Ka’at chi:
¿Yantech Cuxtal mina’an u xuul?
Núuc t’aan:
le Quili’ich tsiibo’o ku yéesic jumpe’éel beej sasil ti le Cuxtaal mina’an u xuulo. Yaxile’, ka’abet ak kaj óoltik tso’ok ak keban ti jajalDyoos. Ti le Quili’ich tsiibo’o kak xookik ti Romailo’ob: “Tumen tuláacalo'ob dzo'oc u kebantalo'ob yéetel náach yanilo'ob ti' u nojbe'enil JajalDyoos”. Tak lakalo’on tso’ok ak beetic balo’ob ma uts tu ta’an JajalDyoosi, le jela’ ku beetic u tsa’abalto’on u malo’ob bo’olalil jaadz. Tumen tu lakal ac kebano’obo let, tu tso’ok, u keet ti juntuul JajalDyoos mina’an u xuul, chen jumpe’éel jaadz mina’an u xuul kabet. Bale Ti' Romailo'ob capitulo 6 yéetel versículo 23 kak xookik, “Tumen u bo'olil le kebano' quíimil, ba'ale' le siibal cu dzáic Kuo' cuxtal mina'an u xuul tu yo'olal Cristo Jesús c Yuumtzil”.
Ba’ale’, Jesucristoe’, le ma kebancha’ajo’ (1 ti Pedro 2:22). U Palil mina’an u xuul JajalDyoose’, tu beetubaj wíinik (Juaun 1:1,14) yéetel Kimi ti’al u bootic ak jaadz. Ti' Romailo'ob 5:8 kak xookik: “Ba'ale' Kue' cu ye'esic to'on tu jaajil u yaabiltmajo'on iquil quíimic Cristo t o'olal quex láili' kebano'on ca'ache'”. Jesucristoe kim ti katal che (Juan 19:31-42), tu bisaj le jaadz ka’abet u tsabalto’ono’ (2 corintios 5:21). Ox pe’éel kin manike ka Cuxlaj ichil le Quíimeno’obo’, tu ye’esaj u mu’uk yóokol le kenbano’ yéetel le Quíimilo (1 corintios 15:1-4). Yeetel ti 1 ti Pedroe’ capitulo 1, versículo 3, kak xookik: “máax tu yo'olal u nojoch ch'a'a óotzilile' dzo'oc u beetic c síijil tu ca'a téen tu yo'olal u ca'a púut cuxtal Jesucristo ichil le quimeno'obo'. Lela' cu dzáic to'on jun p'éel cuxtal yéetel alab óolal,”.
Yo’olal oksaj óol, ka’abet ak ke’exik bix ak tuukul yo’olal Cristo ti’al Toksajil: max, ba’ax tu betaj, yéetel ba’ax ten (Hechos 3:19). Wa kak tsa’íik ak oksaj óol ti leti’, oksaj óol ti uchik u quíimi ti cruz u boolalil yo’olal ak kebano’obo’, yaan ak sasal yéetel yaan ak ka’amik u nukben ta’anil le Cuxtal mina’an u xuul te kaanalo´. Ti Juan 3:16 kak xookik: “Tumen Kue' tu sen yaabiltaj le yóokolcaaba, ca tu dzaj u jun túulili' a Paal, u ti'al tuláacal le máax cu yocsic u yóol ti'e' ma' u sa'atal, ba'ale' ca yanac cuxtal mina'an u xuul ti'”. Ti' Romailo'ob 10:9 kak xookik: “Wa yéetel a chi' ca cáantic Jesús bey a Yuumtzile' yéetel ca wocsaj óoltic ta pucsi'ikal líiksa'ab ti' le quíimil tumen Kuo', bíin yanac teech tocsajil”. ¡Chen le oksaj óol ti le meyaaj chukaan tu betaj Cristo ti le Cruzo´ chen leti u bejil jaaj ti le cuxtal mina’an u xuulo! Ti' Efesioilo'ob 2:8-9 kak xookik: “Tumen tu yo'olal u siibal Kue' te'exe' dzo'oc a to'ocole'ex, tu yo'olal le oksaj óolalo'. Lela' ma' jun p'éel ba'al ta beetaje'ex te'exi', ba'ale' jun p'éel ba'al j dza'ab ti' te'ex tumen Ku. Ma' tu yo'olal wa ba'ax ca u beet máaqui', beyo' mix máac cu páajtal u ca'analtal u yich”.
Wa a ka’at a ka’am Jesucristo bey a toksaajile’, teche u beytal walik le payal chi’ jela’: “JajalDyoos, ten in wojel tso’ok in ke’ebantal ti tech yéetel kin najmatic le jaadzo’. Ba’ale’ Jesucristoe’ tu chaaj le jaadz tin wosalo, laten túuné yo’olal le oksaj óol ti letio, ten u beytal u sasal in síipilo. Kin keexic in tuukul yéetel kin nachtal tin ke’ebano yéetel kin tsa’ik in oksaj óol ti tech tial in toksajil. ¡Niboolal wosal a kichkelen sibal yeetel a sasajil- u sibalil le kuxtal minan u xuulo! Tu kaaba Jesus, ¡Amen!”. Kaajaktech chen a beet le Payal chia wa u jeen macalmak u jeele, ma chukaan ti’al ka tokakechi’. Chen a ku’ubik a tukul yéetel a oksaj óoltik Cristoe u beytal u jalkabkech ti le kebano yéetel u siiktech jumpe’éel Cuxtal mina’an u xuul ti le kanalo. Le Payal chi jela cheen jumpe’éel bix u beytal a walic ti JajalDyoos a oksaj óol ti leti yéetel a tsa’ik niboolal wosal uchik u tsa’iktech le toksajilo.
¿tsook a kamik jumpeel yeyajil ti Cristo yolal baax tsook a xokik waye? wa beyo, petskaat tuux ku yalik “Tsook in kamik Cristo bejlae” le baax ku talo.
English
¿Yantech Cuxtal mina’an u xuul?