मेंह हमण हमण मारो विस्वास ईसु म मेंल्यो हे ...आवू अग्येड हुं हे?



मेंह हमण हमण मारो विस्वास ईसु म मेंल्यो हे ...आवू अग्येड हुं हे?

बधाई ! तमें एक जीवन-बदलवा वाळो फेसलो लेंदो हे ! शाएद तमु एंम पुसो हे , “आवू अग्येड हुं हे ? परमेश्वर नें हातें हू मारो परवास केंकेंम सरू करू ?” एंन मन पांस पगल तमनें बाईबल थी धीयन आलहे | झर तमनें तमारा परवास नें इपेर कईक सवाल आवे हे ,ते कृपया www.GotQuestions.org/Bhili नें भाळो

1. यो पाको करो के, थाँ मुगती ने हमजो हो।

1युहन्ना 5:13 आपडे वताडवु हे के , “मेंह तमनें ,झी परमेश्वर ना बेंटा इपेर विस्वास करे हे ,एंतरे लख्यु हे के तमु जाणो के अमर जीवन तमारु हे |” परमेश्वर साहे हे के आपु तारण ना शब्द नें हमजज्ये | परमेश्वर आप थी साहे हे के एंनो पाक्को आत्मविश्वास थाए के आपु बसावें लेंवाम आय हे | टुक म , आवो आपु तारण नी खास वात नें भाळें लेंज्ये :

(क) एंतरे के बद्द्वें पाप कर्यो हे | झी कई हमवें कर्यू हे वेयु परमेश्वर नें दुखी करवा वाळु हे (रोमियो 3:23) |

(ख) आपड पाप ने लेंदे ,आपु परमेश्वर थी हमेशा हारू अलग थावा ना दंड नु साधन हे (रोमियो 6:23)|

(ग) आपड पाप ना दंड नी किमत सुकववा हारू ईसु क्रूस इपेर मरें ज्यो (रोमियो 5:8,2कुरिन्थियो 5:21) | ईसु आपडी जाग्या इपेर ,हेंना दंड नें लेतो जाएंनें मर्यो झेंन भागीदार आपु हेंत | हेंनु जीवी उठवु साबित कर देंदु के ईसु नी मोत आपड पाप नी किमत सुकाववा हारू घणी हीती

(ख) परमेश्वर हेन बद्दने माफी अने तारण आले हे झी पुतानो विस्वास इसूम –इसू नी मोत उपर आ विस्वास राखत जाईने करे हे वेयो हमार पापनु किम्मत सुकव्वा ने हारू हेती (यहूंना 3:16,रोमियो 5:1, रोमियो 8:1)|

आं तारण नो हमिसार हे! अगर तमे तमारो विस्वास ने इसू मसीह उपर पुतानो तारणहार ना रुपमा मिलो हे ,ते तमु वसाड लेवाम आय हे! तमारा बद्दा पाप माफ कर लेवाम आया हे अने परमेश्वर तमने ने केर ये नी सुडहे अने ने नकारवानो वाइदो करे हे (रोमियो 8:28-२९,मत्ती 28:20)| इयाद राखे ,इसू मसीहम तमारो तारण हसवाइलो हे (याहूंना 10:28-29)| अगर तमु पुताना तारणहार ना रुपमा खाली इसू उपरेस भरुहो राखो हे ,ते तमु नक्की थाई सको हे के हरगम तमु परमेश्वर ने हाती हमेशा ने हारू रेहो!

2. एक ताजी मंडली नी खोळी करे झी बाईबल नी हिक आलती वे|

मंडळी ने एक गिरजो के सरस के भवन ना रुपमा ने होसे| मंडलीम मनख रे हे| आ घणी खास वात हे के इसूम विस्वास करवा वाळ एक बीजा ने हाते संगती राखे| आं मंडली ना पेल्ला मगसद महू एक हे| हावू झर तमे तमारा विस्वास ने इसू मसीहम राखी देदो हे ,ते हमु तमने घणू जूर देने साहस आल्जे हे के तमु तमारा एरियाम एक बाईबल ना ओधार वाळी विस्वासी मंडली नी खोळी करी लो अने हेना पादरी थकि वात करे| इसू मसीहम पुताना नवा विस्वास ना बाराम हेने वळखाण करावे

