ईसु मसीह कुंण हे?



प्रश्न: ईसु मसीह कुंण हे?

उत्तर:
“हु परमेश्वर नु रूप हर ?” एंना सवाल नें हामें घण उस मनख वें इयो सवाल कर्यो हे के हुं ईसु मसीह नु कईक रूप हेंतु| इयु मामुली रूप म मान लेंवाम आवे हे के ईसु हासें एक माणस हेंतो झी लगबग 2000 वरस पेल इस्राईल नी धरती इपेर साल्यो फर्यो हेतो | वाद-विवाद तर सरू थाए हे के झर ईसु नी आखी वळखण ना बाराम विसार थाए हे | लग बग दरेक मुखी धरम आ शिक्षण आले हे के ईसु एक पेगंबर,के एक ताजो शिक्षक ,के एक धार्मिक माणस हेतो | तखलीब इये हे के,बाईबल हमनें वताडे हे के ईसु पेल थिस एक भविष्यवक्ता,एक ताजा शिक्षक,के एक धार्मिक माणस थी कई गणो वदें नें हेतो |

सी एस लुईस पुतानी सोपडी क्रिश्चियानिटी (खाली एक मसीहत)म आ लखे हे ,“हू आं केंनें ये बी खरेखर मुरखाईता थी वात केंवा थी रुकवानी कोशिश रियो हे झेंनें मनख हमेशा [ईसु मसीह ना] {’हू ईसु नें एक मुटो नीतिक शिक्षक ना रूप म मान लेंवा हारू तियार हे,पुण हू हेंनें परमेश्वर होवा ना दावा नें नहें मानतो | आ एक ईवी वात हे झी आपडे नें करवी जुगे | एक माणस झी खाली एक माणस हेतो अनें ईवी रीत नी वातें करतो हेतो झेंम ईसुवें किदी एक मुटो नीतिक शिक्षक नहें थाए सकतो | वेयो नें ते एक गान्डो आदमी वेंहे – हिनी हद तक झेंम कुई मनख के के वेयु एक हडेंलु इंडू हे – के फेंर वेयु नरक नो शेतान थाए सके हे | तमारे तमारी पसंद करवी जुगे |नें ते आ आदमी ,झी परमेश्वर नो बेंटो हेतो अनें हे,नें ते फेंर कुईक गान्डो नें ते कईक हजु हेंनें करत खराब माणस | तमु मुरखाई हारू हेंनें सप करें सको हे,हेंनें इपेर थुंके सको हे अनें एक दुष्टआत्मा ना रूप म हेंनें मारें सको हे ,नें ते तमु हेंन पोग म पडें नें हेंनें प्रभू अनें परमेश्वर कें सको हे | ण आपडे केंर बी कृपा थी भरेंली मुरखाई नें हातें आ फेंसलो नहें करवो जुगतो के वेयो एक मुटो शिक्षक हेतो | हेंने आ वात आपडी हारू खुल्ली नहें सुडी |हिनी इवी कई आशा नें हीती |”

एंतरे हारू ,ईसुवें पुतानी हारू कुंण होवा नो दावो कर्यो ? बाईबल हुं के हे के वेयो कुंण हेतो ? बद्द करत पेल ,युहन्ना 10:30 म ईसु न शब्द मएं भाळज्ये हे , “हू अनें बा एक हे |” पेली नजर म ,इयु परमेश्वर होवा ना दावा रूप म प्रतीत नहें थातो| पुण फेंर हुंदु {1][2},{3][4}हेंना केंवा इपेर यहूदीय नी ना कारनामा नें भाळो {1][2}, “{3][4}यहूदीयवें हेंनें जवाब आल्यो {1][2},{3][4}के भला काम हारू हमु तनें पत्थर मारो नहें करता पुण परमेश्वर नी निंदा करवाने लेंदे;अनें एंतरे के तू माणस थाएनें पुते पुतानें परमेश्वर बाणावे हे” (युहन्ना 10:33) | यहूदीयवें ईसु ना केंवा नें परमेश्वर होवा नो दावो हमज्या हेता | अग्येड आववा वाळी आयत म ईसुवें यहूदीय नें हदारवा हारू केंर बी इयु नहें केंदु ,“मेंह परमेश्वर होवा नो दावो नें कर्यो हेतो |” आ इशारो करे हे के ईसु आ जाहेंर करतो जाएंनें के “हू अनें बा एक हे” (युहन्ना 10:30)हासें कें रियो हेतो के वेयो परमेश्वर हे |

युहन्ना 8:58एक हजु दाखलो हे ईसुवें केंदु , “हू तमनें हास्सू-हास्सू कुं हे के एंनें थी पेल के इब्राहीम पेदा थायो ,हू हे !” एक वखत फेंर ,कारनामा म यहूदीय वें पाणा लेंनें ईसु नें मारवा नी कोशिश करी (युहन्ना 8:59) | ईसुवें पुतानी वळखण नी जाहेरात “हू हे” करेंनें आली वेयु जुना नियम म परमेश्वर ना नाम नु हिदी रीति लागू थातु हेंतु (निर्गमन 3:14)| यहूदी फेंर थी इसुनें हुका पत्थर मारो करवा साहता हेता अगर हेंने एंवु कईस नहें केंदू हेंतु झेंनें वेया परमेश्वर नी निंदा करवु हमजें रिया हेता,नें,परमेश्वर होवा नो दावो?

