Finaisen
Håfa i chalan satbasión?
Ineppe
Kao ñålang hao? Ti gi tiyan este na niñålang, lao kao ñålang hao gi anti-mu pot mås gi lina’lå’-mu? Kao guaha gi i tinaddong i anti-mu kalan ti siña humåspok? Anggen magåhet para hågu, gi Jesukristo ha’ i chalan satbasión! Ilek-ña nu guiya si Jesukristo, “Guåhu i pan lina’la'; i måtto giya guåhu, ti u ñalang; ya i humongge yu', ti umå'ho para taihinekkok.” (San Juån 6:35).
Kao á’abak hao ya kalan ti siña un sodda’ i chalan pat i puntun lina’lå’? Kao kalan mahuchom i kandit ya ti siña un sodda’? Anggen magåhet para hågu, gi Jesukristo ha’ i chalan satbasión! “Mansinangåni as Jesus ta'lo ilek-ña nu siha: Guåhu [i] kandet i tano': i dumalalak yu' ti u famokkat gi [i] hemhom; ya guaha ha' kandet i lina'la'” (San Juån 8:12).
Kao guaha na un siente na kalan gaige hao gi sanhiyong i pettan lina’la’ ya esta makandålu? Kao esta un chagi bula na petta, ya mangueku ya taipuntun i sineddå-mu? Kao un aliligao i entrådan i mås deskitao na lina’la’? Anggen magåhet para hågu, gi Jesukristo ha’ i chalan satbasión! Si Jesukristo ha diklåra, “Guåhu i petta: ya i humålom giya guåhu, guiya u masåtba, i u hålom yan u huyong ya u sodda' i påsto.” (San Juån 10:9).
Kao dumisganao hao gi taotao? Kao kalan nátata yan gueku i inatungo’-mu, pat kalan todu i taotao ma fa’bababa hao? Anggen magåhet para hågu, gi Jesukristo ha’ i chalan satbasión! Ilek-ña nu guiya si Jesukristo, “Guåhu i maolek na pastót: ya i maolek na pastót i lina'lå'-ña ha po'lo pot i kinilu siha;” yan “Guåhu i maolek na påstót: sa' hu tungo' i iyo-ku, ya i iyo-ku matungo' yu'” (San Juån 10:11, 14).
Kao unhahasso håfa guaha anggen måtai hit? Kao o’son hao lumå’la’ para guinaha ni’ mampotlilu pat mantake’lulok ha’? Kao guaha dinidå-mu pot i puntun lina’la’? Yanggen måtai hao, kao malago’ hao lumå’la’ ta’lo? Anggen magåhet este para hågu, gi Jesukristo ha’ i chalan satbasión! “Ilek-ña nu guiya si Jesus: Guåhu i kina’hilo’ i manmåtai yan i lina'la'; ayu i humongge yu', achokka' esta måtai, u lå'la' ta'lo; Ya todu ayu i la'la' ya humongge yu', ti u måtai para todu i tiempo.” (San Juån 11:25-26).
Håfa taimanu i chalan? Håfa i minagåhet? Håfa i lina’la? Ilek-ña nu guiya si Jesukristo, “Guåhu i chalan, yan i minagåhet, yan i lina'la'; tåya' malak i Tata yan ti pot guåhu.” (San Juån 14:6).
I ninalång-mu ni’ un siesiente gaige gi anti-mu, ya si Jesukristo ha’ siña muna’håspok. Si Jesukristo ha’ siña humåtsa i hinemhom. Si Jesukristo ha’ i petta para i mås satisfecho yan etetno na lina’la’. Guiya i amigu-mu yan i pastót-mu ni’ un aliligao. Si Jesukristo i lina’la’--på’go gi i tano’ yan i mamaila’ na lina’la’. Si Jesukristo ha’ i chalan satbasión!
Kalan ñåñalang yan a’abak hao, ya ti siña un sodda’ i puntun lina’la’ sa’ apattáo hao yan si Yu’os. Masåsangan gi i Bipblia na todudu manisao ya manapattáo yan si Yu’os (Ecclesiastes 7:20; Romans 3:23). Un siesiente i guineku gi kurason-mu sa’ taigue si Yu’os. Mafa’tinas hao para mamparentes yan si Yu’os. Pot i isao-mu, umapattáo hao yan si Yu’os. Sina umapattáo hao yan si Yu’os para taihinekkok, gi este na lina’la’ yan i mamaila’ (Romans 6:23; San Juån 3:36).
Håfa taimanu ta na’danche este na problema? Gi Jesukristo ha’ i chalan satbasión! Si Jesukristo ha’ kumåtga i isao-mu (2 Corinthians 5:21). Måtai gui’ para hågu (Romans 5:8), ya ha chule’ i mattirio-mu ni’ un miresi. Despues di maloffan tres na ha’åni, kumahulo’ si Jesukristo ginen i manmåtai, u prueba i ginanna gi hilo’ isao yan finatai (Romans 6:4-5). Pot håfa nai ha cho’gue este? Ilek-na si Jesukristo ha’ pot este na finaisen: “Tåya' uno guaha guinaiya-ña mås dångkolo ki este, na i taotao ha po'lo i lina'lå'-ña pot i amigu-ña siha.” (San Juån 15:13). Måtai si Jesukristo para guaha lina’lå’-mu. Anggen un hengge gi Jesukristo, ya un angokko na bastånte i finatai-na para inapåsen i isao-mu, todo i isao-mu uma’asi’e ya umafa’gåsi. Sina humåspok hao på’go. Guaha kåndet på’go. Sina hao dumeskitao gi lina’lå’-mu. Sina un tungo’ håyi mumagåhet na amigu-mu yan i maolek na pastót-mu. Siempre un tungo’ na guaha lina’la’ taihinekkok–i lina’la’ resureksión gi Langet yan si Jesukristo para etetno!
“Sa' taiguennao na ha guaiya si Yu'os i tano', ha nå'i ni linilis ha' Lahi-ña, i para todu ayu i humongge gui', ti siña malingu, ya guaha lina'lå'-ña na taihinekkok.” (San Juån 3:16)
Kao esta un disidi para si Jesukristo pot håfa un taitai guini? Anggen hunggan, pot fabot, ayek “Hu aksepta si Jesukristo på’go na ha’åni.”
English
Håfa i chalan satbasión?