E na rawa vakacava meu ciqoma na veivosoti mai vua na Kalou?




Taro: E na rawa vakacava meu ciqoma na veivosoti mai vua na Kalou?

Sau ni taro:
E kaya na nona vosa e na cakacaka 13:38, “O koya oqo mo ni kila, na veiwekani, ni sa vunautaki vei kemuni na vakabokoci ni valavala ca e na vukunaoqo”.

Na cava na veivosoti kei na vuna au gadreva kina?

Na i balebale ni vosa na bokoca se na vosota sai koya na kena vosoti se guilecava na veika sa oti. Ni da vakayacora e dua nai tovo tawa kilikili ki vua e dua, e da kerea na nona veivosoti me kua ni vakacacana na sala ni noda veiwekani. Na veivosoti e sega ni soli walega baleta ni dodonu ga vei keda na tamata meda vosoti ena noda caka cala. Na veivosoti e vakayacori ena yalo loloma, yalo e vakarokoroko kei na yalo e vinaka. Na veivosoti mo vakatulewa kina, mo kakuwa ni nanuma se maroroya e lomamu na veika sa oti.

E kaya na i vola tabu ni da gadreva kece na tamata e na vuravura oqo na veivosoti mai vua na Kalou. Ni da sai tamata valavala ca kecega. E kaya nai vola Na Dauvunau 7:20, “Ni sa sega na tamata yalododonu e vuravura, sa caka vinaka tiko, ka sega ni caka cala”. E na matai ni Joni 1:8, “Kevaka eda sa kaya sa sega ni tu vei keda na ca, eda sa vakaisini keda, a sa sega ni tu vei keda na dina”. Na i valavala kecega e vakaraitaki ni talaidredre vua na Kalou (Same 51:4). E kena i balebale ni da gadreva kecega na veivosoti. Kevaka sa sega ni bokoci na noda i valavala ca, e na tiko ga vei keda na cudru ni Kalou ka tawa mudu. (Maciu 25:46, Joni 3:36).

Na Veivosoti – Meu na taukena vakacava na bokoci ni valavala ca?

Me kakua ni cegu na noda vakavinavinaka ni sa Kalou yalo vinaka ka yalo loloma me bokoca na noda i valavala ca kecega. E kaya nona vosa e na i karua ni Pita 3:9, “Sa sega ni berabera na Turaga ni vakayacora na nona vosa ni yalayala, me vaka e ra sa nanuma na tamata eso sa berabera: sa vosoti keda ga vakadede, ni sa sega ni vinakata me rusa e dua, me yacova ga na veivutuni ko ira kecega na tamata”.

Sa i sau walega ni nodai valavala ca na mate me vaka ni sa volai ena Roma 6:23, “Ni sa kenai sau ni valavala ca na mate: ia sai solisoli walega ni Kalou na bula tawa mudu, ena vuku i Jisu Karisito na noda Turaga”. A mai mate e na vukuda na Karisito me bokoci kina na noda i valavala ca, e vakamatatataki e na Joni 1:1-14. E na i karua ni Koronica 5:21, “O koya sa sega vua na cala sa qisia ko koya mei soro ni nodai valavala ca; me vakayacori kina vei keda na veivakadonui ni Kalou e na vukuna. E na matai ni Joni 2:2, “ia sai bulubulu ni nodai valavala ca ko koya; a sa sega e na vuku ni noda walega, e na vuku talega ni nodra na kai vuravura kecega”. A tucake tale mai na Karisito me vakaraitaka e vuravura taucoko na kaukauwa ni Kalou me vaka ni sa volai e na matai ni Koronica 15:1-28. Me vakavinavinakataki na Kalou e na vuku ni tucake tale mai na mate na Karisito me vaka ni sa volai e na Roma 6:23 na dina ni sai solisoli walega ni Kalou na bula tawamudu e na vuku i Jisu Karisito na noda Turaga.

Ko gadreva li me bokoci na nomu I valavala ca? E tiko li e dua na ka e lomamu e vakataotaka tiko na nomu bula vakayalo? E rawa ni bokoci na nomu i valavala ca kevaka o tauri Jisu me nomui vakabula. E kaya na vosa ni Kalou ena Efeso 1:7, “o koya eda sa rawata kina na bula sa voli ena nona dra, io, na vakabokoci ni valavala ca, me vaka na nona loloma levu”. Sa bokoci kece na nodai valavala ca e na nona mai mate na Karisito ka dodonu vei keda na tamata me da kerea vua na Kalou e na vukui Jisu Karisito me bokoca na noda caka cala ni da vakabauta ka vakadinata nia mai mate walega na Karisito ena vuku ni nodai valavala ca. E na Joni 3:16-17, “Ni sa lomani ira na kai vuravura vakaoqo na Kalou, me solia kina na Luvena e dua bauga sa vakatubura, me kakua ni rusa ko ira yadua era sa vakabauti koya, me ra rawata ga na bula tawa mudu. Nisa sega ni tala mai na Luvena ki vuravura na Kalou me cudruvi ira na kai vuravura; me bula ga ko ira na kai vuravura ena vukuna”.

E rawarawa me da vosoti noda i valavala ca?

E rawarawa me da vosoti ka dredre me da volia ka taukena na veivosoti mai vua na Kalou. O na rawata ga ena vakabauta, ena vuku ni loloma kei na yalo vinaka ni noda Kalou. Kevaka ko na via tauri Jisu Karisito me nomui vakabula ka ciqoma talega na veivosoti mai vua na Kalou, mo cavuta na masu oqo. Turaga kemuni kila niu tamata i valavala ca vei kemuni ka dodonu ga mo ni cudruvi au. Ia e taura ko Jisu Karisito nai colacola ka dodonu meu cola, ena vuku ni vakabauti koya duadua ga au vakabulai kina. Au biuta na noqu vakabauta vei kemuni meu bula kina. Vinaka vakalevu ena nomuni loloma kei na veivosoti kei nai loloma ni Bula Tama Mudu. Emeni!"

Sa tiko li na nomu digidigi vua na Karisito ka vu mai na ka ko wilika eke? Ke io yalo vinaka curu “Au ciqoma Christ nikua”.



Lesu tale kina Home Page



E na rawa vakacava meu ciqoma na veivosoti mai vua na Kalou?