सोंलु
ख्रीस्तियाना मा ?
फिन्नाइ
ख्रीस्तियाननि सोदोबथिखौ दिसनेरियाव बे बाइदि बुंदों, "जिसुखौ खृष्ट होन्नानै बुंग्राफोर एबा जिसुनि फोरोंनाइनि सायाउ फसंनाय धोरोम" । साउरायनायखौ जागायजेन्नायनि बियो मोजां बिन्दो, गुबुन गुबुन दिसनेरिफोरनि बाइदिनो खृस्तियान सोदोबखौ बे बिजिरनायाबो, बाइबेलाव बिजिरनाय सोदोबथिनिफ्राइ बेसेबा गोजाजाउ । गोदान रदायाव खृस्तियान सोदोबखौ खेबनै बाहायदों (थोनहरजानाय 11:26, 26:28, 1 पेतर 4:16) । आनतिखिया होन्नाय जायगायाव जिसुखौ फोथायग्रा फोरखौ खृस्तियान होनजेनग्रोदों (थोनहरजानाय 11:26) मानोना बिसोरनि आखल, माउनाय आरो फोरोंनायफ्रा जिसु बाइदिमोन । "खृस्तियान" सोदोबनि सोदोबथिया जाबाय "जिसस नि दोलोनि" एबा "जिसुनि उनाव थाबायग्रा" होन्नाय जायो ।
समनि फाखनाव "खृस्तियान" सोदोबखौ बाहायनायनि आखुथाया गोमानो हमो आरो जिसुनि उनाव थाबायग्रा मानसि नङालाबो बेखौ सोरबा धोरोमिया, मोजां आखल आखुनि मानसिनि थाखैसो बाहायनो हमो । जिसु ख्रीष्टखौ फोथायै गोबां मानसिफ्राबो गाउखौ ख्रीस्तियान होन्नानै बुङो मानोना बिसोरो गेरजायाउ थाङो आरो बिसोर "ख्रीस्तियान" हादोराउ थायो । नाथाय गेरजायाउ थांनाय, मानसिनि सेबा खालामनाय एबा मोजां मानिस जानाय नोंथांखौ खृस्तियान खालामा । जेरेहै गारिनि गेरेजाव थांबाय थानानै नोंथाङा गारि जानो हाया, बे बाइदिनो गेरजायाव थांबाय थानानै मानलानो ख्रीस्तियान जानो हाया । गेरजानि सोद्रोमा जानानै, गेरजायाउ थांबाय थानानै, आरो गेरजानि खामानिफोरखौ मावबायबायनानै नोंथाङा ख्रीस्तियान जानो हाया ।
बाइबेला बुंदों, जोंनि मोजां हाबा माउनाया जोंखौ र्इशोरनि सिगाङाव नाजाव जाथाव खालामनो हाया । तितुस 3:5 आव बुंदों, "अला बियो जोंखौ बासायबाय, जों मोजां हाबा माउनायनि थाखै नङा नाथाय, बियो गाउनि अन्नायजों जोंखौ बासायबाय । आरो फाबफोरनिफ्राय उद्रयहोनानै, बियो जोंखौ गोथार जिउजों गोदानै सारिहोबाय ।" होमला ख्रीस्तियान होन्नायानो जाबाय र्इशोरजों गोदानै सारिजाहोनाय (जहान 3:3,7, 1 पेतर 1:23) आरो फोथायनायजों ख्रीष्टनि सायाउ बरसा खालामनाय । इफिसुस 2:8 सिरिया बुंदों दि "मानोना नोंसोरनि फोथायजों बासायजानाया र्इशोरनि दयाजोंसो, नोंसोरनि माउनायजों बे जायाखै, बियो र्इशोरनि ओरोइनो होनायसो ।"
गुबै ख्रीस्तियाना जाबाय बेनो, जाया जिसुखौ गाउनि फाबनि थाखै होनोगोनां बेसेनसौ ख्रूस सायाउ थैनानै होबाय आरो सानथामाउ सिखां फिनबाय होननानै फोथायनायजों लोगोसे बिनि सायाउ बरसा खालायो, आरो बिनि माउनायफोरखौ फोथायो । जहान 1:12 अव बुंदों, "अलाबो खाइसे फोथायनानै बेखौ नाजाउदो, आरो जायफ्रा बेखौ नाजाउदों, बिसोर साफ्रोमनोबो बियो र्इसोरनि बिसा जानो एकतियार होदों ।" गुबै ख्रीस्तियाननि सिनायथियानो जाबाय, गुबुनखौ अन्नाय आरो र्इशोरनि बाथ्राखौ मानिनाय (1 जहान 2:4, 10) । गुबै ख्रीस्तियाना गुबैयाउनो र्इसोरनि फिसा, र्इसोरनि फोलेरनि सासे, अरो जिसु ख्रीष्टनियाव गोदान जिउ मोन्नाय सासे मानसि ।
नोंथाङा फरायनानै ख्रीष्टनि खातियाव गावखौ गथायनो थांखि लाबाय ने ? लाबायला "आं दिनै जिसुखौ नाजावबाय" बतानाव लिक खालामदो
English
ख्रीस्तियाना मा ?