मंडली ना एक बीजू मग्सद बाइबल नी हिक आल्वी हे| तमु परमेश्वर नी सलानी पुताना जीवनम केकेम लागू करत हिकी सको हे| बाइबल ने हमजवु एक सफल अने कठु मसीह जीवन गुजरो करवानी सावी हे| 2तीमुथियुस 3:16-17 के हे के ,”आखी पवितर सास्तर परमेश्वर ना केवाथी रसवाम आवी हे अने भाषण ,अने हमजाडवा ,अने हदारवा ,अने धरमनी नी हिक ने हारू फाईदो हे| ऐतरे के परमेश्वर नु मनख पाक्कु बणे ,अने दरेक भल कामने हारू तियार थाए जाए |”

मंडली नु तिजु मक्सद आराधना हे | परमेश्वर न बद्द करेँल काम हारू धनेवाद आलवु आराधना हे ! परमेश्वरे हमने बसाय हे | परमेश्वर हम थी प्रेम करे हे | परमेश्वर हमारी हारू बद्दी वस्तु नी वेवस्ता करे हे | परमेश्वर हमनें रास्तो वताड़े अनें अगुवाई करे हे | आपड़े केंम नें हेँनु धनेवाद करवु जुगे ? परमेश्वर पवित्र हे ,प्रेमी ,दयाळु अनें अनुग्रह थी भरेंलो हे | प्रकाशितवाक्य 4:11 जाहेर करे हे के , “हे हमारा प्रभू अनें परमेश्वर ,तुस महिमा अनें मान ,अनें साम्रत नें लाएंक हे ,केंमके तेंस बद्दी वस्तुवें बणावी अनें वेये तारिस मरजी थी हीती अनें बणाम आवी

3. परमेश्वर इपेर धियान लगाडवा हारू दर रुंज टाएंम काडे |

आपडी हारू दर रुंज परमेश्वर इपेर धीयान लगाडवु घणु खास हे | अमुक मनख एंनें “मोन टाएंम” के हे | बीज मनख एंनें “भक्ती मनन”के हे ,केंमके इयो एंवो टाएंम रे हे झर आपु पुतानें परमेश्वर नें हामें समर्पित करज्ये हे | अमुक मनख एंना टाएंम नें हवेंर म अलग करे हे ,झर के अमुक मनख एंनें हारू हांज ना टाएंम नें पेलो लावे हे | एंनें थी कई फरक नहें पडतो के तमु एंना टाएंम नें हुं को हे अनें एंनें केंर करो हे | झी वात खास हे वेये आ हे के तमु नक्की टाएंमें परमेश्वर नें हातें टाएंम काडो | कईनी वातें मळेंनें परमेश्वर नें हातें आपडा टाएंम नें बणावे हे ?

(क)प्रार्थना – प्रार्थना हेला तरीका थी परमेश्वर थी वात करवी हे | पुतानी सिन्ताए नें समस्या व ना बाराम परमेश्वर हातें वातें करे | परमेश्वर थी तमनें गियन अनें रस्तानी अगवाई हारू को | पुतानी जरुरतें नें मेंळववा हारू परमेश्वर थी को | परमेश्वर नें वताडो के तमु हेंनें थी केंतरो वदार प्रेम करो हे , अनें झी वेयो तमारी हारू करे हे हेंने हारू तमु हेंनें केंतरो इयाद करो हे | इनीस बद्दी वात नें प्रार्थना केंवाएं हे |

(अनें/के बाईबल भणवानी कलास म बाईबल नु शिक्षण लेंवा ना हारू तमारे पुते हारू बाईबल वासवू जरुरी हे | बाईबल म एक सफळ मसीही जीवन सलाडवा हारु वेयु बद्दू सामन आलवाम आयु हे झेंनें तमारे जाणवानी जरूर हे | एंनम परमेश्वर नो वेयो रस्तो वताडवाम आयो हे के केंकेंम सई फेसल नें लेंवाम आवे ,केंकेंम परमेश्वर नी मरजी नें जाणे ,बीज नी भाळ देंख केंकेंम करे अनें आत्मिक विकास केंकेंम करे | बाईबल आपडी हारू परमेश्वर नु वसन हे | आपु आपडा जीवन नें जरुरत परमणें कईना तरीका थी सलाडज्ये एंनें बाईबल परमेश्वर नी अगवाई नी सोपडी हे झेंनें थी के वेयो खुश थाए जाए अनें आपु राजू थाज्ये |

