Savol
Masihiylar tibbiy yordamga murojaat qilsa bo'ladimi?
Javob
Shifokorlar haqida Muqaddas Kitobda ko'p marotaba eslatilgan. Bunday toifada yordam uchun murojaat qilmaslik kerakligini ko'rsatadigan faqat bir oyat mavjud — bu 2 Solnomalar 16:12. "Hukmronligining o'ttiz to'qqizinchi yilida Osoning oyoqlari og'riydigan bo'lib qoldi. Uning ahvoli juda og'ir bo'lishiga qaramay, u kasallik paytida ham Egamizga yuzini burmadi, faqat tabiblardan yordam so'radi" (2 Solnomalar 16:12). Biroq, bu maxsus voqea Osoning keyingi yillarda Xudoga murojaat qilishi va o'zining hayotiga yangicha dunyoqarash olib keldi.
Muqaddas Kitobda biz bog'lamalar (Ishayo 1:6), zaytun moyidan foydalanish (Yoqub 5:14), zaytun moyi va sharob (Luqo 10:34), barglar (Hizqiyo 47:12), sharob ichish (1 Timotiy), Guladdan olingan malham (Eremiyo 8:22) qo'llash kabi tibbiy vositalardan foydalanish haqida gapiradigan ko'plab oyatlarni topamiz. Shuningdek, Havoriylar va Xushxabar muallifi bo'lgan Luqoni, Havoriy Pavlus "sevimli tabib" deb eslatib o'tadi (Kolosaliklarga 4:14).
Mark 5:25-30-oyatlarida qon ketishidan azob chekayotgan ayol haqida ko'p gap bor. Garchi ularga barcha mablag'larini sarflagan bo'lsa-da, hech bir shifokor unga yordam bera olmadi. Isoning oldiga kelgach, u o'zi uchun qaror qabul qildi, agarda hech bo'lmaganda Uning kiyimiga tegsam, shifo topaman deb o'yladi. Shunday qilib, bu sodir bo'ldi. Iso farziylarning, nimaga soliqchilar va gunohkorlar bilan eyb-ichib o'tiribdi degan savoliga javob berib, dedi: "Sog'lar emas, xastalar tabibga muhtojdir" (Matto 9:12). Yuqorida keltirilgan barcha oyatlardan bir nechta qoidalarni ta'kidlashimiz mumkin:
1) Shifokor-Parvardigor Xudo emas va bunday deb baholanmasligi ham kerak. Ular ba'zan yordam berishadi, lekin ertami-kechmi ularning yordami tugaydi, sizning pulingiz tugashi bilan birga.
2) Dori vositalaridan foydalanish, Muqaddas Kitobning hech bir joyda qoralanmaydi, aksincha – bir necha bor eslatib o'tiladi.
3) Tananing har qanday buzilishi uchun Xudoning aralashuvini so'rash kerak (Yoqub 4:2; 5:13). U, biz xohlagan tarzda (Ishayo 55:8-9) hamma narsani qilishni va'da qilmaydi, lekin U biz uchun qaysi yo'lni tanlamasligiga ishonch hosil qilishimiz mumkin, bu faqat sevgi bilan belgilanadi va bu esa faqat bizning manfaatlarimiz uchun amalga oshiriladi (Zabur 144:8-9).
Shunday qilib, masihiylar tibbiy yordamga murojaat qilsa bo'ladimi? Xudo bizni oqilona mavjudot sifatida yaratdi va bizga o'z tanamizning sog'ligini tiklash uchun dori-darmonlarni yaratish imkoniyatini berdi. Sog'ligimizning holatini yaxshilash uchun ushbu bilim va imkoniyatlarni qo'llashning hech qanday yomon joyi yo'q. Shifokorlarga Xudoning in'omi sifatida qaralishi mumkin, chunki U ular orqali bizga shifo va tiklashni yuboradi. Shu bilan birga, biz shifokorlar va dori-darmonlarga emas, balki Xudoga tayanishimiz kerak. Agar biz hayotning barcha qiyinchiliklarini jasorat bilan kutib olsak, Xudo biz so'raganimizda bizga donolik berishni va'da qiladi (Yoqub 1:5).
English
Masihiylar tibbiy yordamga murojaat qilsa bo'ladimi?