हुं ईसु परमेश्वर हे? हुं ईसुवें परमेश्वर होवा नो दावो कर्यो?



प्रश्न: हुं ईसु परमेश्वर हे? हुं ईसुवें परमेश्वर होवा नो दावो कर्यो?

उत्तर:
बाईबल हम नें खीती ये असल पाक्कू वखाण नहें करती के ईसुवें एंन शब्द नें केंदू वेह के, “हू परमेश्वर हे |” पुण ते हुदो ,एंनो आ अरथ नहें हे के हेंने केंर ये आ जाहेर नें करी वेह के वेयो परमेश्वर हे | दाखला तरीके युहन्ना 10:30 म ईसु न एंन शब्द नें लो , “हू अनें बा एक हे |” आप नें ईसु ना आ केंवा थी करेंली आशा नें आ भाळ्वा हारू करवु जुगे के वेयो परमेश्वर होवानो दावो करें रियो हेतो | एंनें लेंदेस मनखवें ईसुने पत्थर मारो करवा नु साईहुं |” तू माणस थाएनें पुते पुतानें परमेश्वर बणावे हे”(युहन्ना 10:33)| यहूदी असल रीति थी ईसु ना केंवा ना अरथ नें हमजें ज्या हेता नें हेंना- ईश्वरत्व ना दावा नें | धियान करो के ईसु पुतानें परमेश्वर होवा ना दावा नें खारस नहें करतो | झर ईसु आ जाहेर करे हे के “हू अनें बा एक हे” (युहन्ना 10:30), ते वेयो एंम कें रियो हेतो के वेयो अनें बा सोभाव अनें वस्तु म एक हे | युहन्ना 8:58 एक बीजो दाखलो हे | ईसुवें जाहेर करी के, “हू तम थी हासु हासु कुं हे ,के पेल एंनें के इब्राहीम पेदा थायो ,हू हे !” झण यहुदीय वें आ कथन नें हामळयु हेंननु काम पाणा लेंनें इसु नी निंदा ने लेंदे हेंनो पत्थर मारो करेंनें मारवो हेतो बिलकुल वेंमेस झेंम मूसा ना नियमें हेंननें आदेस आल्यू हेंतु (लेव्यव्यवस्था 24:15) |

युहन्ना ईसु ना ईश्वरत्व नी धारणा नें पासो के हे के : “वसन परमेश्वर हेंतु” अनें “शरीर रूप थायु” |(युहन्ना 1:1,1:14)| आ आयतें साफ इशारो करे हे के ईसुस शरीर रूप म परमेश्वर हे | प्रेरितो 20:28 आप नें वताडे हे के ,तमु परमेश्वर नी मंडली नी रखवाळी करो ,झेंनें हेंने पुताना लुई थी वेसातो लें लेंदो हे |” झेंने मंडली नें वेंसाती लें लेंदी हे – परमेश्वर नी मंडली नें – पुताना लुई थी वेंसाती लें लीदी हे ? एंतरे ईसु मसीह वें | प्रेरितो 20:28 जाहेर करे हे के परमेश्वरें पुतानी मंडली नें पुताना लुई थी वेंसाती लें लेंदी हे | एंतरे हारू ,ईसुस परमेश्वर हे !

सेंला थोमा नें ईसु ना सबंध म ईवी जाहेर करी हिती के, “हे मारा प्रभू,हे मारा परमेश्वर”(युहन्ना 20:28)| ईसुवें हेंनें नहें हदार्यो | तीतूस 2:13 आपडे आपडा परमेश्वर अनें तारणहारा ,ईसु मसीह ना आववा हारू वाट जुवा हारू खुश करे हे | इब्रानियो 1:8 म ,बा ईसु हारू ईवी जाहेर करे हे के, “पुण बेंटा ना बाराम के हे के, ‘हे परमेश्वर ,तारी राज गद्दी जुग जुग रेंहे ,तारा राज्य नो राज दंड निया नो राजदंड हे |” बा ईसु नें “हे परमेश्वर” कें नें खोलासो करें रियो हे झेंने लेंदे ईसुस पको परमेश्वर हे |

प्रकाशितवाक्य म,एक हरगदूत प्रेरित युहन्ना नें खाली परमेश्वर नेंस पोगें लागवा हारू हमजाडे हे (प्रकाशितवाक्य 19:10) | पवित्र शास्त्र म कितरी वखत ईसुवें आराधना नें मेंळवी हे (मत्ती 2:11,14:33,28:9,17;लूका 24:52;युहन्ना 9:38)| हेंने मनख नें केंर ये हिनी आराधना करवा हारू फटकार्य | अगर ईसु परमेश्वर नें हेतो,ते हेंने मनख थी कें देंदु वेह के हिनी आराधना नें करे ,ठीक वेमेंस झेंम हरगदूते प्रकाशितवाक्य म कर्यु | आं घणी बीजी हुदी आयतें अनें पवित्रशाश्त्र ना संदर्भ हे झी ईसु ना ईश्वरत्व नी दलील आले हे |

बद्द करत खास कारण के हुका ईसु नें परमेश्वर थावू हेंतु वेयु आ हे के अगर ईसु परमेश्वर नहें ,ते हिनी मोत आखा संसार न पाप ना दंड नी किमत सुकववा हारू पुरी नें थाए सक्ती हिती (1 युहन्ना 2:2)| अगर वेयो परमेश्वर नें हेतो ते ईसु खाली एक बणावेंलो वेक्ती रेतो ,वेयो माप वगर परमेश्वर नें हामें पाप हारू मांगेंला माप वगर दंड नें सुकवें नें सक्तो हेतो | खाली परमेश्वरेंस एक एंवा मोंटा माप वगर दंड नें सुकवें सके हे | खाली परमेश्वरेंस इनी संसार न पाप नें तुकें लें जाएं सके हे (2 कुरिन्थियो 5:21), मरें सके हे ,अनें जीवी उठवा ना दुवारा,मोत अनें पाप नें इपेर पुतानी जीत नें साबित करें सके हे |



भीली ना पेल्ला पाना उपर पासा जो



हुं ईसु परमेश्वर हे? हुं ईसुवें परमेश्वर होवा नो दावो कर्यो?