प्रश्न
तारण नी योजना?
उत्तर
हुं तमु भुख हे? शरीरि थकि भुख नें ,पुण हुं तमारा जीवन म कईनिक बीजी वस्तु नी भुख हे? {हुं तमारा मन नी उन्डाई म कईक वस्तु हे झी केंर ये राजु थात नहें लागतू ? अगर एंवु वेह ते ,ईसु स एक रस्तो हे ! ईसुवें केंदु , “जीवन नी रूटी हू हे : झी मारी कनें आवे हे वेयु केंर ये भुखू नें थाए,अनें झी मारी इपेर विस्वास करे हे ,वेयु केंर ये तरह्यु नें थाए” (युहन्ना 6:35)|
हुं तमु गुसवण म पडेंला हे ? हुं तमारा जीवन हारू तमनें कईक रस्तो के मकसद नहें जाण पडती ? हुं एंवु लागे हे केंनेंकें बत्ती उलवें दीदी हे अनें तमु हेंनें बाळवा हारू बटण नहें जुए सक्ता ? अगर एंवु वेह ते ,ईसु स एक रस्तो हे| ईसुवें जाहेर करी के, “दुनीय नु इजवाळु हू हे ; झी मारी वाहेड थाए जाहे वेयु इंदारा म नें साले,पुण जीवन नु इजवाळु मेंळवहे” (युहन्ना 8:12)|
हुं तमु केंरक एंवु मेहसूस करो हे के तमारा जीवन न बाएंण बंद थाएं जज्य हे ? हुं हुं तमवें घण बद बाएंण नें खाली एंम जाणवा हारू खखडाय हे ,के हेंनें वाहेड खाली ठालापण अनें अरथ वगर हे ? हुं तमु भरपुरी ना एक जीवन म भरावा हारू भरावा ना बाएंणा नी खोळी म हे ? अगर एंवु वेह ते ,ईसु स एक रस्तो हे| ईसुवें जाहेंर करी के,बाएंणु हू हे ,अगर कुई मारी दुवारा मएं भराए, “ते तारण मेंळवहे,अनें मएं बारत आव जाव करहे अनें सारो मेंळवहे” युहन्ना 10:9) |
हुं बीज मनख हमेशा तमनें निसु भळावे हे ? हुं तमारा संबंध सतही अनें थुथला हे ? हुं तमनें एंवु लागे हे के दरेक वेक्ती तमारो फाएंदो लेंवानी कोशिश करें रिया हे ? अगर एंवु वेह ते ,ईसु स एक रस्तो हे | ईसुवें केंदु हेंतु , “ताजो गुंवाळ हू हे;ताजो गुंवाळ घेंठ हारू पुतानो जीव आले हे, “हू मार घेंठ नें जाणू हे अनें मार घेंठ मनें जाणें हे” (युहन्ना10:11,14)|
हुं तमु विसारो हे के एंना जीवन नें बाद हुं थाए हे ? हुं तमु पुताना जीवन नें हिनी वस्तूव हारू सलावता जाएंनें थाकें ज्य हे झी खाली हडो के कीट खाएं जाए हे ? हुं तमनें कितरी वार शक थाए हे के जीवन नु कईक मतलब हे के नहें | हुं तमु तमारी मोत नें पसी जीववा मांगो हे ? अगर एंवु वेह ते ,ईसु स एक रस्तो हे| ईसुवें जाहेर करी के, “पुनरुत्थान अनें जीवन हू स हे ;झी कुई मारी इपेर विस्वास करे हे ,वेयु अगर मरें हुंदु जाए ते हुंदु जीवहे | अनें झी कुई जीवतु हे अनें मारी इपेर विस्वास करे हे ,वेयु हमेशा तक नें मरहे” (युहन्ना 11:25-26)|
रस्तो हुं हे ? हास हुं हे ? जीवन हुं हे ? ईसुवें जवाब आल्यो , “रस्तो अनें हास अनें जीवन हूस हे ;वगर मारी दुवारा कुई बा कनें नहें पोतें सक्तु” (युहन्ना 14:6) |
झणी भुख नें तमु मेहसूस करो हे वेये एक आत्मिक भुख हे,अनें खाली इशुनें दुवारा स पुरी करें सकाए हे | एक खाली ईसु स हे झी इंदारा नें मटाडें सके हे | ईसु एक राजु जीवन नु बाएंणुं हे | ईसु एक दोसदार अनें गुंवाळ हे झेंनें तमु खोळें रिय हेंत | ईसु – एंना अनें आववा वाळा संसार हारू जीवन हे | ईसु स तारण नो रस्तो हे !