4. एंव मनख थी संबंध वदारो झी तमारी आत्मिक मदद करें सके हे |

1कुरिन्थियो 15:33 आप नें वताडे हे के , “धुखो नें खावो : ’भुंडी संगती ताजा साल सलन नें वगाड दडे हे |”’ बाईबल आप इपेर पडवा वाळ “भुंड” मनख ना परभाव ना बाराम आलेंली सेतावणी थी भरीली पडी हे | पाप थकि दौड म जुडाएंल मनख नें हातें टाएंम काडवो आपडे हुदो हिनी दौड नें दुवारा परिक्षण म नाखें देंवानु कारण बणें जाए हे | आपु झण मनख नें आजु बाजु हे हेंननी वेवार आपडी हुदो हेंननी “साप” सुंड दे हे | एंतरे इयु घणु खास हे के आपु एंव मनख नें पुतानी सारें मेर राखज्ये झी प्रभू थी प्रेम करे हे अनें हेंनें हातें बणेंलु हे |

एक के बे दोसदार नें ,साएद पुतानी मंडली मही जुवा नी कोशिश करे ,झी तमारी मदद करें सकें हे अनें तमनें धडाव आले (इब्रानियो3:13;10:24) | तमार दोसदार थी को वेय तमारा नवरा टाएंम म ,तमारी दौड अनें परमेश्वर नें हातें तमारी साल नी संबंध म तमनें जवाब देह बणावे राखे | हेंन थी पुसो के हुं तमु हुद हेंन हारू वेवूस करें सको हे | एंनो आ मतलब नहें के तमारे हेंन बद्द दोसदार नें सूडव पडे झी ईसु नें पुतानो तारणहारा ना रूप म नहें जाणत | हेंनना दोसदार हमेशा बणें रो अनें हेंन थी प्रेम राखो | बस हेलाई थी हेंननें जाणवा दो के ईसुवें तमारा जीवन नें बदलें देंद हे अनें आवू तमु हेंन बद्द काम नें नहें करें सकत झी पेल करें करत हेंत | परमेश्वर थी को के वेयो तमनें ईसु ना बारा म तमार दोसदार नें वताडवा हारू मुंखो आले |

5. बाप्तिस्म लें |

घण बद मनख नें बाप्तिस्म ना बाराम भरम हे | शब्द “बाप्तिस्म” नु अरथ पाणें म बुडवू हे | बाप्तिस्म ईसु म पुताना नवा विस्वास अनें हेंनें हातें सालवानें तमारा समर्पण नें बद्दनें हामें जाहेर कारवानो एक बाईबल परमणें तरीको हे | पाणें म बुडवानी विधी एंम वताडे हे के आपु मसीह नें हातें डाटवाम आय हे | पाणें मही बारत आववानी विधी ईसु नु जीवी उठवा नु सित्रण हे | बाप्तिस्म लेंवा थी पुतानें ईसु नी मोत ,हेंनु दटावू अनें जीवी उठवा नें हातें वळखण कराववू हे (रोमियो 6:3-4)|

बाप्तिस्म वेयु नहें झी तमनें बसावे हे | बाप्तिस्म तमार पाप नें नहें धुवेतू | बाप्तिस्म ते बस एक आग्या पाळवानु एक पगलू हे ,तारण हारू खाली मसीह मस तमारा विस्वास नी एक बद्द नें हामें जाहेंरात हे | बाप्तिस्म एंतरे हारू खास जरुरी हे केंमके इयु- मसीह इपेर तमारा विस्वास अनें हेंनें हातें तमारे सालवानी जाहेरात हारू आग्या मानवानु एक पगलू हे | अगर तमु बाप्तिस्म लेंवा हारू तियार हे ते तमारे कईनाक पादरी थी वात करवी जुगे |



भीली ना पेल्ला पाना उपर पासा जो



मेंह हमण हमण मारो विस्वास ईसु म मेंल्यो हे ...आवू अग्येड हुं हे?