मुगती की ओजणा/ मुगती को गेलो कई हे?



प्रश्न: मुगती की ओजणा/ मुगती को गेलो कई हे?

जवाब:
कई थाँ भूका हो? देह का रुपऊँ भूका ने, पण कई थाँका जीवन में कस्यी दुजी चिज की भूक हे? कई थाँका मन की गेराइ में अस्यी कुई चिज हे, ज्या कदी भी पुरी वेती तकी ने जणावे हे ? यद्याँ अस्यान हे तो, ईसुईस एक गेलो हे! ईसु क्यो, जीवन की रोटी मुँ हूँ, ज्यो मारा नके आवे हे, वो कदी भूको ने वेई, अन ज्यो मारा पे विस्वास करे हे, वो कदी तरियो ने वेई। ((यूहन्ना 6:35)।

कई थाँ दो बाताँ में फस्या तका हो? कई थाँने थाँका जीवन का वाते कुई गेलो कन मकसद की खरब ने पड़ी? कई अस्यान लागरियो हे के, जस्यान कणी दिवो बजा दिदो अन थाँने ईंने पाच्छो लगाबा का वाते कस्योई गेलो ने लादरियो हे? यद्याँ अस्यान हे तो, ईसुईस एक गेलो हे! ईसु घोसणा किदी हे के, जगत की ज्योत मूँ हूँ; ज्यो मारा पाछे चाली, वो अंदारा में ने चाली, पण जीवन की ज्योत पाई।((यूहन्ना 8:12)।

कई थाँने कदी अस्यान लागो के, थाँके जीवन को कमाड़ बन्द वेग्यो हे? कई थाँ नरई कमाड़ा ने खाली यो जाणबा का वाते बजाया हे, के वाँका पाच्छे बेस खालीपन कन बना अरत का हे? कई थाँ भरपुरी का एक जीवन में जाबा का वाते में जाबा का बारणा ने होदरिया हो? यद्याँ अस्यान हे तो, ईसुईस एक गेलो हे! ईसु घोसणा किदी हे के, बारणा मूँ हुँ; यद्याँ कुई माराऊँ में जाई, तो मुगती पाई, अन में अन बारणे आया जाया करी अन धपायो जाई। (यूहन्ना 10:9)।

कई दुजा मनक थाँने हमेस्या नीचा दिकावे हे? कई थाँका सम्बन्द सतही अन थोथले हे? कई थाँने अस्यान लागरियो हे के, हरेक मनक थाँकाऊँ नफो लेबा की कोसीस कररियो हे? यद्याँ अस्यान हे तो, ईसुईस एक गेलो हे! ईसु क्यो हो के, हासो गवाळ्यो मूँ हुँ; हाँचो गवाळ्यो आपणा गारा का वाते आपणो जीवन दी देवे हे; मूँ आपणा गारा ने जाणू हूँ अन मारा गारा मने जाणे हे। (यूहन्ना 10:11, 14)।

कई थाँने अचम्बो वेरियो हे के, अणी जीवन का केड़े कई वेवे हे? कई थाँ आपणा जीवन की वणा चिजाँ ने काम लेता तका थाकी ग्या हो जीं बेस हड़े कन ज्याँके जग लाग जावे हे? कई थाँने नरी दाण यो भेंम वेवे हे के, जीवन को कई मतलब हे कन ने हे? कई थाँ आपणी मोत का केड़े जीवणो छावो हो? यद्याँ अस्यान हे तो, ईसुईस एक गेलो हे! ईसु घोसणा किदी हे के, मरिया तका मेऊँ पाच्छो जीवणो अन जीवन मुईस हूँ ; ज्यो कुई मारा पे विस्वास करे हे वो यद्याँ मर भी जाई तद्याँ भी जीवी। अन ज्यो जीवतो हे अन मारा पे विस्वास करे हे , तो वो अंनत काल तईं ने मरी। (�यहुन्ना 11:25-26)।

गेलो कई हे? हाँच कई हे? जीवन कई हे? ईसु जवाब दिदो, गेलो, हाँच अन जीवन मुईंस हुँ; मारा बना कुई भी बापू का नके ने जा सके हे। (यूहन्ना 14:6)।

