ప్రశ్న
ఆత్మలను బదిలీ చేయడం గురించి బైబిల్ ఏమి చెబుతోంది?
జవాబు
"ఆత్మలను బదిలీ చేయడం" అనే ఆలోచన వెనుక ఉన్న భావం ఏమిటంటే, ఒక వ్యక్తి మరొకరిని తాకడం ద్వారా లేదా అతని దగ్గర ఉండటం ద్వారా దుష్టాత్మను ఆ వ్యక్తికి బదిలీ చేయగలడు. ఈ భావనను బోధించే వారు, తమలోకి అటువంటి ఆత్మను బదిలీ చేయగల స్నేహితులు లేదా కుటుంబ సభ్యులతో సంబంధాలు పెట్టుకోవద్దని ఇతరులకు చెబుతారు. మరొక వ్యక్తిని తాకడం ద్వారా లేదా అతని దగ్గర ఉండటం ద్వారా లేదా మరే ఇతర పద్ధతి ద్వారా ఆత్మలను బదిలీ చేసే భావనకు లేఖన ఆధారం లేదు. వాస్తవానికి, ఇతరులలోని ప్రతికూల వైఖరులు లేదా పాపపు ప్రవర్తనల ద్వారా మనం ప్రభావితం కావచ్చు, కానీ వీటిని ఇతరులకు బదిలీ చేయగల ఆత్మలుగా గుర్తించడం బైబిల్ బోధనలకు విరుద్ధం.
సృష్టించబడిన ఆత్మ జీవులు రెండు రకాలు అని బైబిల్ చెబుతుంది: పతనమనని పవిత్ర దేవదూతలు మరియు సైతాను యొక్క తిరుగుబాటులో అతనికి తోడుగా వెళ్ళిన దేవదూతలు. పాపం చేయని దూతలను పరిచర్య చేసే ఆత్మలు అని పిలుస్తారు (హెబ్రీయులు 1:14), మరియు రక్షణకు వారసులుగా ఉండబోయే వారికి, అంటే క్రీస్తును రక్షకునిగా నమ్మే వారికి పరిచర్య చేయడానికి దేవుడు వారిని పంపుతాడని మనకు చెప్పబడింది. సాతాను తిరుగుబాటులో చేరిన దేవదూతలు, దుష్టత్వానికి అంకితమైన ఆత్మీయ జీవుల (పిశాచుల) సమూహాన్ని ఏర్పరుస్తాయి.
పిశాచులు ఒక సజీవ జీవి నుండి మరొకదానికి బదిలీ అయిన సంఘటనను బైబిల్ కేవలం ఒకే ఒక్కసారి నమోదు చేసింది. యేసు, దయ్యాల పట్టిన మనుషుల నుండి ఒక పెద్ద గుంపు పందులలోకి దయ్యాల సైన్యాన్ని బదిలీ చేసినప్పుడు అది జరిగింది (మత్తయి 8:28-34). యేసు ఈ అద్భుతాన్ని పునరావృతం చేయలేదు, మరియు ఆయన తన శిష్యులకు (లేదా మనకు) ఆత్మలు బదిలీ చేయడం గురించి ఎప్పుడూ హెచ్చరించలేదు. క్రీస్తులో పునర్జన్మ పొందిన విశ్వాసి సాతానును లేదా అతని పతనమైన దేవదూతలను భయపడటానికి ఎటువంటి కారణం లేదు. మనం అతనికి ప్రతిఘటిస్తే, అతను మన నుండి పారిపోతాడు. "కాబట్టి దేవునికి విధేయులగుడి; అపవాదిని విరోధించుడి, అప్పుడు అతడు మీయొద్దనుండి పారిపోవును" (యాకోబు 4:7). విశ్వాసులుగా, మన శరీరము పరిశుద్ధాత్మకు ఆలయం. పరిశుద్ధాత్మ తన ఆలయంలో ఒక దుష్టాత్మను సహించడని మనం విశ్వసించవచ్చు.
English
ఆత్మలను బదిలీ చేయడం గురించి బైబిల్ ఏమి చెబుతోంది?
