ईसु परमेसर हे? कई ईसु परमेसर वेबा का वाते क्यो?



प्रश्न: ईसु परमेसर हे? कई ईसु परमेसर वेबा का वाते क्यो?

जवाब:
बाइबल आपाँने कटे भी अस्यान ने बतावे हे के, ईसु अणा सबदा ने क्यो वे के, मूँ परमेसर हूँ। पण पच्छे भी, ईंको यो अरत ने हे के, वणी कदी भी या घोसणा ने किदी वे के, वो परमेसर ने हे। उदारण का वाते यहुन्ना 10:30 में ईसु का अणा सबदा ने लो, मूँ अन बापु एक हा। आपाँने ईसु का क्या तका अणी कतन में यो देकबा का वाते छावे के, वो परमेसर वेबा का वाते के कररियो अणी मसईस वीं वींके भाटा की ठोकणी छाया। थुँ मनक वेन आपणा खुद ने परमेसर बतावे हे।�(यहुन्ना 10:33) यहुदी मनक हव तरियाँऊँ ईसु क्यो हो वींको अरत हमजग्या हा मलतब वींके परमेसर वेबा का केवा का बारा ने। ध्यान दो के, ईसु आपणा खुद ने परमेसर वेबा को दावो खारिज ने करे हे। जद्याँ ईसू या घोसणा करे हे के, मूँ अन बापु एकीस हाँ (यहुन्ना 10:30),तो वो यो के रियो हो के, वो अन बापु वेवार अन त्तव में एकीस हे।� यहुन्ना 8:58 क दुजो ओरी उदहारण, ईसु घोसणा किदी के, मूँ थाँने हाँची हाँची केवू हूँ, के, अब्रहाम के जनमबाऊँ पेल्याँ ,मूँ हूँ। जणा यहुदिया अणी बात ने हुणी वाँको जवाब भाटा तोकन इसवर की नन्द्याँ का मस वींपे भाटा की ठोकबा की ही।, वणी जस्यानीस जस्यान मुसा की वेवस्ता ने वाँने हुकम दिदो हो। (लैव्यव्यवस्ता 24:15)।

यहुन्नो ईसु का इस्वरत्व की धारणा ने दोरावे हे के, बचन परमेरस हो�अन बचन देहरुप लिदो। (यहुन्ना 1:1, 1:14) यें बचन सापतोरऊँ ईसारो करे हे के, ईसुईस देह रुप में परमेसर हे। प्रेरितों के काम 20:28 आपाँने बतावे हे के, थाँ परमेसर की मण्डळ्या की रुकाळी करो, ज्याँने वणी आपणा लुईऊँ मोल लिदी हे। जणी मण्डळ्या मोल लिदी हे, परमेसर की मण्डळ्या ने, आपणा लुईऊँ मोल लिदी हे? मतलब ईसु मसी लिदी हे। प्रेरितों के काम 20:28 घोसणा करे हे के, परमेसर वाँकी मण्डळ्याँ ने आपणा खुद का लुईऊँ मोल ले लिदी हे। ईं वाते, ईसुईस परमेसर हे।

चेले थोमे ईसु का बारा में अस्यि घोसणा किदी हे के, हो मारा परबु, हो मारा परमेसर।(यहुन्ना 20:28) ईसु वींने ने हुदारियो। तीतुस 2:13 आपाँने आपणा परमेसर अन मुगतीदाता, ईसु मसी के पाच्छा आबा की वाट नाळबा का वाते हिम्मत देवे हे। इबारानियों 1:8 मूँ, बापू ईसु का वाते अस्यी घोसणा करुँ हे के, पण बेटा का बारा में केवे हे के, हो परमेसर, थाँकी राजगादी जुग-जुग रेवे, थाँका राज को राजदण्ड न्याव को राजदण्ड हे।बापू ईसु ने, हो परमेसर�केवे बखाण कर रियो हे, ईं मस ईसुईस हाँची में परमेसर हे।

परकासितवाक्य में, एक हरग-दुत अलग किदा तका चेला यहुन्ना ने खालि परमेसर नेईस दण्डवत करबा का वाते हुकम देवे। (परकासितवाक्य 19:10) पवितर सास्तर में नरी दाण ईसु आरादना पई हे।((मत्ती 2:11, 14:33, 28:9, 17;लूका 24:52;यहुन्ना 9:38)। । वणा मनकाँ ने कदी भी वींकी आरादना करबा का वाते ने नट्या। यद्याँ ईसु परमेसर ने वेता, तो वणी मनकाँऊँ के दिदो वेतो के, वीं वींकी आरादना ने करे , ठीक वस्यानीस जस्यान हरगदुत परकासितवाक्य में किदो। अटे ओरी भी नराई वचन अन पवितरसारस्तर की बाताँ हे ज्यो ईसु का ईस्वरत्तव की बाता बतावे हे।

हाराईऊँ खास कारण के, काँ ईसु को परमेसर वेणो हो, वो यो हे के, यद्याँ ईसु परमेसर ने वेता, तो वाँकी मोत हाराई दनिया का पापाँ का जुरमाना को मोल देबा का वाते पुरी ने वेती। 1यूहन्ना 2:2) | यद्याँ वीं परमेसर ने वेता तो ईसु खाली एक रच्या तका जीव वेता,वीं बना सीमा का परमेसर का हामें पाप का वाते मांग किदी तकी बना सीमा का जुरमानो ने नी दे सकता हा। खाली परमेसरईस अतरा मोटा बना सिमा का जुरमाना ने भर सके खाली परमेसर ईस अणी दनियाँ का पापाँ ने उटान ले जा सक हे(2कुरिन्थियों 5:21), मर सके,अन जी उटवाऊँ, मोत अन पाप का उपरे जीत को परमाण दे सके हे।



मेवारी का खास पाट पे पाच्छा जावो



ईसु परमेसर हे? कई ईसु परमेसर वेबा का वाते क्यो?