Suraq
Men musylman bola tura nege másixshige ainalýym kerek?
Jaýap
Islam men másixshiliktiń arasyndaǵy bailanysty taldaǵan kezde Qurandaǵy Isa týraly aitylǵan paiymdaýlar eń qyzyq taqyryp bolyp shyǵady. Quranda Isa jaily mynandai nárseler aitylady: Alla Isany adamzatqa jiberip, Onyń boiyna Kieli Rýxty darytty (Súre 2:87); Alla Isany maqtady (Súre 2:253); Isa kúnádan taza ári dindar Tulǵa bolǵan (Súre 3:46; 6:85; 19:19); Isa ólimnen qaita tirildi (Súre 19:33-34); Alla Isaǵa jańa din jasaýdy buiyrdy (Súre 42:13); Isa kókke kóterildi (Súre 4:157-158). Osynyń nátijesinde shynaiy musylmandar Isanyń ilimimen tanysyp, Onyń erejelerine muiynsuný kerek (Súre 3:48-49; 5:46).
Isanyń shákirtteri Onyń aitqanyn jazyp, Onyń ilimin adamzatqa Injil (Izgi xabarlar) arqyly jetkizdi. 5-súreniń 111-ayatynda Alla osy shákirtterge Isaǵa jáne Onyń xabaryna senýdi buiyrady. 61-súreniń 6,14-ayattarynda Isa men Onyń shákirtteri Allanyń kómekshileri retinde sipattalady. Isanyń shákirtteri shynymen Allanyń kómekshileri bolsa, onda olar Isanyń ilimin dálme-dál ári durys jazǵan bolar. Sonymen birge Quran musylmandarǵa Taýrat pen Injilde jazylǵanǵa baǵynyp, onyń barlyǵyn oryndaýdy buiyrady (Súre 5:44-48). Eger Isa shynymen kúnásyz ári taza Tulǵa bolsa, onyń úiretken ilimi sózsiz durys bolý kerek. Taǵy mynany aita keteiik: Isanyń shákirtteri shynymen Allanyń kómekshileri bolsa, onda olar Isanyń ilimin qaǵazǵa dálme-dál ári durys túsirgen bolar.
Alla Muxamet paiǵambar arqyly musylmandarǵa Injildi zertteýdi buiyrady. Eger Injil burmalanǵan jáne búlingen bolǵanda Qudai osyndai nusqaý bermes edi. Bul jaǵdai Muxamettiń zamanyndaǵy Injildiń kóshirmeleriniń senimdi ári durys bolǵanynyń dáleli. Injildiń kóshirmeleri tipti Muxamet ómir súrgen kezden 450 jyldai buryn bar bolǵan. Negizinde álemde Injildiń myńdaǵan kóshirmeleri bar. Injildiń kóne kóshirmelerin de, Muxamettiń zamanyndaǵy jáne odan keiingi kóshirmelerdi de bir-birimen salystyrǵan kezde olardaǵy Isa men Onyń ilimi jaily málimettiń esh ózgermegenin baiqaýǵa bolady. «Injil burmalanǵan» degen qate pikirdi qoldaityn eshqandai dálel joq. Sonyqtan biz mynaǵan nyq sene alamyz: Isanyń ilimi durys ári shynaiy; Injilde Isanyń ilimi jaily jazylǵannyń bári durys; Alla Taǵala Injildi burynnan beri qorǵap saqtap keledi.
Al Injilde Isa týraly ne jazylǵan? Joxan 14:6 ayatynda Isa bylai deidi: «Jol, shyndyq jáne shynaiy ómir Menmin. Men arqyly bolmasa, eshkim de Ákege bara almaidy». Isa Óziniń Qudaiǵa aparatyn jalǵyz jol ekenin aitty. Matai 20:19 ayatynda Isa Óziniń aiqyshqa shegelenip óltiriletinin jáne úshinshi kúni ólimnen qaita tiriletinin aitady. Biz Izgi xabarlardy oqyǵan kezde osynyń báriniń Isa aldyn ala aitqandai bolǵanyn kóremiz (Matai 27-28-taraýlar, Marqa 15-16-taraýlar, Luqa 23-24-taraýlar, Joxan 19-21-taraýlar). Isa Allanyń uly paiǵambary bola tura nege Ózin adamdarǵa óltirtkizdi? Alla nege osyǵan jol berdi? Óitkeni Isa: «Adamnyń dostaryna kórsetetin eń zor súiispenshiligi – olar úshin ómirin qurban etýi» degen (Joxan 15:13). Joxan 3:16 ayatynda Qudai bizdi súigendikten Isany qurbandyqqa berdi dep aitylǵan.