युहन्ना 1:1के हे के “वसन परमेश्वर हेतो |” युहन्ना 1:14के हे के वसन “शरीर धारी थायु |” आ साफ रीति इशारो आले हे के ईसु स शरीर ना रूप म परमेश्वर हे | सेंला थुमा ना सबंध म के हे के, “हे मारा प्रभु , हे मारा परमेश्वर” (युहन्ना 20:28)| ईसुवें हेंनें नहें हदार्यू |सेंवक पावलुस हेंनो आ रीति वखाण करे हे के, “आपडा मुटा परमेश्वर अनें तारण हारा ईसु मसीह” (तीतुस 2:13) | सेंवक पतरस हुंदो एंवुस के हे के, “हमारा परमेश्वर अनें तारण हारा मसीह” (2पतरस 1:1)| बा परमेश्वर हुंदो ईसु नी आखी वळखण नो गवाह हे, “पुण बेंटा थी के हे के,’हे परमेश्वर ,तारी राज गदी जुग जुग रेंहे,तारा राज नु राज दंड निया नु राज दंड हे |जुना नियम म मासिह नें हारु करवाम आवेंली भविष्यवाणी हेंना ईश्वरत्व नी जाहेरात करे हे के, “केंमके हमारी हारू एक बेंटो आलवाम आयो;अनें प्रभुता हेंना खबा इपेर वेंहे ,अनें हेंनु नाम गजब युक्ति करवा वाळो पराक्रमी परमेश्वर,हमेशा नो बा,अनें शान्ति नो राजकुमार राखवाम आवाहे” (यशायाह 9:6)|

एंतरे हारूस,झेंवू कईनेक एस लुईसें दलील आली हे ,के ईसु नें एक ताजा शिक्षक ना रूप म मनवू कई वात नहें | ईसुवें साफ रीति थी अनें परमेश्वर होवा ना नकार नें करवा वाळो दावो कर्यो हे | अगर वेयो परमेश्वर नहें ,ते फेंर वेयो झुठो हे अनें एंतरे एक पेगंबर ;ताजो शिक्षक ,के धार्मिक माणस नहें | ईसु न शब्द नो उकेंल करतो जाएंनें ,आधुनिक “विद्वान”आ दावो करे हे के “वास्तविक इतिहासिक ईसुवें” हिनी घणी बदी वात नें नहें किदी झेंनें बाईबल म हेंने किदी हे |परमेश्वर ना वसन नें हातें बबाल करवा वाळा आपु कुंण हे के ईसुवें हुं केंदू हुं नहें केंदू ?केंकेंम कुई एक “विद्वान”झी ईसु न बे हजार वरस पसी आयो म एंवु खास बोध हेंननी वगर झी हेंनें हातें रिया ,झणवें हिनी सेवा करी अनें पुते ईसु थी शिक्षण मेंळव्यु थी केंकेंम थाए सके के ईसुवें हुं केंदू के हुं नहें केंदू (युहन्ना 14:26)?

ईसु नी हासी वळख नें इपेर सवाल एंतरो खास हुका हे ? इनी वात नु हुं मनवू हे के ईसु परमेश्वर हे के नहें ? एंनु बद्द करत खास कारण आ हे के ईसु नें एंतरे हारू परमेश्वर थावु हेंतु वेयु आ हे के अगर ईसु परमेश्वर नहें हे ,ते हिनी मोत आखी संसार ण पाप ना दंड नी किमत सुकववा हारू पुरी नें थाए सकती हीती (1 युहन्ना 2:2)| खाली परमेश्वरेंस एंवा मुटा दंड नें भरें सके हे (रोमियो 5:8; 2 कुरिन्थियो 5:21)| ईसु नें परमेश्वर थावु हेंतु के वेयो आपडा लेंणा नें भरें सके | ईसु नें माणस थावु हेंतु के वेयो मरें सके | तारण खाली ईसु मसीह म विस्वास करवा थिस मळे हे | ईसु नु ईश्वरत्वस हे केंमके वेयोस तारण नो एक खाली रस्तो हे | ईसु नु ईश्वरत्वस हे झेंने लेंदे हेंने आ जाहेर करी के, “रस्तो अनें हास अनें जीवन हूस हे | वगर मारी दुवारा कुई बा कनें नहें पोतें सक्तु” (युहन्ना 14:6)|



भीली ना पेल्ला पाना उपर पासा जो



ईसु मसीह कुंण हे?