Finaisen
Kao magåhet na Yu’os si Jesukristo? Kao dumiklåra si Jesukristo na Yu’os gui’?
Ineppe
Guaha taotao siha manñeñega na Yu’os si Jesukristo, masåsangan na tåya’ na ha sångan na Yu’os gui’. Magåhet na tåya’ sinangan Jesukristo gi bipblia, “Yu’os yu’.” Lao ti magåhet na tåya’ diklarå-na na Yu’os gui’.
Kao magåhet na Yu’os si Jesukristo? — Ha sangan si Jesukristo na Yu’os gui’.
Atan ha’ i palåbran Jesukristo gi San Juån 10:30, “Guåhu yan si Tåta, hami uno ha'.” Ta fanatan ha’ i respondon i Judihos siha ya makumprende i sinangån-na. Pot este na rason na kana’ ma faggas gui’: “Sa hågu, taotao hao, mama’Yu’os hao” (San Juån 10:33. Makomprende håfa ha såsangan–pot i yi’os-na. Annai ha diklåra si Jesukristo, “ “Guåhu yan si Tåta, hami uno ha',” ha såsangan na guiya yan si Yu’os Tåta manuno gi kualidát yan sensia. Guaha otro na sinangan gi San Juån 8:58. Si Jesukristo dumiklåra, “Magåhet ya magåhet hu sangåni hamyo, åntes ki si Abraham, esta guåhu.” Ma refeferi guini para Exodus 3:14 annai si Yu’os ha sangåni si Moset i na’ån-na “I AM.” I Judihos siha ni’ i mahungok nu este na sinangångan-na ma chule’ acho’ sa’ para ma puno’ gui’ pot chatfino’, sa’ kontra i lai Moset este (Lebittikus 24:16).
Kao magåhet na Yu’os si Jesukristo? — I disipulu-na siha madiklåra na Yu’os gui’.
Si San Juån rumipiti ideha pot i yini’os Jesukristo: “i Finiho guiya si Yu'os” yan “ayu na Finiho mama'kåtne” (San Juån 1:1, 14). Este na betso siha muna’klåklaru na si Jesukristo, Yu’os gui’ ni’ mama’kåtne. I Che’cho’ Apóstoles Siha 20:28 sumangåni hit, “Gefadahi hamyo, yan todo i manåda ni i nina'fanmågas hamyo ni i Espiritu Sånto, para in apåsto inetnon mangilisyåno iyon Yu'os, ni i hå fåhan ni i hagå'-ña ha’.” Håyi fumåhan i mangilisyåno nu i hagå’-na ha’? Si Jesukristo. Ya este na betso lokkue’ dumiklåklara na si Yu’os ha fåhan i mangilisyåno nu i hagå’-na ha’. Pot enao na ta sångan na Yu’os si Jesukristo.
Si Sånto Tomås dumiklåra pot si Jesukristo, “Siñot-hu yan Yu'os-hu” (San Juån 20:28). Ti nina’dinanche as Jesukristo. Titus 2:13 mumataknga hit para ta fannangga i finatto i Yu’os-ta yan Satbadót-ta, si Jesukristo (cf. 2 San Pedro 1:1). Gi Hebrews 1:8, si Yu’os Tåta dumiklåra pot si Jesukristo, “I tronu-mu, Yu’os-hu, para taihinekkok yan taihinekkok, yan tininas i bariyan i raino-mu.” Si Yu’os Tåta ha tåtancho’ si Jesukristo, ya ha na’ klåru na Yu’os gui’.
Gi Rebelasión, guaha un anghet ha tågo’ si Juån i apóstoles para u adora si Yu’os ha’ (Revelation 19:10). Guaha biåhi gi i Bipblia na ma adodora si Jesukristo (San Mateo 2:11; 14:33; 28:9; 17; San Lukas 24:52; San Juån 9:38). Tåya na ha lalåtde i manaotao sa’ ma adodora gui’. Anggen ti Yu’os gui’, siempre ha tågo’ i taotao siha na ti siña ma adora gui’, parehu ha’ yan i anghet gi lepblon Rebelasión. Guaha meggai na sinangan siha gi i Bipblia na ma prueba i Yi’os-na si Jesukristo.
Kao magåhet na Yu’os si Jesukristo? — I rason para i Yini’os Jesukristo.
Este itmás impottånte na rason pot it Yini’os-na si Jesukristo: anggen ti magåhet na Yu’os gui’, pues ti nahong para i inapåsen i isao-ta (1 San Juån 2:2). Anggen ti Yu’os si Jesukristo ya mottát ha’, pues ti siña ha apåsi i taihinekkok na sentensia para i isao-ta kontra i etetno na Yu’os. Si Yu’os ha’ siña umapåsi este na etetnon sentensia. Si Yu’os ha’ siña chumule’ i isao todo i tano’ (2 Corinthians 5:21), siña ha’ måtai yan lumå’la’ ta’lo, ya ha prueba i hinilåt-na isao yan minatai.
Kao magåhet na Yu’os si Jesukristo? – Hunggan.
Si Jesukristo dumiklåra na Yu’os gui’. I disipulu-na siha manmanhongge na Yu’os gui’. Guaha ha’ satbasión anggen magåhet na Yu’os si Jesukristo. Nina’mottát si Yu’os gi si Jesukristo, i Fine’nana yan Uttimo (Rebelasion 1:8, 22:13), yan Yu’os i Satbadót-ta (2 San Pedro 1:1).
English
Kao magåhet na Yu’os si Jesukristo? Kao dumiklåra si Jesukristo na Yu’os gui’?