Isa nege biz úshin ómirin qiyuǵa májbúr boldy? Islam men másixshiliktiń arasyndaǵy eń basty aiyrmashylyq osynda. Islam ilimi boiynsha Alla bizdiń igi isterimiz ben jaman isterimizdi salystyryp baryp bizdiń taǵdyrymyzdy sheshpek. Másixshilik ilim boiynsha adam óz jaman isterin igi isterimen eshqashan jýyp shaya almaidy. Adamnyń igi isteri kóbirek bolǵannyń ózinde de minsiz ári kieli Alla adamdy tipti istegen bir kúnásyna bola kókke kirgizbeitin edi. Demek kieli Alla kókke esh minsizdikti jolata almaidy. Sondyqtan bizge tozaqqa ketýden basqa eshteńe qalmaidy, óitkeni kieli Allanyń talaby boiynsha kúnákar pende máńgi-baqi jazalanýǵa tiis. Isanyń biz úshin qurban bolýynyń sebebi osy.
Quranda aitylǵandai Isa kúnásyz Tulǵa bolǵan. Adam qalaisha bir de kúná jasamai ómir súre alady? Bul bolýy múmkin emes nárse. Al Isa osyny qalai istedi? Isa jai adam bolǵan joq, óitkeni Ol Ózin Qudai dep atady (Joxan 10:30). Sonymen birge Isa Óziniń Taýrattaǵy Qudai ekenin de aitty (Joxan 8:58). Injildegi Izgi xabarlardyń barlyǵy Isanyń osy dúniege adam keiipinde kelgen Qudai ekenin úiretedi (Joxan 1:1,14). Qudai bizdiń barlyǵymyzdyń kúnáǵa batqanymyzdy jáne kókke kire almaitynymyzdy bilgen. Sondyqtan Ol bizdiń kúnámyzdyń qunyn óteýdiń jalǵyz jolyn tapty. Qudai osyndai orasan baǵany Ózinen basqa eshkimniń tólei almaitynyn da bilgen. Sondyqtan Qudai adamǵa, yaǵni Isa Másixke ainalyp, kúnásyz ómir súrip (Súreler: 3:46; 6:85; 19:19), adamdarǵa minsiz xabardy úiretip, biz úshin ólip, bizdiń kúnámyzdyń qunyn tóledi. Qudai osyny bizdi qatty súigendikten istedi, óitkeni Ol bizdiń Onymen jumaqta birge bolǵanymyzdy qalaidy.
Siz osyǵan ne aitasyz? Isa bizdiń kúnálarymyz úshin berilgen minsiz qurbandyq bolǵan. Biz Qudaidyń ózimizge bergisi keletin osy syilyǵyn qabyldasaq, Ol bizdi keshirip qutqarady (Joxan 1:12). Biz Isanyń ózimiz úshin, demek Onyń dostary úshin janyn qiǵanyna jáne bizdiń Qutqarýshymyz bolǵanyna senýimiz kerek. Eger siz Isany Qutqarýshyńyz retinde qabyldap, Oǵan senim artsańyz, onda siz máńgilik ómirge ie bolǵanyńyzǵa jáne jumaqqa baratynyńyzǵa nyq sene alasyz. Qudai sizdiń kúnálaryńyzdy keshirip, jan-dúnieńizdi tazartyp, rýxyńyzdy jańartyp, osy álemdegi ómirińizdi maǵynaly etip, o dúniede barǵan kezińizde sizge máńgilik ómir beredi. Siz osyndai asyl syilyqtan qalai bas tartpaqsyz? Súiispenshilikke toly jáne biz úshin Ózin qurbandyqqa bergen Qudaidan biz qalai bas tartamyz?
Eger siz ózińizdiń nege senip júrgenińizdi anyq bilmeseńiz, biz sizdi birge minajat etýge shaqyramyz: «Qudai, maǵan neniń shyndyq neniń qate ekenin túsinýge kómektesshi. Maǵan qutqarylýǵa aparatyn durys joldy kórsete gór dep ótinemin!» Qudai osyndai minajatty jaýapsyz qaldyrmas.
Eger siz Qutqarýshy Isany júregińizge shaqyrǵyńyz kelse, Qudaiǵa ánsheiin daýystap nemese ishińizden sóilep, Onyń Isa arqyly beretin qutqarylýyn qabyldaitynyńyzdy aityńyz. Siz bylai minajat ete alasyz: «Qudai, Seniń maǵan degen súiispenshiligiń úshin Ózińe raxmet aitamyn. Ózińdi men úshin qurban etkenińe de myń da bir alǵys. Maǵan keshirim men qutqarylýdy syilaǵanyń úshin raxmet. Men Isa arqyly beriletin syilyǵyńdy, yaǵni qutqarylýdy qabyldaimyn. Isany Qutqarýshym dep dáriptep, Oǵan senim artamyn. Qudai Iem, men Seni súiemin jáne ómirimdi Saǵan baǵyshtaimyn. Aýmin!»
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Men musylman bola tura nege másixshige ainalýym kerek?