settings icon
share icon
Savol

Najot uchun qadamlar nima?

Javob


Ko'p odamlar "najot uchun qadamlar"ni izlaydilar. Ular yetakchilik g'oyasini yaxshi ko'radilar – muayyan qadamlar bilan ko'rsatmalar, undan keyin najotni olishingiz mumkin deb ishonadilar. Ba'zi masihiylar, bu fikr juda jozibador bo'lgani uchun, bosqichma-bosqich jarayonning natijasi sifatida najotni noto'g'ri tasavvur qilishadi. Turli e'tiroflar suvga cho'mish, jamoat tavbasi, til in'omiga ega bo'lish va boshqa narsalarni najotga qadam deb qo'yadi. Lekin Muqaddas Kitob faqat bir qadam haqida bizga aytadi. Qamoqxona nazoratchisi Pavlusdan so'radi: "Janoblar, najot topishim uchun nima qilishim kerak?" Pavlus javob berdi: "Rabbimiz Isoga ishon, shunda o'zing va xonadon ahling najot topasizlar" (Havoriylar 16:30-31).

Najotkor sifatida Iso Masihga bo'lgan imon, najot uchun "qadam" dir. Muqaddas Kitob xabari, juda ham ochiq-oydin. Biz hammamiz Xudoga qarshi gunoh qildik (Rimliklarga 3:23) va bizning gunohlarimiz tufayli biz Xudodan abadiy ajralishga loyiqmiz (Rimliklarga 6:23). Lekin bizni sevgani uchun (Yuhanno 3:16), Xudo inson qiyofasini oldi va biz uchun mo'ljallangan jazoni qabul qilib, bizning o'rnimizga o'ldi (Rimliklarga 5:8; 2 Korinfliklarga 5:21). Masihni imon orqali, Najotkor sifatida inoyatni tan olsa, Xudo uning gunohlari kechirilishi va osmonda abadiy hayotni va'da qiladi (Yuhanno 1:12; 3:16; 5:24; Havoriylar 16:31).

Biz muayyan qadamlarni bajarish orqali najotga erisha olmaymiz. Ha, masihiylar suvga cho'mishlari kerak. Ha, ular tavba qilishlari va jamoatchilik o'rtasida Masihni Najotkor deb tan olishlari kerak. Masihiylar ham gunohdan yuz o'girib, o'z hayotlarini Xudoga bo'ysundirishlari kerak. Biroq, bu harakatlar najot topish uchun qadam emas. Ular najotning natijasidir. Gunohlarimiz tufayli o'zimiz najot topish uchun loyiq emasmiz. Biz minglab qadamlarga ergashishimiz mumkin, ammo bu hali ham yetarli bo'lmaydi. Mana nima uchun Iso biz uchun o'lishi kerak edi. Biz Xudoga bo'lgan qarzlarimizni to'lay olmaymiz yoki gunohdan o'zimizni poklay olmaymiz. Faqat Xudo bizga najot berishi mumkin – va U buni qildi. Xudo O'zi "qadamlar"ni amalga oshirdi va shu bilan Uni qabul qilgan har bir kishiga najot berdi.

Gunohlardan qutqarilish va kechirilish, biror bir narsaga ergashishdan iborat emas. Bu, Masihni Najotkor sifatida qabul qilishga, bizga va biz uchun barcha ishlarni amalga oshirganini tan olishdir. Xudo bizdan faqat bitta narsani talab qiladi: Iso Masihni Najotkor sifatida tan olish va Unga to'liq ishonch. Masihiylik, boshqa barcha dunyo dinlaridan ajralib turadi, ularning har biri najotga erishish uchun amalda qilinishi kerak bo'lgan qadamlar ro'yxatini o'z ichiga oladi. Masihiy e'tiqod, Xudo allaqachon qadamlar qo'yganligini o'rgatadi va bizni imon orqali qabul qilishga chaqiradi.

Siz bu yerda o'qiganingiz uchun Masihni qabul qildingizmi? Ha bo'lsa, iltimos, "Men bugun Masihni qabul qildim" tugmasini bosing.

English



O’zbek tilidagi saxifaga qaytish

Najot uchun qadamlar nima?
© Copyright Got Questions Ministries