ప్రశ్న
ప్రకటన గ్రంథంలోని ఏడు సంఘాలు దేనిని సూచిస్తున్నాయి?
జవాబు
ప్రకటన 2-3లో వర్ణించబడిన ఏడు సంఘాలు, అపొస్తలుడైన యోహాను ప్రకటన గ్రంథాన్ని వ్రాస్తున్న సమయంలో ఉన్న ఏడు నిజమైన సంఘాలు. ఆ సమయంలో అవి ఆసియా మైనర్లో ఉన్న నిజమైన సంఘాలు అయినప్పటికీ, నేటి సంఘాలకు మరియు విశ్వాసులకు కూడా వాటిలో ఆత్మీయ ప్రాముఖ్యత ఉంది. ఆ లేఖల యొక్క మొదటి ఉద్దేశ్యం, ఆ నిజమైన సంఘాలతో సంభాషించి, వారి అవసరాలను తీర్చడమే. రెండవ ఉద్దేశ్యం, చరిత్ర అంతటా ఉన్న ఏడు విభిన్న రకాల వ్యక్తులను/సంఘాలను బయలుపరచడం మరియు వారికి దేవుని సత్యంలో బోధించడం.
మూడవ ఉద్దేశ్యం ఏమిటంటే, సంఘ చరిత్రలో ఏడు విభిన్న కాలాలను ముందుగా సూచించడానికి ఈ ఏడు సంఘాలను ఉపయోగించడం. ఈ దృక్కోణంతో ఉన్న సమస్య ఏమిటంటే, ప్రతి సంఘం ప్రదర్శించే లక్షణాలు దాని చరిత్రలో ఏ సమయంలోనైనా సంఘానికి సరిపోగలవు. కాబట్టి, ఏడు సంఘాలు ఏడు యుగాలను సూచిస్తాయనే దానిలో కొంత నిజం ఉన్నప్పటికీ, ఈ విషయంలో చాలా ఊహాగానాలు ఉన్నాయి. ఏడు సంఘాలకు వ్రాసిన లేఖల ద్వారా దేవుడు మనకు ఏ సందేశాన్ని ఇస్తున్నాడనే దానిపై మన దృష్టి ఉండాలి.
ఏడు సంఘాలు ఈ క్రింది విధంగా ఉన్నాయి:
(1) ఎఫెసు (ప్రకటన 2:1-7) - తన ప్రథమ ప్రేమను విడిచిపెట్టిన సంఘం (2:4).
(2) స్మిర్నా (ప్రకటన 2:8-11) - హింసను అనుభవించబోయే సంఘం (2:10).
(3) పెర్గమం (ప్రకటన 2:12-17) - పశ్చాత్తాపపడవలసిన సంఘం (2:16).
(4) థియాతిర (ప్రకటన 2:18-29) - అబద్ధ ప్రవక్త్రి ఉన్న సంఘం (2:20).
(5) సార్దిస్ (ప్రకటన 3:1-6) - నిద్రలోకి జారుకున్న సంఘం (3:2).
(6) ఫిలడెల్ఫియా (ప్రకటన 3:7-13) - సహనంతో సహించిన సంఘం (3:10).
(7) లవొదికయ (ప్రకటన 3:14-22) - చల్లని విశ్వాసం గల సంఘం (3:16).
English
ప్రకటన గ్రంథంలోని ఏడు సంఘాలు దేనిని సూచిస్తున్నాయి?
