Vraag
Wat is verheerliking?
Antwoord
Die kort antwoord is dat “verheerliking” is God se finale verwydering van sonde van die lewens van die heiliges (elkeen wat gered is) in die ewige toestand (Rom 8:18; 2 Kor 4:17). Wanneer Christus kom, sal God se heerlikheid (Rom 5:2) – Sy eer, lofprysing, majesteit en heiligheid – in ons realiseer; in plaas van om sterflikes te wees, met die las van ‘n sondige natuur, sal ons verander word in heilige onsterflikes, met direkte en ongehinderde toegang tot God se teenwoordigheid en sal ons heilige Nagmaal saam met Hom geniet, regdeur tot in ewigheid. Deur verheerliking in ag te neem, moet ons op Christus fokus, want Hy is elke Christen se “geseënde hoop”; ook mag ons finale verheerliking beskou as die hoogtepunt van heiligmaking.
Finale verheerliking is die afwagting van die manifestasie van die heerlikheid van ons groot God en Verlosser Jesus Christus (Titus 2:13; 1 Tim 6:14). Tot Hy weer kom, is ons gelaai met sonde en ons geestelike sig is versteur as gevolg van die vloek. “Nou kyk ons nog in ‘n dowwe spieël en sien ‘n raaiselagtige beeld, maar eendag sal ons alles sien soos dit werklik is. Nou ken ek net gedeeltelik, maar eendag sal ek ten volle ken, soos God my ten volle ken” (1 Kor 13:12). Elke dag moet ons arbeidsaam wees deur die Gees om ‘n einde te maak aan alles wat “vleeslik” (sondig) is in ons (Rom 8:13).
Hoe en wanneer sal ons uiteindelik verheerlik word? Wanneer die laaste trompet blaas, wanneer Jesus kom, sal die heiliges ‘n fundamentele, onmiddellike transformasie ondergaan (“By die laaste trompet sal dit in ‘n oomblik, in ‘n oogknip gebeur” – 1 Kor 15:52); dan sal die “dooies” verander in “onverganklikes” (1 Kor 15:52). Tog wys 2 Kor 3:18 duidelik daarop dat, op ‘n misterieuse wyse, “ons almal” in die teenswoordige tyd, “weerspieël die heerlikheid van die Here, want die sluier is van ons gesig af weggeneem. Ons word al meer verander om aan die beeld van Christus gelyk te word. Die heerlikheid wat van ons uitstraal, neem steeds toe” (2 Kor 3:18). Uit vrees dat enigeen hom verbeel dat hierdie transformasie (as deel van heiligmaking) die werk is van veral geheiligde mense, voeg die Skrif die volgende stukkie inligting by: “Dit doen die Here wat die Gees is.” Met ander woorde, dit is ‘n seëning wat op elke gelowige uitgestort word. Dit verwys nie na ons finale verheerliking nie, maar na ‘n aspek van heiligmaking, waardeur die Gees ons reeds nou verander. Aan Hom al die eer vir Sy werk van heiligmaking deur die Gees aan ons, in waarheid (Judas 24-25; Joh 17:17; 4:23).
Ons moet verstaan wat die Skrif ons leer oor die natuur van heerlikheid – beide God se onoortreflike heerlikheid en ons deel daarin met Sy wederkoms. God se heerlikheid verwys nie sonder meer na die ontoeganklike lig wat die Here bewoon nie (1 Tim 6:15-16), maar ook Sy eer (Luk 2:13) en heiligheid. Die “U” waarna verwys word in Ps 104:2 is dieselfde God waarna verwys word in1 Tim 6:15-16; “U is met ‘n kleed van lig omhul (Ps 104:2; 93:1; Job 37:22; 40:10). Wanneer die Here Jesus terugkeer in Sy groot heerlikheid om te oordeel (Matt 24:29-31; 25:31-35). Hy sal dit so doen as die enigste soewereine Heerser, wat alleen ewige heerskappy het (1 Tim 6:14-16).
