Suraq
Kieli kitap araq-sharap ishý jaiynda ne aitady? Másixshiniń araq-sharap ishkeni kúnáǵa jatady ma?
Jaýap
Kieli kitapta araq-sharap ishý jaily eskertýler kóp (Leýilik. 10:9; Rý. sanaý 6:3; Zań. qaital. 29:6; Biler 13:4,7,14; Patsha. 1-jazba 1:15; Naqyl sóz. 20:1; 31:4,6; Ishaya 5:11,22; 24:9; 28:7; 29:9; 56:12; Mixa 2:11; Luqa 1:15). Degenmen Kieli kitap másixshilerge syra, sharap nemese quramynda alkogol bar basqa sýsyndardy ishýge qatal tyiym salmaidy. Kieli jazbanyń keibir úzindileri tipti osyny qoldaityn siyaqty. Ýaǵyzdaýshy kitabynyń 9:7 ayatynda: «Káne, júr, ...sýsynyńdy (sharabyńdy) shattana ish» dep aitylǵan. Zabýr kitabynyń 103:14-15 ayattarynda Qudaidyń pendege «júregin qýantar sharapty da» beretini týraly jazylǵan. Amos kitabynyń 9:14 ayatynda «júzimdikter men baý-baqshalar otyrǵyzyp, solardyń shyrynyn iship, jemisin jeý» úlken bata dep estepteledi. Al Ishaya 55:1 ayatynda: «Iá, kelip, sharap pen sútti aqsha tólemei-aq tegin alyńdar» degen úndeý bar.
Alaida Qudai másixshilerdi mas bolýdan saqtandyrǵysy keledi (Efes. xat 5:18). Kieli kitap maskúnemdik pen onyń zardaptaryn qatań áshkereleidi (Naqyl sóz. 23:29-35). Sonymen birge Qudai másixshilerge ózderin (yaǵni denelerin) «qul etetin esh nárseniń biliginde» bolmaýdy eskertedi (Qorynt. 1-xat 6:12; Petir. 2-xaty 2:19). Araq-sharapty mólsherden tys ishken adam mindetti túrde oǵan qumar bolyp ketedi. Sondai-aq Kieli jazbada mynandai eskertý de bar: másixshi óziniń burys áreketterimen óz rýxani baýyrlastaryn týra joldan taidyrmaý kerek, demek olardyń óz ar-ujandaryna qarsy kúná jasaýlaryna túrtki bermeý kerek (Qorynt. 1-xat 8:9-13). Osy erejelerge júgingen kezde másixshiniń araq-sharap ishýin Qudaidyń atyn madaqtaityn áreketke jatqyzý óte qiyn (Qorynt. 1-xat 10:31).
Isa sýdy sharapqa ainaldyrǵan. Sol kezde Isanyń Ózi de sharap ishken siyaqty (Joxan 2:1-11; Matai 26:29). Jańa kelisim zamanynda sý taza emes bolǵan. Sol kezde adamdar qazirgi zamannyń tazartý ádisterin qoldanbaityn, sondyqtan sý bakteriya, virýs jáne basqa da qaýipti nárselerge toly bolǵan. Qazirgi zamanda damymaǵan («úshinshi dúniege jatatyn») elderdiń jaǵdaiy da sondai. Sondyqtan sol kezde adamdar sharap (nemese júzim shyrynyn) ishýge tyrysatyn, óitkeni ol sýǵa qaraǵanda tazaraq bolǵan. Timote. 1-xat 5:23 ayatynda Paýyl Timotege: «budan bylai tek sý ǵana ishpei, azdap sharap ta ish» - dep nusqaý beredi (Timoteniń asqazany jii sý ishkennen aýyrǵan shyǵar). Sol kezdegi sharap qazirgi sharaptai kúshti bolǵan joq, alaida ony ánsheiin júzim shyryny bolǵan dep oilaǵanymyz da qate bolar. Sonymen birge onyń kúshtiligi qazirgi sharaptikindei bolǵan dep paiymdaǵanymyz da durys bolmas. Kieli kitaptyń sharap, syra nemese quramynda alkogol bar basqa sýsyndardy ishýge qatal tyiym salmaitynyn qaita aita keteiik. Alkogoldiń ózi - kúnámen lastanbaǵan nárse. Adamnyń alkogolge qumar bolyp ketetini kúná bolyp tabylady. Sondyqtan másixshi maskúnemdikke salynyp ketýden aýlaq bolý kerek (Efes. xat 5:18; Qorynt. 1-xat 6:12).
Araq-sharapty az mólshermen ishetin adam odan ziyan shekpeidi jáne oǵan qumar bolmaidy. Keibir dárigerler azdap qyzyl sharap ishý densaýlyqqa, ásirese júrekke paidaly dep esepteidi. Araq-sharapty azdap ishý - másixshilerdiń erkindiginiń nyshany, al araq-sharapqa qumar bolý men maskúnemdik – kúnáǵa jatady. Kieli kitapta araq-sharapty ishý men onyń burys yqpaldary týraly kóp aitylady jáne osy jaily kóptegen eskertýler beriledi, óitkeni adamdardyń kóbisi tez azǵyrylyp, osyndai sýsyndardy tiisti mólsherden tys iship qoyady, sonymen birge araq-sharap ishetin másixshi basqa adamdardyń súrinýine sebep bolýy múmkin. Osy sebepten másixshiniń araq-sharapty múldem ishpegeni durys bolar.
English
Kieli kitap araq-sharap ishý jaiynda ne aitady? Másixshiniń araq-sharap ishkeni kúnáǵa jatady ma?