Ateizm nima?


Savol: Ateizm nima?

Javob:
Ateizm — bu Xudo mavjud emas degan nuqtai nazar. Ateizm yangi hodisa emas. Dovud, mil.av 1000 yillarda yozgan Zabur 14:1da ateizmni eslatib o'tadi: "Ahmoqlar o'z ko'nglida: "Xudo yo'q", deydi." So'nggi statistik ma'lumotlarga ko'ra, ateist ekanliklariga da'vo qilayotgan odamlarning soni butun dunyodagi odamlardan 10 foizga ko'paygan. Nima uchun ko'p va ko'proq odamlar ateist bo'lib ketyapti? Ateizm, ateistlar da'vo qilayotgan mantiqiy holatmi?

Nima uchun ateizm mavjud? Nima uchun Xudo, O'zi mavjud ekanligini isbotlab, odamlarga O'zini oshkor qilmaydi? Albatta, agar Xudo paydo bo'lsa, hamma unga ishonadi! Muammo shundaki, Xudo mavjudligini odamlarga oddiygina ishontirmoqchi emas. Xudo, odamlar Unga imon orqali ishonishlarini (2 Butrus 3:9) va imon orqali Uning najot sovg'asini qabul qilishlarini xohlaydi (Yuhanno 3:16). Xudo, Eski Ahdda ko'p marta O'zining mavjudligini aniq ko'rsatdi (Ibtido 6-9; Chiqish 14:21-22; 1 Shohliklar 18:19-31). Odamlar Xudo borligiga ishonishdimi? Ha. Ular yomon yo'llaridan yuz o'girib, Xudoga bo'ysunishdimi? Yo'q. Agar biror kishi imon orqali Xudoning borligini qabul qilmoqchi bo'lmasa, u Iso Masihni imon orqali Najotkor sifatida qabul qilishga tayyor emas (Efesliklarga 2:8-9). Xudo odamlarni faqat teistlar (Xudoning borligiga ishonadiganlar) emas, balki masihiy bo'lishlarini xohlaydi.

Muqaddas Kitobda Xudoning mavjudligi imon orqali qabul qilinishi kerak, deb aytilgan. Ibroniylarga 11:6 deydi, "Ishonmagan odam hech qachon Xudoni mamnun qila olmaydi. Axir, Xudoga sajda qilayotgan har kim Xudoning borligiga ishonishi kerak, Xudoga yuz burganlarga Xudoning O'zi mukofot berishiga u amin bo'lishi kerak." Muqaddas Kitob bizga Xudoga va imonga ishonish orqali baxtiyorligimizni eslatadi: "Iso unga shunday dedi: — Sen Meni ko'rganing uchun ishonding. Meni ko'rmay ishonganlar naqadar baxtlidirlar!" (Yuhanno 20:29). Xudoning borligi imon orqali qabul qilinishi kerak, lekin bu Xudoga bo'lgan ishonch mantiqsiz degani emas. Xudoning mavjudligi to'g'risida juda ko'plab yaxshi dalillar mavjud. Muqaddas Kitob, Xudo mavjudligini koinotda (Zabur 19:1-4), tabiatda (Rimliklarga 1:18-22) va bizning yuraklarimizda aniq ko'rinib turishini o'rgatadi (Voiz 3:11). Bularning barchasi Xudoning mavjudligini isbot etmaydi; Uni imon orqali qabul qilish kerakligini aytadi.

Shu bilan birga, ateizmga ishonish ham imonni talab qiladi. "Xudo yo'q" degan mutlaq so'zni aytish uchun, u hamma narsalarni bilib olishi mumkin bo'lgan hamma narsani biladi, va u koinotdagi hamma narsa joyida ekanligini va ko'riladigan hamma narsalarni ko'rganligini tasdiqlashni, bildiradi. Albatta, hech qanday ateist bunday so'zlar aytmaydi. Biroq, aslida, ular Xudoning mutlaqo mavjud emasligini ta'kidlaydilar. Ateistlar, masalan Xudo, Quyosh markazida, Yupiter bulutlar ostida yoki uzoq tumanlikda yashamasligini isbotlay olmaydi. Bu joylar kuzatuv qobiliyatimizdan tashqarida bo'lgani uchun, Xudo yo'qligini isbotlash mumkin emas. Ateist bo'lish uchun ham teist bo'lishingiz uchun ham bir xil imonga muhtojsiz.

Ateizm isbotlanmaydi va Xudoning borligini imon orqali qabul qilinishi kerak. Shubhasiz, masihiylar Xudo borligiga qat'iy ishonadilar va Xudoning mavjudligi imon masalasidir, deb tan olishadi. Shu bilan birga, biz Xudoga ishonmaslik g'oyasini rad etamiz. Biz Xudoning borligini aniq ko'rish, keskin his qilish va uning falsafiy va ilmiy ehtiyojini isbotlash mumkinligiga ishonamiz. "Xudoning shuhratini samolar namoyon qiladi, Uning ijodini falak toqi aytib turadi. Osmon kundan–kunga buni bildiradi, Har tun bundan xabardor qiladi. Samo, falak aytmas bir gap, yo bir jumla, chiqmas ulardan hech bir sado" (Zabur 2-5).

English


O’zbek tilidagi saxifaga qaytish

Ateizm nima?