तमारी हारू वेक्तिगत तारणहार ना रुपमा इसू ने गरहण करवानु हुं अरथ हे?



प्रश्न: तमारी हारू वेक्तिगत तारणहार ना रुपमा इसू ने गरहण करवानु हुं अरथ हे?

उत्तर:
हुं तमवे केरक इसू मसीह ने पुतानो वेक्तिगत तारणहार ना रुपमा गरहण कर्यो हे ? एना सवाल असल रीति हमजवा हारू पेल तमारे “इसू मसीह”, “वेक्तिगत” अने “तारणहार” झीवू सबद ना बाराम ताजी हमज हेवी जुग्ये

इसू मसीह कुण हे ? घाण बद्द मनख इसुने एक असल मनख ,एक मूटो गरु ,नेते आं तक के परमेश्वर ना एक भविस्वक्ता ना रुपमा गरहण करहे| आं वाती इसू ना बाराम खरेखर हासी हे,पुण आं आखी रीति थकि आं वखाण नही आलतू के वेयो खरेखर म कुण हे| बाइबल आपने वताडे हे के सरील्म परमेश्वर हे ,परमेश्वर मनख ना रुपमा हे (भाळो यहूंना 1:1,14)| परमेश्वर धरती उपर आपने हिक आल्वा ,हांज करवा ,आपने हदारवा ,माफ करवा –अने आपडा हारू मरवा हारू आयो! इसू मसीह परमेश्वर , दुनीयाने रसनार अने दया वाळो प्रभू हे | हुं तमे एना इसू ने गरहण कर्यो हे ?

एक तारणहार कुण हे थाए हे अने आपने एक तारणहार नी केम जरुड हे ? बाइबल आपने वताडे हे आपे बद्दवे पाप कर्यो हे ; आपे बद्द्वे खराब काम कर्य हे (रोमियो 3:10-18)| आपड पापना नतीजा ना रुपमा ,आपु परमेश्वर नी रिह अने नियाव न साधन हे| एक सीमा वगर अने हरगवासी परमेश्वर ना विरुदमा पाप करवा ने हारू खाली एक लायक सजावलु सीमा वगरनो दंड हे (रोमियो 6:23;प्रकाशितवाक्य 20:1-15)| एंतरे आपडे तारणहारा नी जरुरत हे !

ईसु मसीह धरती इपेर आयो अनें हेंने आपडी जग्या इपेर मोत नें लें लीदी | ईसु नी मोत आपड पाप हारु हद वगर नी किमत सुकववानी हीती (2कुरिन्थियो 5:21) | ईसुवें आपड पाप ना दंड नी किमत सुकववा हारू मोत मेंळवी (रोमियो 5:8 | ईसुवें किमत सुकवी झेंनें के आपडे सुकववी नें पडे | ईसु नी मोत मही पासु जीवतु थावा थी इयु साबित कर देंदु के हिनी मोत आपड पाप नी किमत सुकववा हारू पुरी हीती | इयुस कारण हे के ईसुस एक अनें खाली एकेंस तारणहारो हे (15:6 प्रेरितो 4:12)! हुं तमु ईसु इपेर पुतानो तारणहारा ना रूप म भारुहो करो हे ?

हुं ईसु तमारो “वेक्तिगत” तारणहारो हे ? घण बद मनख मसीहत नें गिरजा म जावू ,रिती रिवाज नें पुरू करवु अनें /के अमुक नक्की पाप न नें करवाना रूप म भाळे हे | आ मसिहत नहें | हासी मसिह्त ईसु मसीह नें हातें वेक्तिगत सबंध नु रेंवू हे | ईसु नें पुतानो वेक्तिगत तारणहारा ना रूप म मान लेंवा नु अरथ हेंनेंम आपडे पुंताना वेक्तिगत विस्वास अनें भरुहा नें मेंल देंवु हे | कुई बी बीजा ना विस्वास थी तारण नहें मेंळवें सक्तु | कई बी नक्की काम नें करवानें दुवारा माफी नहें मेंळवें सक्तु | तारण मेंळववा हारू एक खाली रस्तो इयो हे के तमु वेक्तिगत रूप थी ई सु नें पुतानो तारणहारो ,हिनी मोत नें पुताना पाप नी किमत सुकववा ना रूप म मानें नें गरहण करो (युहन्ना ?{3:16) | हुं ईसु वेक्तिगत रूप म तमारो तारणहारो हे ?

अगर तमु ईसु मसीह नें पुतानो तारणहारा ना रूप म गरहण करवा साहो हे ,ते परमेश्वर थी थुडक शब्द को | इयाद राखो ,इये प्रार्थना के बीजी कईक प्रार्थना करवी तमनें नहें बसावें सकती | खाली ईसु मसीह अनें क्रूस नें इपेर हेंनें दुवारा पूर करेंल काम म विस्वावासेंस हे झी तमनें पाप थी बसावें सके हे | इये प्रार्थना हेंनेम पुतानो विस्वास परगतट करवा अनें तमारें हारू तारण नी वेवस्ता करवा हारू धन्यवाद आलवानो एक तरीको खाली हे | “हे ,परमेश्वर ,हू जाणू हे के मेह तारी विरूद पाप कर्यो हे ,अनें हू सज्या नें लाएंक हे | पुण ईसु मसीहवें आ सज्या नें पुतानें इपेर लें लीदी झेंनें लाएक हू हेतो एतरे हेंनम विस्वास करवा थी हू माफ करें देंवाम आवू | हू तारण हारू तारीम मारा विस्वास नें मेंलु हे | तारा गजब अनुग्रह नें माफी – झी अमर जीवन नु ईनाम हे , नें हारू हू तारू धनेवाद करू हे ! आमीन |”

झी कई तमवे आं भणु हे हुं हेने लेदे तमवे मसीह ने पासड सालवानो फेसलो लेदो हे? अगर ऐवू हे ते मेर्बानी करीने निस आलीला “में आजे इसू नी गरहण करी लेदो हे” वाळा बटण ने दबावो|



भीली ना पेल्ला पाना उपर पासा जो



तमारी हारू वेक्तिगत तारणहार ना रुपमा इसू ने गरहण करवानु हुं अरथ हे?