Epulilo:
Ukwakilistu oco nye?
Etambululo:
Velombolwilo lyelivulu lyalomboluilo eci ci tyamela Kukwakilistu nda twa sangamo cimwe ci lisoka “lomunu u okwãyi etavo pamwe ekolelo ku Yesu nda Kilistu, pamwe vali etavo lya sevetiwila valongiso a Yesu.”Osimbu eli efetikilo limwe liwa, ndomo tu sanga valivulu alwa a lombolola alombolwilo, lopo li lweya poku pitiya ciwa ocili celombolwilo lyeci ca lomboloka ocili oku linga pamwe oku kala Ukwakilistu. Ondaka “Ukwakilistu” yi sangiwa olonjanja vitatu Votesamendo Yokaliye (Ovilinga 11:26; 26:28; 1 Petulu 4:16) Oloñwame vya Yesu Kilistu vya tukwiwa “VakwaKilistu” onjanja ya tete ko Antiokea (Ovilinga 11:26) momo ovituwa vyavo vyesunguluko, ovopange avo kwenda okuvangula kwavo vya kala ndevi vya Kilistu. Ondaka “Vakwakilistu” oku yi pitiya ndomo yi kasi yi lomboloka “oku tyamela kocisoko pamwe kocitundo ca Kilistu” ale “oñwame ya Kilistu.”
Eci ci koka esumwo ceci okuti vokwenda kwotembo ondaka “Ukwakilistu” ya nyelĩsa onepa yinene yelombolwilo yalyo kwenje olonjanja vyalwa okuti yi lomboloka umwe okwãyi etavo limwe, pamwe okwete ovituwa viwa, pwãyi citava okuti o kwãyi Yesu Kilistu citavavo okuti ko kwãyi. Omanu valwa okuti ka va tava kwenda ka va kolelele Yesu Kilistu pwãyi ovo mwele va likapa pamwe va litukula Vakwakilistu omo ño va ika oku enda konembele pamwe va tunga vofeka yi tukwiwa ya “Vakwakilistu”. Pwãyi oku enda konembele loku kwatisa vana ka va kwete osande ove okwete, pamwe oku kala omunu uwa, ka ku ku lingisa UkwaKilistu. Oku enda konembele kaku ku lingisa Ukwakilistu ndeci oku enda konjo yoku landisa akãlu ka ku ku pongolwisa ekãlu., Oku linga oñame yekongelo, loku enda enda konembele olonjanja vyosi, loku lyeca kupange wekongelo ka ku ku lingisa Ukwakilistu.
Embimbiliya li longisa okuti ovopange awa tu linga ka a tela oku tu twala koku taviwa la Suku,. Tito 3:5 hati: “Wa tu popela loku tu sukula lovava epapatiso liucito wokaliye, kuenda etumbuluko ve Espiritu Sandu.” Ndoco, Ukwakilistu omunu umwe wa citiwa evali la Suku (Yoano 3:3; Yoano 3:7; 1 Petulu 1:23) kwenda wa kapa ekolelo lyaye ku Yesu Kilistu. Efeso 2:8 o tu lombolwila okuti “Wa popelui ocali omo wa kaili lekolelo. Ka wa ci lingili ene muele puãi ca tunda ocali ku Suku.”
Ukwakilistu wocili omunu umwe wa kapa ekolelo lyaye vomunu kwenda vupange wa Yesu Kilistu, loku kongelamovo olofa Vyaye kekulusu ndofeto yakandu kwenda epinduko Lyaye keteke lyatatu. Yoano 1:12 ci tu lombolwila hati:”Puãi vosi vo tambula kuenda va kolela onduko yaye, wa va iha omoko yoku linga omãla va Suku.”Ocindekase cocisola cocili Cukwakilistu ocisola a kwetele vakwavo kwenda epokolo Kondaka ya Suku (1 Yoano 2:4; 10). Ukwakilistu wocili wa linga ocili omõla a Suku kwenda wa lingavo onepa yepata lyocili lya Suku kwenda umwe wa tambula omwenyo wokaliye vu Kilistu Yesu.
English
Ukwakilistu oco nye?