितों के काम 11:26) काँके वाँको आचरण, काम, अन भासा मसी का जस्यान ही। मसीही सबद को साब्दिक अरत, मसी मसु का सदस्य कन मसी ने मानबावाळो वेवे हे।
बना भागऊँ टेम वितता वितता, मसीही सबद काफि हद तईं आपणी खासयत खो दिदी हे अन ईंने वणी मनक का वाते बोल्यो जावे हे, ज्यो धारमिक हो कन जिंका नके उच कोटी को गुण वेवे, पण वो ईसु मसी को हाँचो मानबावाळो वे भी सके हे अन ने भी वे सके हे। नरई मनक जीं ईस मसी पे विस्वास कन भरोसो ने करे हे अन खुद ने खाली ईं वाते मसीही माने हे, काँके वीं गिरजा में जावे हे कन पच्छे भी एक “ईसाई” देस में रेवे हे। पण गिरजा जावाऊँ, आपणाऊँ कम भाग्यवाळा मनकाँ की सेबा करबाऊँ, कन एक हाँचा मनक बणणो थाँने मसीही ने बणा देवे हे। जस्यान के हव-हमच्यार के परच्यार करबावाळे क्यो हो के, गिरजा में जाणो किंने मसी ने बणावे जस्यान एक त्यार किदी जाबा वाळी दुकान में जान एक मनक खुद चालबा वाळी गाड़ी बण जावे हे। एक मण्डळी को सदस्य वेणो, हारी सबा में जाणो अन मण्डळी का कामाँ का वाते दान देणो थाँने मसी ने बणावे हे।
बाइबल आपाँने हिक देवे हे के, हाराई भला काम आपाँ ने परमेसर का हामें गरण जोगा ने बणा सके हे। तीतुस 3:5 आपाँने बतावे हे के, वणा आपणी मुगती किदी, अन यो धरम का कामाँ का मस ने, जीं आपीं किदा, पण आपणी दया का जस्यान नुवा जनम का हापड़बाऊँ अन पुवितर आत्मा का आपाँने नुवा बनावाऊँ व्यो हे। ईं वाते, एक मसी वोईस हे ज्यो परमेसरऊँ नुवो जनम पायो हे(यहुन्ना 3:3; यहुन्ना 3:7; 1पतरस 3:23) अन जणी आपणो विस्वास अन भरोसो ईसु मसी पे राक्यो हे। इफिसियों 2:8 आपाँने बतावे हे के, ...विस्वासऊँ अन अनुगरे ऊँईस थाँकी मुगती वीं हे अन यो थाँकी आड़ीऊँ ने हे, पण परमेसर को दान हे।
एक हाँचो मसीही मनक वो हे जिंको विस्वास अन भरोसो खाली ईसु ममी का मनकपणा अन काम मेंईस, जिंमे हूळी का उपरे वींकी मोत में आपणा पापाँ को मोल चुका देणो अन विंको तीजे दन पाच्छो जी उटणा में, राक्यो वे। यहुन्ना 1:12 आपाँने बतावे हे, पण जतरा वींने गरण किदो, वाँने वणी परमेसर की ओलाद वेबा को हक दिदो, मतलब वाँने जीं वींका नाम में विस्वास राके हे। एक हाँचो मसीही हाँची में परमेसर की ओलाद हे, परमेसर का हाँचा परवार का सदस्य, अन वो जिंने ईसु मसी में नुवो जीवन दिदो ग्यो हे।
जो कई थाँ अटे भण्यो हे, कई वींके मस थाँ मसी का पाच्छे चाबा का वाते ते कर लिदो हे? यद्याँ अस्यान हे तो रेटे दिदो तको “आज में ईसु ने मान लिदा हे”, वाळो बटन दबावो।
English
एक मसीही कुण हे?