Suraq
Qabyldyń áieli kim bolǵan? Qabyldyń áieli onyń qaryndasy boldy ma?
Jaýap
Kieli kitapta Qabyldyń áieliniń kim bolǵany anyqtap aitylmaǵan. Osynyń eń yqtimal jaýaby mynandai bolar: Qabyldyń áieli ne onyń týǵan qaryndasy ne jien qaryndasy bolǵan shyǵar. Ábildi óltirgen kezde Qabyldyń neshe jasta bolǵany da Kieli kitapta aitylmaǵan (Jaratylys. bast. 4:8). Ekeýi de er jetip, sharýashy bolǵandyqtan olardyń óz otbasylary bolǵan shyǵar. Ábil óltirilgen kezde Adam ata men Xaýa ananyń basqa balalary da bar bolsa kerek (Jaratylys. bast. 5:4). Qabyl Ábildi óltirgennen keiin óziniń ómiri úshin qorqyp, janyn saqtaǵysy kelip, qashyp ketpekshi boldy (Jaratylys. bast. 4:14). Osy jaǵdai da Adam ata men Xaýa ananyń kóptegen basqa balalarynyń bar bolǵanyna meńzeidi. Qabyldyń áieli (Jaratylys. bast. 4:17) Adam ata men Xaýa ananyń ne qyzy, ne nemeresi bolǵan.
Adam ata men Xaýa ana alǵashqy adamdar bolǵandyqtan olardyń balalaryna bir-birine úilenýge týra keldi. Alǵashqyda Qudai osyǵan tyiym salmady, biraq adamdardyń sany kóbeigennen keiin osylai nekelesýdiń qajeti joq boldy (Leýilik. 18:6-18). Jaqyn týysqandardyń (mysaly birdei ata-anadan týylǵan aǵaiyndylardyń) arasynda bolǵan jynystyq qatynastan jii kemtar balalar týylady, óitkeni ata-ananyń ekeýinde de birdei genetikalyq kemshilikter bolýy múmkin. Al ár túrli otbasylardan shyqqan adamdar bir-birine úilengen kezde olarda birdei genetikalyq kemshilikter ádette bolmaidy. Adamdardyń genetikalyq kodtary ǵasyrlar boiy búlinip, olardyń kemshilikteri kóbeiip ári kúsheiip, urpaqtan urpaqqa berilip keledi. Adam ata men Xaýa ana eń alǵashqy adamdar bolǵandyqtan olardyń eshqandai genetikalyq kemshilikteri bolǵan joq. Olardyń balalarynda az ǵana kemshilikter bolǵan, sondyqtan olar bir-birine úilene aldy. Qabyldyń óziniń qaryndasyna úilengeni oǵash, tipti jirkenishti nárse bolyp kórinýi múmkin. Qudai eń alǵashqyda bir erkek pen bir áieldi ǵana jaratqandyqtan olardyń balalaryna bir-birine úilenýden basqa amal bolmaǵan.
English
Qabyldyń áieli kim bolǵan? Qabyldyń áieli onyń qaryndasy boldy ma?