प्रश्न
एक मसीह कुण हे?
उत्तर
एक सबद भंडारम एक मसीह ना बाराम वखाण कईक ईवी रीत नु वेहे ,”एक माणस झी इसू उपर मसीह ना रुपमा के इसू नी हिक ने ओधारे धरम म विस्वास करवानु गर्हण करे हे|” झर के घण बडी डिशनरी नी परिभाषा नें जेंम इयु हमजवा हारू एक ताजू सरुवाती पोएंड हे ,पुण एक मसीही कुंण केंवाए हे ,ना अरथ नें हातें बाईबल ण हास नें दुवारा वताडवाम म आवें हे वास्तविकता थी घणु वाहेड रें जाए हे| नवा नियम म “मसीही” शबद नो परयोग ताण वखत थायु हे (प्रेरितो 26:28; 1पतरस 4:16)| ईसु मसीह नें वाहेड सालवा वाळा बद्द करत पेल अन्ताकिया म मसीही केंवाया (प्रेरितो 11:26) केंमके हेंननु आसरण, काम,अनें भाषा मसीह जीवीस हीती | शबद “मसीही” नो शाब्दिक अरथ, “मसीह ना दल नु जण” के “मसीह नु एक हातें सालवा वाळु” थावा थी हे |
किस्मत वगर थी टाएंम नें जावा नें हातेंस , “मसीही” शब्द वें घणी हद तक पुतानी खास वात नें खुएं दडी हे अनें हेंनें खाली हेंना वेक्ती हारू काम लेंवाम आवे हे झी धर्मी वेह के झेंनें कनें मुटी नेतिक किमत वेह पुण वेयु ईसु मसीह नु एक हासु सालवा वाळु थाए बी सके हे अनें नहें बी थाए सक्तु| घण बद मनख झी ईसु मसीह इपेर विस्वास के भारुहो नहें राखत पुतानें खाली एंतरे हारू मसीही माने हे केंमके वेय गिरजा म जाए हे के फेंर वेय एक ईसाई देश म रे हे | पुण गिरजा म जावा थी ,आपडी थी कम किस्मती मनख नी सेवा करवा थी “,के एक ताजु मनख बणवु तमनें मसीही नहें बणाव देंतू | झेंवू के एक ताजा हमिसार ना परसार करवा वाळे एक वखत केंदु हेंतु ,गिरजा म जावू केंनेंक नें मसीही नहें बणावतू झेंवू के एक हदारवा वाळी दोकन म जाएंनें एक मनख पुते सालवा वाळी गाडी नहें बणें जातुं |” एक मंडली नु जण थावु ,नियम सर सभा म भेंगु थावु अनें मंडली न काम हारू दान आलवू तमनें मसीही नहें बणाव देंतु |
बाईबल आप नें शिक्षण आले हे के आपड ताज काम आप नें परमेश्वर नें हामें गरहण लाएंक नहें बणावे सक्तु | तीतुस 3:5 आप नें वताडे हे के, “हेंने आपडू तारण कर्यू ;अनें इयु धरम ण काम ने लेंदे नहें ,झी आप वें पुते कर्य ,पुण इनी दया ने परमणें नवा जलम नु उंगळवु अनें पवित्र आत्मा ना आप नें नव बणावाने दुवारा थायु |” एंतरे हारू ,एक मसीही वेयुस हे झी परमेश्वर दुवारा नवु जलम मेंळव्यू वेह (युहन्ना 3:3;युहन्ना 3:7; 1पतरस 3:23)अनें झेंनेंवें पुतानो विस्वास अनें भरुहा नें ईसु मसीह इपेर मेल्यो हे | इफिसियो 2:8आप नें वताडे हे के, “विस्वास नें दुवारा अनुग्रह थिस तमारु तारण थायु हे – अनें इयु तमारी तरफ थी नहें,पुण परमेश्वर नु दान हे |”
एक हासु मसीही वेयु मनख हे झेंनेंवें पुताना विस्वास अनें भरुहा नें खाली ईसु मसीह ना वेक्तित्व अनें काम मस ,झेंनेंम क्रूस नें इपेर हिनी मोत म तमार पाप नी किमत नें सुकवें दिवी अनें हेंनु तिजे दांडे जीवी उठवु भेगु हे , मेंल्यु वेह | युहन्ना,1:12आप नें वताडे हे के , “पुण झेंतर वें हेंनें गरहण करयो,हेंने हेंननें परमेश्वर न बेंटा बीटी थावा नो अधिकार आल्यो,नें हेंननें झी हेंना नाम इपेर विस्वास करे हे |” एक हासु मसीह हासें हास परमेश्वर नु बेंटू हे,परमेश्वर ना हासा परिवार नु जण,अनें वेयु झेंनें ईसु मसीह म नवु जीवन आलवाम आयु हे |
झी कई तमवे आं भणु हे हुं हेने लेदे तमवे मसीह ने पासड सालवानो फेसलो लेदो हे? अगर ऐवू हे ते मेर्बानी करीने निस आलीला “में आजे इसू नी गरहण करी लेदो हे” वाळा बटण ने दबावो|
English
एक मसीह कुण हे?