वेयु कारण झेंनें थी तमु भुख नें महसुस करो हे ,वेयु कारण झेंनें थी तमनें खुवाए जावाएं एंम लागतू हे ,वेयु कारण झेंनें थी तमु तमारा जीवन म कई अरथ नहें मेंळवत ,आ हे के तमु परमेश्वर थी अलग थाए ज्य हे ((सभोपदेषक 7:20;रोमियो3:23) | झेंना खाली पणा नें तमु तमारा हय्या म महसूस करो हे वेयु तमारा जीवन म परमेश्वर नु नें होवु हे | हमारी बणावट परमेश्वर नें हातें सबंध बणावें राखवा हारू करवाम आवी हे पुण हमारा पुताना पाप ने लेंदे , आपु हेंना सबंध थी अलग थाए ज्य | एंनें थी हुंदु भुंडू इयु हे के ,आपडा पाप आप नें एंना अनें पासला जीवन म ,हुंदो पुरा हमेशा हारू परमेश्वर थी अलग थावानु कारण बणहे (रोमियो ;युहन्ना 3:36) |
इनी समस्या नु समाधान हुं थाए सके हे ? ईसु स एक रस्तो हे ! ईसुवें आपडो पाप पुतानें इपेर लें लेंदो (2 कुरीन्थियो5:21)| ईसु आपडी जग्या इपेर (रोमियो 5:8),हेंना दंड नें लेतो जाएंनें मरें ज्यो झेंना भागीदार आपु हेंत | ताण दाड पसी ,ईसु मरेंल महो ,पाप नें मोत इपेर पुतानी जीत नें साबित करतो जाएंनें जीवी उठ्यो (रोमियो 6:4-5) | हेंने एंवु हुका कर्यू? ईसुवें पुते एंना सवाल नो जवाब आल्यो हे : “एंनें थी मुंटो प्रेम केंनो ये नहें के कुई पुतान दोसदार हारू जीव आले” (युहन्ना 15:13! ईसु मर्यो एंतरे के आपु जीवी सकज्ये | अगर आपु ईसु म आपडो विस्वास,हिनी मोत नें आपड पाप हारू सुकविली किमत मानें नें करज्ये हे – ते आपडा बद्दा पाप माफ अनें धुएं दडवाम आवे हे | तर आपु पुतानी आत्मिक भुख मटाडें सकहु | फेंर थी बत्ती ज्यी बळें उठहे | आपडी पोस एक भरपुरी ना जीवन तक थाए जाहे |आपु आपडा हासा खास दोसदार अनें ताजा गुंवाळ नें जाणहुं | आपु इयु जाणहुं के मरवा ना पसी हुंदु आपडी कनें जीवन वेंहे – ईसु नें हातें हमेशा हारू हरग म एक जीवी उठीलु जीवन !
“केंमके परमेश्वरें दुनीय म एंवो प्रेम राख्यो के हेंने पुतानो एक नो एक बेंटो आल देंदो ,एंतरे के झी कुई हेंनें इपेर विस्वास करे वेयु नाश नें थाए ,पुण अमर जीवन मेंळवे” युहन्ना 3:16) |
झी कई तमवे आं भणु हे हुं हेने लेदे तमवे मसीह ने पासड सालवानो फेसलो लेदो हे? अगर ऐवू हे ते मेर्बानी करीने निस आलीला “में आजे इसू नी गरहण करी लेदो हे” वाळा बटण ने दबावो|
English
तारण नी योजना?