Suraq
Adam senim arqyly ǵana qutqarylady ma álde senimge qosa igi ister jasaý kerek pe?
Jaýap
Bul saýal másixshilik teologiyanyń eń mańyzdy taqyryby bolar. Osy suraq Reformaciya qozǵalysynyń paida bolýyna sebep boldy, osy qozǵalystyń nátijesinde másixshilik qaýym protestanttar men katolikterge bólinip ketti. Kieli kitaptaǵy aqiqatqa negizdelgen shynaiy másixshilik pen «másixshilik» sektalardyń aiyrmashylyǵy osy saýal arqyly kórinedi. Adam senim arqyly ǵana qutqarylady ma álde senimge qosa igi ister jasaý kerek? Men Isaǵa senim artý arqyly ǵana qutqarylamyn ba álde Isaǵa senim artqanyma qosa bir arnaiy ister jasaýǵa tiistimin be?
Biz Kieli kitaptaǵy keibir úzindilerdi oqyǵan kezde senim men igi ister týraly osy taqyryp qiyndai túsedi. Myna eki úzindini: Rim. xat 3:28, Ǵalat. xat 3:1 myna úzindimen: Jaqyp. xaty 3:24 salystyryp kóreiik. Paýyl men Jaqyptyń paiymdaýlarynyń arasyndaǵy aiyrmashylyqty baiqaiyq (Paýyl pikiri: «adam senim arqyly ǵana qutqarylady», al Jaqyptyń pikiri: «qutqarylý úshin senimmen qosa igi ister qajet»). Alaida negizinde osy eki elshiniń arasynda senim men igi ister jaily eshqandai kelispeýshilik joq bolsa da, keibir adamdarǵa kelispeýshilik bar bolyp kórinedi. Paýyl adam senim arqyly ǵana aqtalady dese (Efes. xat 2:8-9), Jaqyp senimge qosa igi ister qajet dep aitqandai bolyp kórinedi. Osydan paida bolǵan máseleni Jaqyptyń sózderin muqiyat saraptaý arqyly sheshýge bolady. Jaqyp adam igi ister jasamai-aq senýshi bola alady degen pikirdi joqqa shyǵarady (Jaqyp. xaty 2:17-18). Demek Jaqyptyń basa aitqany mynaý: adamnyń Másixke degen senimi shynaiy bolsa, onda onyń ómiri túbegeili ózgerip, igi isterge tolady (Jaqyp. xaty 2:20-26). Jaqyp adam senim jáne igi ister arqyly aqtalady dep aityp turǵan joq, onyń sóziniń maǵynasy mynandai: senim arqyly shynymen aqtalǵan adam mindetti túrde óz erkimen igi ister jasaityn bolady. Al eger adam ózin senýshimin dep atai tura ómirinde eshqandai igi ister jasamasa, onda onyń Másixke degen senimi shynaiy emes bolǵany (Jaqyp. xaty 2:14,17,20,26).
Paýyl da óziniń jazbalarynda osyny aitady. Senýshiniń ómirinde kórinetin jemisterdiń (yaǵni igilikterdiń) tizimi Ǵalat. xat 5:22-23 ayattarynda kórsetilgen. Paýyl bizdiń igi ister emes, senim arqyly qutqarylǵanymyzdy jariyalap baryp (Efes. xat 2:8-9), bizdiń igi ister jasaý úshin jaratylǵanymyzdy aitady (Efes. xat 2:10). Jaqyp siyaqty Paýyl da adamnyń ómiriniń ózgergenin kútedi: «Sonymen, bireý Másixpen tyǵyz bailanyssa, sol – jańadan jaratylǵan adam. Eski ómir ótip ketip, mine, jańasy paida boldy!» (Qorynt. 2-xat 5:17). Osydan shyǵatyn qorytyndy mynandai: Jaqyp pen Paýyldyń arasynda qutqarylý joly jaily kelispeýshilik joq. Olar birdei taqyrypty ár túrli turǵydan qarastyrady. Paýl adamnyń Qudai aldynda senim arqyly ǵana aqtalatynyn aitady, al Jaqyp Másixke sengen adamnyń mindetti túrde igi ister jasataitynyn jariyalaidy.
English
Adam senim arqyly ǵana qutqarylady ma álde senimge qosa igi ister jasaý kerek pe?