ప్రశ్న
యేసు రాత్రి దొంగలా తిరిగి వస్తాడనడం అంటే అర్థం ఏమిటి?
జవాబు
యేసు క్రీస్తు రాకను రాత్రి దొంగ రాకతో పోల్చారు. రెండు వాక్యాలు "రాత్రి దొంగ" అనే పదజాలాన్ని ఉపయోగిస్తాయి: మత్తయి 24:43, "ఈ విషయం అర్థం చేసుకోండి: దొంగ రాత్రి ఏ జామున వస్తాడో ఒకవేళ ఇంటి యజమానికి తెలిస్తే, అతడు తన ఇంటికి కన్నం వేయకుండా మెలకువగా ఉంటాడు," మరియు 1 థెస్సలోనీకయులు 5:2, "రాత్రి వేళ దొంగ ఏలాగు వచ్చునో ఆలాగే ప్రభువు దినము వచ్చునని మీకు బాగుగా తెలియును." 2 పేతురు 3:10లో, "ప్రభువు దినము దొంగవలె వచ్చును" అని ఇలాంటి పదజాలమే ఉపయోగించబడింది.
మత్తయి 24లో, క్లిష్టకాలము ముగిసే సమయంలో తన రెండవ రాకడ గురించి యేసు మాట్లాడారు. 1 థెస్సలోనీకయులు 5లో పౌలు దానిని "యెహోవా దినము" అని పిలుస్తాడు. ఇది ఖగోళ కల్లోలం మరియు ఆకాశంలో కనిపించే "మనుష్యకుమారుని సూచన" (మత్తయి 24:29–30)తో కూడిన దైవిక ప్రతీకార దినము. యేసు దీనిని "ఆ దినముల శ్రమ తరువాత" (వచనం 29) జరుగుతుందని చెప్పారు, ఈ వర్ణన ఈ సంఘటనను శ్రమకాలం ముందు జరిగే రేపుకొనిపోవడం నుండి వేరు చేస్తుంది.
రెండవ రాక రాత్రి దొంగలా ఎలా ఉంటుంది? యేసు పోల్చడంలో ముఖ్యమైన అంశం ఏమిటంటే, ఆయన ఎప్పుడు తిరిగి వస్తాడో ఎవరికీ తెలియదు. ఒక దొంగ ఇంటిని ఆశ్చర్యపరిచినట్లుగా, యేసు తీర్పు తీసుకుని తిరిగి వచ్చినప్పుడు అవిశ్వాసులైన ప్రపంచాన్ని ఆశ్చర్యపరుస్తాడు. ప్రజలు "తింటున్నారు, తాగుతున్నారు, పెళ్లిళ్లు చేసుకుంటున్నారు, పెళ్లిళ్లకు ఇస్తున్నారు" (వచనం 38), ప్రపంచంలో తమకు చాలా సమయం ఉన్నట్లుగా ఉంటారు. కానీ ఆ తర్వాత, వారికి తెలిసేలోపే, తీర్పు దినము వారి మీదికి వచ్చును (వచనాలు 40–41). పౌలు దీనిని ఈ విధంగా చెబుతాడు: "ప్రజలు 'శాంతియును సురక్షితత్వమును' అని చెప్పుకొనుచుండగా, గర్భిణికి ప్రసవ వేదనలు వచ్చినట్లు నాశనము అకస్మాత్తుగా వారి మీదికి వచ్చును, వారు దానినుండి తప్పించుకొనలేరు" (1 థెస్సలోనీకయులకు 5:3).
విశ్వాసి ఈ వేగవంతమైన మరియు అకస్మాత్తుగా వచ్చే తీర్పుకు భయపడడు; "రాత్రిలోని దొంగ" మనల్ని ఆశ్చర్యపరిచి పట్టుకోలేదు. క్రైస్తవులు ఒక ప్రత్యేక వర్గంలో ఉన్నారు: "కానీ సహోదర సహోదరీలారా, మీరు చీకటిలో లేరు గనుక ఈ దినము దొంగవలె మీకు ఆశ్చర్యము కలిగించదు" (1 థెస్సలోనీకయులకు 5:4). చీకటిలో ఉన్నవారు మాత్రమే అప్రమత్తంగా పట్టుబడతారు, మరియు మనం "అందరూ వెలుగు యొక్క పిల్లలు, పగటి పిల్లలు. మనం రాత్రికి గానీ చీకటికి గానీ చెందినవారం కాదు" (వచనం 5). ప్రభువును స్తుతించండి, "దేవుడు మనలను కోపానికి కాదు, మన ప్రభువైన యేసుక్రీస్తు ద్వారా రక్షణ పొందుటకు నియమించెను" (వచనం 9).
రక్షణ లేని వారు యేసు హెచ్చరికను గమనించాలి: "మీరు ఊహించని గంటలో మనుష్యకుమారుడు వచ్చును గనుక సిద్ధంగా ఉండండి" (మత్తయి 24:44). మీరు ఎలా సిద్ధంగా ఉండగలరు? తీర్పు నుండి తప్పించుకోవడానికి దేవుడు మీకు మార్గాన్ని సిద్ధపరిచాడు. ఆ మార్గము యేసు క్రీస్తు (యోహాను 14:6). యేసును మీ ప్రభువుగా మరియు రక్షకునిగా అంగీకరించడం ద్వారా, మీకు పాపక్షమాపణ, కరుణ, మరియు నిత్యజీవ వాగ్దానంతో కూడిన రక్షణ అనుగ్రహించబడుతుంది (యోహాను 3:16; ఎఫెసయులు 2:8–9). "దొంగ" వస్తున్నాడు, కానీ మీరు పగటి పిల్లలు కాగలరు. దీనిని వాయిదా వేయకండి; ఇది "యెహోవా అనుగ్రహ సంవత్సరం" (లూకా 4:19).
English
యేసు రాత్రి దొంగలా తిరిగి వస్తాడనడం అంటే అర్థం ఏమిటి?