जणी भूक ने थाँ मेसुस कररिया हो वा आत्मिक भुक हे, अन वा बेस ईसु मेंईस पुरी किदी जा सके हे। खाली ईसुईस हे जीं अंदारा ने खतम कर सके हे। ईसु एक धाप्या तका जीवन को गेलो हे। ईस एक हण्डाळ्यो अन गवाळ्यो हे, जिंने थाँ होदरिया हो। ईसु अणी अन आबावाळा दुनियाँ का वाते जीवन हे। ईसुईस मुगती को गेलो हे|

वो कारण जणीऊँ थाँ भुक ने मेसुस करो हो, वो कारण जणीऊँ थाँने अंदारा में गमई ग्या हो अस्यान लागे हे, वो कारण जणीऊँ थाँ थाँका जीवन को कई मलतब ने ला पावो हो, अणा हाराई को कारण योईस हे के, थाँ परमेसरऊँ अलग हो (सभोपदेसक 7:20; रोमियों 3:23)। जणी खालीपन ने थाँ थाँका हरदा में मेसुस करो हो वो थाँका जीवन में परमेसर को ने वेणो हे। आपणी रचना परमेसर का हाते सम्बन्द बणायो तको राकबा का वाते किदी गी हे। पण आपणे आपना पापाँ का मस, आपीं वणाऊँ वीं सम्बन्दऊँ अलग वेग्या हा। अणीऊँ भी बुरो यो हे के, आपणो पापा आपाँने अणी अन आगला जीवन में, भी पुरा अंनतकाल का वाते परमेसरऊँ अलग वेबा का मस बणी। (रोमियों 6:23; यहुन्ना 3:36)।

अणी परेसानी को हुदार कई वे सके हे? ईसुईस एक गेलो हे! ईसु आपणाँ पापाँ ने आपणा उपरे ले लिदा (2कुरिन्थियों 5:21)। ईसु आपणी जगाँ पे(रोमियों 5:8), वीं दण्ड ने लेता तका मर ग्या, जिंके जोगा आपाँ हा। तीन दनाँ के केडे़, ईसु मरिया तका मेंऊँ, पाप अन मोत का उपरे जीत को परमाण लेन जीवता वेग्या।(रोमियों 6:4-5) वणा अस्यान काँ किदो? ईसु खुद अणी परनस को जवाब दिदो हे। अणीऊँ मोटो परेम किंकोई ने हे के, कुई आपणा हण्डाळ्या का वाते आपणो जीव देवे। (यहुन्ना 15:13)! ईसू ईंवाते मरिया ताँके आपीं जी सकाँ। यद्याँ आपाँ ईसु में आपणो विस्वास, वींकी मोत ने आपणा पापाँ का वाते चुकायो तको मोल मान करा हा, तो आपणा हाराई पाप माप किदा अन धो दिदा जावे हे। तद्याँ आपाँ आपणी आत्मिक भूक की जरुरत ने पुरी कर सकाँ। पाच्छा दिवा लग जाई। आपणी पोंछ एक भरपुरी का जीवन तईं वे जाई। आपीं आपणाँ हाँचा हव हण्डाळ्या अन हाँचा गवाळ्या ने जाणा। आपीं यो जाण जावाँ के, मरबा का केड़े भी आपणा नके जीवन वेई, ईसु का हाते अंनतकाल का वाते हरग में एक जीवतो व्यो तको जीवन।

काँके परमेसर जगतऊँ अस्यो परेम किदो क वणा आपणा एकाएक बेटा ने दे दिदो, ताँके ज्यो कुई वींपे विस्वास करे, वी नास ने वेवेपण अंनत जीवन पावे। (यहुन्ना 3:16)।

जो कई थाँ अटे भण्यो हे, कई वींके मस थाँ मसी का पाच्छे चाबा का वाते ते कर लिदो हे? यद्याँ अस्यान हे तो रेटे दिदो तको “आज में ईसु ने मान लिदा हे”, वाळो बटन दबावो।



मेवारी का खास पाट पे पाच्छा जावो



मुगती की ओजणा/ मुगती को गेलो कई हे?