Geskape wesens durf nie staar na God se ontsagwekkende heerlikheid nie; soos Esegiël (Eseg 1:4-29) en Simon Petrus (Luk 5:8), Jesaja was verwoes deur selfhaat in die teenwoordigheid van die Allerheiligste God. Nadat die serafs uitgeroep het, “Heilig, heilig, heilig is die Here die Almagtige! Die hele aarde is vol van Sy magtige teenwoordigheid.” Jesaja het gesê, “Dit is klaar met my! Ek is verlore! Elke woord oor my lippe is onrein en ek woon onder ‘n volk van wie elke woord onrein is. En nou het ek die Koning gesien, die Here die Almagtige” (Jes 6:4-5). Selfs die serafs het getoon dat hulle onwaardig was om na die ontsagwekkende, goddelike heerlikheid te staar, deur hul gesigte met hul vlerke te bedek.
God se heerlikheid kan van gepraat word as “swaar” of “gewigtig”; die Hebreeeuse woord “kabod” beteken letterlik “swaar of drukkend”; meestal is die Skriftuurlike gebruik van “kabod” figuurlik (dit is “swaar met sonde”), waarvan ons dan die indruk kry van die “gewigtigheid” van ‘n persoon wat eerbaar, imposant is of waardig is om te respekteer.
Toe die Here Jesus mens geword het (geïnkarneer was), het Hy beide die “gewigtige” heiligheid van God en die volheid van Sy genade en waarheid geopenbaar (“Die Woord het mens geword en onder ons kom woon. Ons het Sy heerlikheid gesien, die heerlikheid wat Hy, as die enigste Seun, van die Vader het, vol genade en waarheid” – Joh 1:14, 17:1-5). Die heerlikheid deur die geïnkarneerde Christus geopenbaar, vergesel die bediening van die Gees (2 Kor 3:7); dit is onveranderlik en permanent (Jes 4:6-7; Job 14:2; Ps 102:11; 103:15; Jakobus 1:10). Die vorige manifestasies van God se heerlikheid was tydelik, soos die ligglans van God se heerlikheid van Moses se gesig verdwyn het. Moses het sy gesig bedek met ‘n sluier, sodat die die verharde Israeliete nie kon sien dat die heerlikheid verdwyn nie (1 Kor 3:12), maar in ons geval is die sluier deur Christus verwyder en ons reflekteer die heerlikheid van die Here en soek deur middel van die Gees om soos Hy te wees.
In Sy hoëpriesterlike gebed, het die Here Jesus gevra dat God ons deur die waarheid aan Hom moet toewy (ons heilig maak; Joh 17:17); heiligmaking is nodig vir ons om Jesus se heerlikheid te sien en met Hom te wees in ‘n ewige verhouding (Joh 17:21-24). “Vader, Ek wil graag hê dat waar Ek is, hulle wat U My gegee het, ook by My moet wees, sodat hulle My heerlikheid kan sien, die heerlikheid wat U My gegee het, omdat U My al voor die skepping van die wêreld liefgehad het” (Joh 17:24). Indien die verheerliking van die heiliges die patroon volg wat in die Skrif geopenbaar is, moet dit ons deelname in die heerlikheid meebring (die heiligheid) van God.
Volgens Fil 3:20-21, is ons burgerskap in die hemel en wanneer ons Verlosser weer kom, sal Hy ons aardse liggame verander om soos Sy verheerlikte liggaam te lyk. Alhoewel dit nog nie geopenbaar is wat ons sal wees nie, weet ons, dat wanneer Hy in groot heerlikheid kom, ons soos Hy sal wees, want ons sal Hom sien soos Hy is (1 Joh 3:2). Ons sal volmaak verander wees na die beeld van ons Here Jesus en soos Hy wees, want ons menslikheid sal vry van sonde wees en die gevolge daarvan. Ons geseënde hoop sal ons aanspoor tot heiligheid, deur die Gees wat ons help. “Elkeen wat hierdie verwagting in verband met Hom koester, hou homself rein, soos Jesus rein is” (1 Joh 3:3).
English
Wat is verheerliking?
